Bahiyya Book One Complete Hausa Novel

Miƙewa nayi tsaye tare da kallon in da yake zaune kamar yadda ta umurce ni, sai dai daga ƙasƙantaccen kallon da naga ya fara bi na da shi ne yasa naji jikina yayi sanyi, kallo ne wanda har in koma ga Allah ba zan manta da shi ba duk da cewa ban san manufarsa ba. Wanda har cikin raina na ji na muzanta na kuma kunyata.

Cike da izgili ya zare ido ya kalli Hanifah yace.

“What! Oh no! It can't be possible Hanifah.Look at her Fa, wannan tsuntsuwar mi zata iya? daga ganin wannan ma abinci bai wadaci jikin ta ba, saboda haka she can't carry my baby gaskiya....”

Da sauri Hanifah tace..............

                         *OUM AMEER*

Follow this link to join my WhatsApp group: https://chat.whatsapp.com/JDbgcC7yQyC5NhQw9Q1jFl💝 *BAHIYYA*💝

*ADABI WRITERS ASSOCIATION*

               *BY*

*AMINA IBRAHIM*

  *(OUM-AMIR)*

*BAHIYYA NOVEL ƊIN KUƊI NE KIBIYA 500 TA WANNAN ASUSUN 3132703269 FIRST BANK AMINA IBRAHIM SAI KI TURA SHAIDAR BIYA TA WANNAN LAYIN 08068974831*

*FREE PAGE*

     *BABI NA GOMA SHA HUƊU*

.......... “She can do it Farooq, I have already started preparing her, da shawarar doctor Nicholas ni ke amfani, he planned all the necessary nutrients for her so that she and our baby will be in good condition. Beside we are gonna stay together with her, So is our duty to take good care of her”

Girgiza kan shi yayi tare da kallon Hanifah yace.

"Hanifah! Hanifah har yanzu kina ganin cewa akan daidai kike?”

With full confidence tace.

“I'm 100% sure love, in sha Allah everything will go smoothly beyond your expectations”

Taɓe baki yayi tare da sake kallo na a karo na biyu, tun daga ƙasa na har sama sannan yace.

“While tunda har kince hakan yayi miki is ok. You can ask her to leave”

“Ki tafi”

Abinda na ji kenan ta faɗa, hakan yasa na juya na fice zuciya ta na wani tuƙuƙin baƙin ciki. Wai shin mi masu kuɗi suka ɗauki kan su ne a duniyar nan? ba fa saya ta suka yi ba ballantana suce yadda suka ga dama za su yi dani, ji wani kallon wulaƙancin da ya ke min tamkar an tilasta shi dole sai ya kalle ni banza a banza kawai, idan kuna taƙamar kuɗi ai Allah ba ruwan shi da wannan da zukata yake aiki ba jiki ba ko wani abin mutum mtsww! Wai harda Kirana Tsuntsuwa tsabar raina halittar Allah ko miye marabar matarsa da ni Oho! Don itama naga ba wani jikin a zo a gani ne da ita ba. ita kuma wannan matar bana tunanin ma cewa ta san suna na domin ko da wasa ban taɓa jin ta kira ni ba tsabar wulakanci, ni sai a yau nayi baƙin cikin rashin jin yaren nasara da bana ji kuma bana iya mayarwa, ɗan abinda nikeji da wanda nike iya mayarwa ɗin banji sunyi ko ɗaya ba ballantana in ce na fahimta domin da ina ji nasan tabbas zan fahimci ina suka dosa miye suke magana a kai. Kuma ai ban tilasta ta ba itace ta zaɓeni idan ban musu ba su mayar dani gidan Mama na mana. Tsaki na ja sai kuma a raina nace, ko ma dai miye ni dai buƙatata ta biya tunda har Mama ta samu lafiya ai shi kenan. Maimakon in ganni na ɓilla ƙofa ta kawai gani na nayi a wani wurin na daban, cikin ruɗewa na fara zare ido na rasa ina zan nufa, ga shegun mutanen har masu aiki wai turanci suke yi tsabar kinibibi da sanabe, domin duk wacce naga zasu yi magana da Aunty Nafisat da turanci suke yi so ba ni da halin in tambayi wani. Ina nan tsaye kamar an dasa Icce sai Aunty Nafisat na gani tana faɗin

“Bahiyya ina zaki je ne? Kin sani sai faman neman ki ni ke”

Dariya nayi kamar wata sakarya nace.

“Wallahi Aunty Nafisat manta hanyar nayi, kawai sai na tsinci kaina a nan”

“Eyyah sorry. To yanxu biyoni muje”

Babban kitchen ne ta jani wanda tunda ni ke ban taɓa ganin kitchen irin shi ba,komai an shirya shi bisa tsari gwanin burgewa. waigowa tayi ta kalle ni tace.

“Mi kike so ki ci yanzu?”

Cikin Mamaki na ce.

“Ai ban jima da cin abinci ba ko kin manta”

Girgiza kai tayi tace.

“Ban manta ba, Hajiya ce tace ki riƙa cin abinci time to time ba dole sai kina jin yunwa ba”

Cikin rashin fahimtar zancen nata nace.

“Bana jin yunwa, amma ki bani madarar nan mai daɗi irin ta ranar sannan ki haɗamin da naman kaza dafaffe”

"OK to muje in rakaki kada ki ƙara manta hanyar, Yanxu zan kawo miki”

************

HANIFAH

Bayan fitar Bahiyya zaunawa tayi kan cinyar sa tasa hannu tana yamutsa sumar kansa da ta sha gyara sosai tana murmushi tace.

“Ba lallai suna samun abinci mai gina jiki yadda ya kamata ba, but mu a nan zamu iya bata, Nafisat is taking good care of her, sannan Kuma wani gefen halittar jikin ta ne haka, kada ka damu. Gobe in sha Allah we will go to the hospital together for possible investigation, Idan an gama screening ɗinta Sai mu wuce kawai, you will become a father soon as you wish”

Kallonta yayi yace.

“Hanifah ya zamuyi da su Daddy ya zamuyi da Madinah?”

Murmushi tayi tace.

“Wannan duk mai sauƙi ne, We are going to surprised them, daman can 2years back Momma ta taɓa tambaya na cewa har yanzu bata samu jika ba, nace mata sai time yayi, to since then bata sake tambayana ba kuma, so we will plan to hide it for them, it will serve as a secret, after she put to bed Sai mu kira su mu faɗa musu cewa na haihu, ita kuma sai ta tafiyar ta, har Grand Ma Itama.”

Gyaɗa kan shi yayi tare da ɗaga ta daga kan thigh ɗinsa ya miƙe tsaye yace.

"It's ok. I have meeting tomorrow morning, so zan je zan tattauna da Mahi...”

Wani faɗuwar gaba taji wanda bata san dalili ba saboda kawai taji ya kira sunan Mahi.

Da sauri tace.

" Wait.. Wait..!”

Tsayawa yayi yace.

"What?”

Kai tsaye tace.

“Please let it be secret, don't tell him anything pls”

Ɗan jim yayi kaɗan sai kuma ya Gyaɗa kai yace.

“Ok”

Tana ganin ficewar sa ta koma daɓas kan kujera ta zauna tare da sauke wani nannauyan ajiyan zuciya tana girgiza kai a ranta tana faɗin. I hate you Mahi! I so much hate you with passion, you are the cause of all my stress, we have plan and build our life simple and understandable with so much love and care, duk abinda na faɗawa mijina yarda yake bai taɓa fushi dani ba, but daga lokacin da ya fara zama da kai sai ka shiga canja sa a hankali ya fara dawowa mijin bahaushiya, ya fara yi min magana cikin ihu da nuna shine a gaba ni bani wani right, I promise you Mahi Sai na ɗaukeshi baki ɗaya daga ƙasar nan ka daina ganinsa.

Sai kuma ta ja guntun tsaki tana ƙara tuna yadda yanzu Farooq ya canja baki ɗaya, komai na sa ya dawo na ganin laifi, gashi yanzu two-four bai da wani zance sai na haihuwa. Taya zata iya yafewa Mahi Madinat, a yanzu ta gama yarda a duniya bata da wasu maƙiyanda suka wuce mutum biyu ɗin nan.

*************

BAHIYYA

Zaune nake na baje ina kwasar wainar ƙwai da shayi mai bala'in kauri ga dankalin turawa daban ga farfesun kayan ciki sai tashin ƙamshi yake,a gaskiya ina jin daɗin rayuwar da nike ciki a yanzu, amma da zaran na tuna da kalar masu gidan sai in ji komai ya fita kaina kuma.

Sallama Aunty Nafisat tayi ta shigo ciki tare da sakar min murmushi tace.

“Sannu Bahiyya, idan kika gama ki shirya zaku fita da Hajiya...”

Cikin damuwa nace.

"Ina zamu je kuma”

Aunty Nafisat tace

“I don't know”

Nace

" To tare da ke zamu tafi”

Girgiza kanta tayi tace.

“A'a, ki yi ki shirya she's waiting for you, don't waste her time”

Cikin zaƙuwa nace.

“Aunty Nafisat dan Allah ko zaki koyamin turanci nima in riƙa ji ina mayarwa kamar ku?”

Dariya tayi tace.

" Kai Bahiyya, kina nufin baki iya turanci ba? A ina kika makaranta?”

Taɓe baki nayi nace.

“A garin mu na da Zamfara, government ce nayi kuma kin san karatun can sai a hankali ba kamar na nan ba ne, sannan gashi na shiga Ss3 ba daɗewa muka dawo nan,nan ɗin kuma ban ci gaba ba”

“OK! Idan mun samu time zan riƙa koyar da ke ta baki da kuma rubutu”

Cikin jindadi maganar ta nayi mata godiya sannan ta juya ta tafi. Ina jin daɗin Aunty Nafisat a gidan nan, ban san matsayin ta ba amma tana da kirki sosai.

Miƙewa nayi domin abincin gaba ɗaya ji nayi ya fitar min a kai, amma kuma sai da naci naman tukun sannan na tashi, domin ni a gaskiya ina son nama ba wasa.

Wanka nayi shaf-shaf na fito na mulke jikina da mayuka na sababbi sannan naje gun kayana na buɗe na saka sabbin undies cikin waɗanda aka kawo min na zaɓo wata Abaya onion color na saka sannan na zuba black hijab ɗina a kai na sanya black shoe na fito.

Da Aunty Nafisat naci karo ta yi min murmushi ta juya na bita har bakin mota,ta buɗe na shiga sannan ta koma, wanda a raina na rasa gane wannan kulawar ko ta miye domin abin har mamaki yake bani. Ko a motar nafi minti talatin da ni da direba muna zaune sannan ta ga dama ta fito.

Tana shigowa na kalle ta kaɗan cikin tsoro tsoro nace.

"Ina kwana”

Ba tare da ta ko kalli in da nake ba tace.

" Lafiya”

Daga haka ta fitar da wayar ta ta fara latsawa cikin harshen turanci na ji tayi wa direban magana shi kuma na ji yace OK Ma.

Tsaki naja cikin raina nace shegu kawai idan na koyi turancin ai sai inga tsiyar ƙarya duk in da ta kwana.