A Sanadin Son Ki Part One Complete Hausa Novel

Dr Faridah Bashir kyakkyawa ce kuma wayayyiya ce sai dai akwai ta da wulak'anci ba kad'an ba, gata kuma ta tsani wani talaka ya ra6e ta, kanta kawai ta sani, ga nuna tak'ama da tsantsar ak'idar Boko, kuma mahaifin ta hospital babba ya bud'e mata nata na kanta don su biyu kad'ai Allah ya bashi daga Faridah sai k'anwar ta Zahra, ga zata auri mai kud'i don Hussein duk yafi 'yan uwan shi kud'i, wad'annan halayen nata su suka k'ara mata matsayi cikin zuciyar surukin ta Dr Ahmad d'an fillo fiye da sauran surukan nashi, yana ji da ita matuk'ar gaske.

Bayan auren Hussein da Dr Faridah sai da suka yi wajen shekara uku ko 6atan wata bata ta6ayi ba, sosai hankalin su ya tashi nan aka shiga ziyartar asibitocin k'asashen waje domin bincikar lafiyar su, amman k'alau suke lokaci ne bai yi don komai kud'in ka sai lokacin da Allah ya nufa zaka samu abu zaka same shi, balle haihuwa da lafiya wanda kud'i baya ta6a siyan su sai lokacin da Allah yaso zai baka, gajiya sukayi da zuwa hospitals suka zubawa sarautar Allah ido tare da tsananta addu'a sosai a wajen Ubangiji, Dr Ahmad d'an fillo da Hajjah Hauwaa suma duk'ufa da addu'a suka yi sosai don suna k'aunar son ganin jikan su na wurin Hussein da Dr Faridah.

Sai da suka kwashe shekara hud'u da aure kafin Allah ya bawa Faridah ciki, murna da farinciki bazai fad'u ba irin wanda suka yi, nan suka dunga rainon cikin cikin so da k'auna.

Bayan wata tara Faridah ta haihu an samu baby boy kyakkyawan yaro dashi, anyi murna da farinciki sosai, ranar suna ansha taro an kashe kud'i duk wanda yaje sunan yasan an haifi d'an lele kuma d'an gata, anyi suna Lafiya an tashi Lafiya inda yaro yaci sunan shi Muhammad Sabeer wanda Dr Ahmad d'an fillo ya rad'a mishi sunan da kanshi, inda kuma ya bawa Dr Faridah kyautar wani gida babba mai kyau da wata had'add'iyar mota jeep duk gift ne na jin dad'in haihuwar Sabeer, Hajjah Hauwaa kuwa gift d'in sark'ar gold ta bata tsadaddu dasu tun daga sark'a, d'an kunne abin hannu (warwaro), sark'ar k'afa da kuma rings guda biyu kud'i sosai ta fitar ta siya mata su.

Haka Sabeer ya cigaba da girma ana ji dashi sosai, makarantar shi dukka a k'asar waje yayi su, Sabeer kyakkyawan matashin saurayi ne d'an shekara 27-28 ya had'u ta ko'ina ga kyau ga kud'i, sai dai sangartacce ne na ajin k'arshe gashi d'an shagwa6a don iyayen shi da kakannin shi sunyi matuk'ar sangartashi, so suke nuna mishi sosai gashi daman shi kad'ai Allah ya basu ba kwa6a ba harara duk abin da yake so suna yi mishi sosai, Sabeer bai ta6a neman wani abu ya rasa ba, duk abin da yace yana so jiki na 6ari ake yi mishi don kada ranshi ya 6aci, gata sosai yake samu gashi yanzu ya kammala karatun shi ya dawo gida.

**** **** ****

CIGABAN LABARI...

Yana fita daga side d'in nasu part's d'in kakannin nashi ya nufa yana wani yatsina fuska tamkar wani mai jin amai, ya sanyo kanshi cikin babban parlour d'in sai ga wata house girl ta taho fita hannun ta d'auke da tire wanda saman shi jug ne mai d'auke da so6o sanyaye sai k'ananun cups akai guda biyu da d'an wani bowl guda uku 'yan manya d'aya na d'auke da cup cakes, d'aya kuma egg rolls sai na k'arshen samosa, irin tazo zata wuce ta kusa da Sabeer sai tsautsayi ya sanya tsantsin tiles ya kwashe ta gaba d'aya tayi baya kayan hannun ta kuma suka yi kan Sabeer.

Unexpected yaji saukar abu mai sanyi da d'umi a jikin shi sai wani cup d'aya da ya fad'o kan k'afar shi ya had'u da tiles ya tarwatse har ya yanki Sabeer a k'afa kad'an jini ya fito, baisan lokacin da ya bud'e baki ya kwalla wata k'ara mai k'arfi tare da yin wani tsalle don ba k'aramin firgita yayi ba don ko kula da tahowar ta bai yi ba, ga zafin yankewar da yayi.

Hajjah Hauwaa tana bedroom d'in ta taji k'arar d'an lele da sauri ta tashi ko takan d'an kwalin ta bata bi ba tayo downstairs da d'an gudu irin na tsofaffi a rud'e.

House girl d'in nan kuwa tuni ta tashi daga fad'uwar da tayi a k'asa duk da kuwa zafin da taji na fad'uwar haka ta daure ta tashi ta tsugunna tana kuka tare da bawa Sabeer hak'uri, don tun kafin ya dawo ake jan kunnen su da 6ata mishi rai su kiyayi 6acin ran shi, sai gashi yau tsautsayi ya ritsa da ita daga dawowar shi jiya.

Sabeer tsalle da ihu kawai yake yi, a dai dai lokacin Alhj Ahmad d'an fillo ya sanyo kanshi cikin parlour ranshi a 6ace, saboda bak'on da yayi yana jiran a kawo musu abin ta6awa a baki ba'a kawo ba shine ya taso da kanshi, abin kamar a mafarki yaji ihun Sabeer aikuwa da sauri ya k'arasa parlourn jiki na 6ari.

Lokaci d'aya Alhj Ahmad d'an fillo da Hajjah Hauwaa suka shigo parlourn, wajen Sabeer gaba d'aya suka yi cikin matuk'ar tashin hankali don sam basu kula da house girl d'in da take durk'ushe tana zunduma kuka.

Alhj Ahmad d'an fillo janyo Sabeer jikin shi yayi ya rungume shi cikin rawar murya ya fara cewa
"Sabeer what happened to U?
"waya ta6a min kai? "
Duk wannan tambayar Alhj Ahmad d'an fillo yayi ta a rud'e.

Cikin sangarta da salon shagwa6a Sabeer ya nuna jikin shi da k'afar shi da take fitar da jini, a kid'ime suka kalli jikin nashi da k'afar shi saboda tsabar rud'ewa sai yanzu suka kula, cikin tashin hankali Hajjah Hauwaa tace

"wa yayi maka wannan rashin mutuncin Sabeer? "
Ta fad'a tana mai dafe kirjin ta tare da zaro idon ta waje, Alhj Ahmad d'an fillo kuwa saboda tsabar tashin hankali kasa magana yayi sai zuciyar shi da take bugawa da k'arfi.

Hajjah Hauwaa ta kama hannun Sabeer tare da cewa
"Sabeer open your mouth and explain me please "

Bai yi magana ba sai hannun shi da ya d'aga dakyar ya nuna saitin da 'yar aikin take tsugunne tana kuka jikin ta na rawa, zaro idanun su suka yi lokaci d'aya sannan Alhj Ahmad d'an fillo ya bud'e baki cikin tsawa mai matuk'ar firgita wa yace
"keeee zo nan "

'yar aikin a kid'ime ta tashi ta nufi inda suke tsaye, jikin ta na matuk'ar rawa ga hawaye na zuba a idanun ta, hannun ta gaba d'aya a saman kanta don tasan ita yau ta ta, ta k'are....

Aishat A Muh'd ✍🏻
[2/4, 11:28 AM] Aıʂɧąɬ A Mųɧ'ɖ ✍🏻: 💝 A SANADIN SON KI 💝

Written by
Aishat A Muh'd

♻EXCLUSIVE WRITERS FORUM

Dedicated to my Sadeey saNaz

_This page is for you my Namecy Ayusher Ilias writer d'in YA SAYYADI, ina tayaki murnar kammala littafin ki YA SAYYADI Allah ya k'ara basirah da k'arfin ido ina yin ki sosai Namecy Allah ya bar zumunci😍

PAGE 15-16

Tana k'arasowa inda suke Alhj Ahmad d'an fillo ya sanya hannun shi ya wanka mata mari a kumatu, kafin ta dawo hayyacin ta Hajjah Hauwaa ita ma ta wanka mata marin a d'ayan kumatun, ihun kuka kawai 'yar aikin take yi saboda ba k'aramin shigar ta marukan suka yi ba, kallon ta suke sai huci sukeyi cikin harara Hajjah Hauwaa tace

"me kike kallo da zakiyi wa Sabeer haka, baki da hankali ne, ina so kafin cikar mintuna 5 Ki barmin gida "

Duk da tsananin zafin marin da 'yar aikin tasha hakan bai hanata durk'usawa a k'asa ba cikin kuka take cewa
"don Allah kuyi hak'uri tsautsayi ne amman kada ku kore ni bazan sake kwatanta hakan ba "

Cikin 6acin rai Dr Ahmad d'an fillo yace
"baki ji abin da aka ce miki ba sai na kira police sunyi gaba da ke, wlh kika bari na kirawo police gidan nan sai kin yabawa aya zak'in ta "

A kid'ime 'yar aikin ta mik'e jikin ta na rawa ta fara kok'arin barin parlourn, Sabeer wanda yake jikin Dr Ahmad d'an fillo ya lafe yana sauke ajiyar numfashin ihun da ya gama ya bud'e baki dakyar yace
"keee ki zauna kada ki tafi but ki kiyaye gaba, kika sake min haka bazan Kyale ki ba "

Cikin mamaki Dr Ahmad d'an fillo da Hajjah Hauwaa suke kallon shi sun ma kasa furta komai, da sauri 'yar aikin ta tsugunna tana murmishin farinciki cikin rawar murya tace
"Ngde yalla6ai Allah ya kare ka yanda ka taimake ni kai ma Allah ya taimake ka a duk inda kake, kuma zan kiyaye gaba insha Allah ngde ngde sosai "

D'aga mata hannun shi yayi d'aya tare da cewa
"is okay zaki iya tafiya "
Jiki na 6ari ta bar wajen Sabeer ya bita da kallon tausayi don tabbas tausayin ta ne ya sanya shi barin ta don ta cigaba da aiki.

Kallon Hajjah Hauwaa yayi wadda take mishi kallon mamaki ya yamutsa fuska yana cewa
"a had'a min ruwa a toilet zan yi wanka "
Sai lokacin bakin ta ya bud'e ta iya cewa
"yanzu shikenan Sabeer an barta baza'a d'auki mataki a kanta ba "
"ni tayiwa laifi koh, kuma nace ta zauna kada ta tafi ko'ina don haka ku Kyale ta idan kuma naji anyi mata wani abun raina zai iya 6aci kum......"
Kafin ya k'arasa fad'i abin da zai fad'a Dr Ahmad d'an fillo yace
"kayi hak'uri kada ranka ya 6aci Sabeer baza'a yi mata komai ba komai ya wuce " ya k'arasa fad'i yana shafa kanshi tamkar wani k'aramin yaro.
Kan shi ya gid'a idon shi na kan ciwon da ya d'an ji akan k'afar shi, Dr Ahmad d'an fillo ya kalli Hajjah Hauwaa yace
"ba'a haka yace a had'a mishi ruwa zai yi wanka ba? "

Dafa kafad'ar Sabeer tayi tare da cewa
"zo muje da kaina zan had'a maka "
Kamo hannun shi tayi ta jashi zuwa upstairs inda bedroom d'in shi yake (da yake yana da bedroom a side d'in kakannin nashi), da kallo Dr Ahmad d'an fillo ya bi Sabeer har ya daina hango shi tukunna ya juya ya fita.