A Sanadin Son Ki Part One Complete Hausa Novel

"Kaiii Yaya ni ba gulmar ka ba fah nayi ba hirar mu muke ko Suhaima?"
Ta k'arasa maganar da shagwa6a tana langa6e kai ta kalli Suhaima tana kifta mata ido alamar kada ta sanar shi abin da ce, batasan duk yaji ta ba d'auke kai kawai yayi yana murmishi shi dai kusan tsaf familyn shi sun d'an fi jituwa da Jiddah saboda kusan halayyar su d'aya, dariya Suhaima take kafin tace
"Ni ba ruwana bansan me akai ba "
"Auuu! Haka ma zaki ce shikenan "
Tana gama fad'in haka ta mik'e fuuu tare da wuce d'akin Aunty Aliya, er k'aramar dariya Suhaima ta saki don Jiddah ta bata dariya, yayin da Sabeer yake binta da kallo cike da sha'awa don sosai dariyar tayi mata kyau dimples nata da yake so duk sun fito.

Ganin yanda yake bin ta da kallo ne yasa ta d'an tsargu ta nutsu kafin tace
"Au ashe bamu gaisa ba, ina kwana? "
Ta fad'i tana rufe bakin ta da hannu, d'an murmishi yayi yana cewa
"Baby bana cikin nutsuwata gaba d'aya "
Gabanta ne ya d'an fad'i kafin tace
"Subhanallah me yasa meka? "
Fuskarta d'auke da damuwa ta furta hakan.

"Baby abin da yake damuna lokacin auren mu yayi nisa da yawa, 2 month's fah aka sanya ni da nafison 3 week's, yanzu gaba d'aya fah 2 week's muka ci acikin wata 2 "

Kallon shi take kawai idan banda abin Sabeer wata biyu nawa yake idan Allah ya basu aron rai, wasu ma shekara ake sanya wa ko wata 6 amman basu damu ba sai shi, amman sai ta danne mamakin ta saboda ganin yanda duk ya koma sai fitar da huci yake idanun shi har sun d'an canja launi saboda damuwa gashi ya wani kafeta da ido tamkar zai had'iye ta haka yake jin shi ga tsugunnawar da tayi ta k'ara wani sanya tunanin cikin zuciyar shi sai a lokacin ya sake tabbatar wa Suhaima yarinya ce k'arama.

Anya bazai d'aga mata k'afa ba yana ganin tamkar zai iya cutar da ita a yanda yake jin shi, amman da wuya ya iya juriyar hakan don ma yau yaga ta k'ara cika kamar yanda Jiddah ta fad'i ga hips nata da boobs nata sun dad'a fitowa, wani had'iyar yawu yayi lokacin da ya kai idanun shi kai wanda ya sanya shi kusan kwarewa, da sauri ya kau da kai lallai Annabi yayi gaskiya da yace kada kana kallon matar da ba taka ba don bakasan inda idanun ka zasu kai gashi yau idanun shi sun ja mishi ganin abin da zai hanashi bacci cikin jin dad'i, daman can ba wani jin dad'in baccin yake ji ba tun lokacin da idanun shi suka fara ganin Suhaima.

Muryar Suhaima da yaji ne yasa shi d'ago wa ya kalleta yana sauke ajiyar zuciya, sai da gaban ta ya fad'i da ganin yanda eyes nashi da face nashi suka canja, cikin kwantar da murya tamkar mai rad'a tace
"Sabeer bana son kana sanya damuwa cikin ranka kada ya janyo maka wata matsalar please , wata 2 d'in kamar yau ne"

D'an murmishin yak'e yayi kafin yace
"Ba komai Baby na hak'ura amman ki tabbatar idan kika zo hannuna Hmmm.... "

Yak'i k'arasa maganar tashi, cikin rashin fahimta tace
"Kamar ya idan nazo hannun ka? "

"A'a ba komai Baby "
Ya k'arasa maganar da dariyar mugunta a d'an tsorace ta kalle shi don ta gama tsarguwa, ganin haka ya sanya shi danne dariyar shi don kada ya tsorata ta yace
"Calm down Baby matsoraciya ba fah wani abun nake nufi ba, yanzu me zaki ba ni naci? "

Ya fad'i hakan yana bagarar da zancen don baya son ta sanya shi a ranta.

"Me kake so nayi maka? "
"Baby fura ma ta isheni"

"Ita kadai kawai? "
D'an girgiza kai yayi kafin yace
"Kaiii Baby anya zan iya shan furar nan kuwa kada ta dame ni fah "
D'an zaro ido kad'an tayi sannan tace
"Furar ce zata dame ka, me take maka? "
D'an murmishi yayi sannan yace "zaki san kome take min amman ba yanzu "
Ya fad'i yana d'aga mata gira kan ya cigaba da cewa
"Eh Baby kiyi min kunun da kike min zan je na dawo "
"To shikenan "

Daga haka ya mik'e ya fita, ita kuma ta fad'a falon Aunty Aliya ta tarar da ita suna hira da Jiddah.

Jiddah na ganin ta ta harare ta kan tace
"Shine nace zan zo kika fad'a mishi yazo koh? "

D'an murmishi Suhaima tayi tana cewa
"Kinsan Allah Jiddah bansan da zuwan shi ba ko da safe munyi waya bai fad'a min, idan ya fad'a min zai zo ai zan fad'awa Aunty Aliya koh? "

Murmishi kawai Aunty Aliya tayi,
"Ni fah kinsan abubuwa zamu tattauna masu mahimmanci kin je kun wani lik'e kuna hira "
Er kunya ce ta kama Suhaima don ga Aunty Aliyah a zaune a wurin, d'ago kanta tayi ta harari Jiddah tana tuna mata da akwai Aunty Aliya a wurin fah.

Dariya Jiddah ta sanya kafin tace
"Uhm sabon salo yau ke ake jin kunya Aunty Aliya fah "

Dariya tayi sannan tace
"Allah ya shirya ki Suhaima yau wani sabon salon aka fito dashi to wallahi tun wuri yarinya ki cire iyayin kunyar da kika yafa a toh"
Cewar Aunty Aliya kenam dariya suka sanya kafin Jiddah ta k'ara cewa
"Yanzu sai ki kawo min d'an wake na mu fara maganar da ta kawo ni koh yah amaryar mu? "

"Ban yi ba kuwa don ki ji"
"Tabd'ijam yarinya kinma isa tun wuri kije ki kawo min "

Tashi tayi tana murmishi taje ta kawo mata duk ta zuzzuba ta yawun Jiddah har wani tsinkewa yake, tana gama hadawa ta mik'a mata, kar6a tayi tana cewa
"Da kuwa baki yi ba da sai na kaiwa my dear k'arar ki kuma yau sai anganmu a rana "
Dariya Suhaima tayi tare da cewa
"Aci lafiya Maman twins"

Mik'e wa Suhaima ta sake yi don tafiya yiwa Sabeer kunun da yake buk'ata, kallon ina zaki je Jiddah tayi mata duk ta wani tsatstsare ta da idanu abin ya bawa Jiddah dariya don haka tace
"Keee Jiddah irin wannan tsatstsare ni da eyes haka "

"Dole na tsatstsare da ido mana naga kin mik'e kuma kinsan ban da ishashshen time da wuri zan koma "

"Had'a mishi kunu zanyi yanzu zan gama"
"What! Wa zaki had'a wa kunu Yah Sabeer koh? "
"Eh shi "
"Tabbb aini tun da nagan shi nasan yau bazai barmu yin abin da ya kamata ba wallahi duk tak'ura mana zai yi ji har da wani cewa kiyi mishi kunu tsabar sanya mutum aiki "

"Eh d'in ina ruwan ki tun da bake aka sanya ba "
Ta k'arasa fad'i tana murgud'a bakinta tabar d'akin, Jiddah wadda ta saki baki tana kallon Suhaima da D'an k'arfi yanda zata ji tace

"Eheyyy yarinya ni kike fad'awa haka lallai Aunty Aliya kinji Yah Sabeer zai shiga tsakanin mu "

Dariya tayi sannan tace
"Kun fi kusa don ba'a shiga tsakanin ku yanzu mutum zai ji kunya don anjima kad'an zaku jone ".

Cikin shagwa6a Jiddah tace "au haka zaki ce Aunty? "
"Eh mana idan na shiga ni za'a bari da jin kunya"

Murmishi Jiddah tayi ta cigaba da cin d'anwaken ta suna ta6a hira da Aunty Aliyah.

Suhaima kuwa bayan fitar ta a palon tana jin abin da Jiddah tace murmishi kawai tayi, nan ta fara aikin had'a kunun da yake tana da gyadar shi yasa aikin yazo mata da sauk'i don tana son shan kunun gyada shi yasa take ajiye markad'add'iyar gyad'a, bayan ta gama ne ta zuba mishi a dogon jug na silver sai k'aramin cup shima na silver ta ajiye mishi a kitchen sannan ta zuba musu nasu a cup ta d'auka ta koma d'akin Aunty Aliya ta mik'a wa Jiddah da Aunty Aliya nasu.

"Yawwa tawan shi yasa kike birgeni kamar kinsan inason sha tun lokacin da kika ambaci sunan shi raina ya biya"

"Ai daman nasan Babyn mu naso shi yasa na dama"

Bata dad'e da zama ba Sabeer yayi mata text ya dawo ta kawo mishi, nan ta d'auki k'aramin tiren silver wanda ta shirya kunun akai ta kai mishi sun d'an ta6a hira har yasha kunun da yawa kafin kuma yayi mata sallama don akwai inda zasu je da Daddyn shi, mota ya shiga drive yaja suka tafi sai da taga tafiyar shi sannan ta dawo gida.

"Lailah ina Majnun d'in? "
Fad'in Jiddah wadda take zaune tana kallon Suhaima da take warware veil d'in kanta, d'an yatsina fuska tayi kafin tace
"Auuu! Sunan da muka koma kenan? "
"Kun ma fi haka "
Girgiza Suhaima tayi tana murmishi ta zauna tana shan kunun ta, nan Jiddah ta bud'e k'atuwan bag d'in da tazo da ita ta fara fito da kayan ciki.

Duk abubuwan kusan irin su dilka, kurkum da sauran nau'ikan kayan gyaran fata har dasu sabulu na wanka da cream da akayi mishi had'e had'e na abubuwan da suke sanya fata laushi da santsi da turaren da zata nayin amfani dashi idan zata yi wanka, sai kayan gyaran ciki masu kyau da nagarta sosai kayan suke da yawa kuma da ganin su kaya ne masu kyau da inganci amman fah za'a kashe kud'i ba karami ba.

Daga Suhaima har Aunty Aliya sakin baki suka yi suna kallon kayan nan Jiddah ta fara yi mata bayanin kowanne yanda zata yi amfani dashi kafin daga k'arshe tace

"Abin da ya sanya naje wajen mai mana gyaran jiki na auren mu nace ta had'a miki saboda kun yi nisa, shine nace ta bani wanda zaki amfani dashi kafin sauran sati d'aya biki tazo ta yi miki da kanki amman don Allah Suhaima ki d'aure kiyi amfani dasu suna da kyau wallahi don nagani akaina bama su cutar wa ba ne "

Jiyowa tayi ta kalli Aunty Aliya sannan tace
"Aunty don Allah ki sanya ido tana yi kullum don so nake Yah Sabeer ya rikice mana "
Ta k'arasa fad'i da dariya, Suhaima dai da Aunty Aliya sai addu'a suke yiwa Jiddah don ta hanasu godiya, addu'a sosai tasha ta musamman ta rabuwa da cikin jikinta lafiya.