Bahiyya Book One Complete Hausa Novel

Duk da ba'a faɗamin ba na gane cewa asibiti ce. Asibiti? Mi kuma zamuyi a asibiti? Tambayar da na yiwa kaina kenan wanda nasan cewa bani da amsar ta sai dai in zuba na mujiyata in yi kallo.

Bayan munyi tafiya naga mun shiga wani babban wuri mai girma gashi ya sha kyau kamar ba asibiti ba. Wani office muka shiga wanda naga wani likita zaune ya tsuke cikin suit baƙa mai blue ɗin necktie.

Da sauri ya miƙe suka fara gaisuwa su biyu bayan sun gama ya zauna tare da kallona yana murmushi yacemin.

“Welcome, please have a seat”

Murmushi nayi masa kamar yadda ya yi min na zauna akan kujerar da naga ya na nunamin.

Ba wata doguwar magana sukayi ba sai naga ya miƙe yace in biyo sa, ba musu na tashi na bi shi, zuciya ta sai bugawa take akan tsoro.

Jinina aka fara ɗiba, sannan aka kaini wani ɗaki ana ta min wasu abubuwa na gwaji kamar mai wata rashin lafiya, tambayoyi ne suke cizon raina bani da kuma wanda zan tambaya, domin duk basa jin Hausa. Mun jima sosai a asibitin sannan daga bisani na fito ni ka ɗai likitan ya rakoni har bakin mota, sai da na shiga na zauna sannan yace min.

“Sai Anjima Beautiful”

Ji nayi kamar na kafa masa mari ɗan iskan, wai daman yana jin Hausa amma yayi kamar baya ji, tsaki naja tare da juya fuskata nayi masa banza.

Daga haka ya rufe motar direban yaja muka tafi.

Bayan mun koma gida abun still yana raina, Ina ganin Aunty Nafisat nace.

"Aunty Nafisat mi yasa ta kaini asibiti hala?”

Cikin mamaki tace.

" Miya faru ?”

Nan na gaya mata duk abinda aka min na gwaje-gwaje da kuma Jinina da aka ɗiba.

Tace min ba komai nasan harakar masu kudin nan sunfi son komai suyi shi akan ƙa'ida.

Daga haka na wuce ciki na yi wanka nayi sallah sannan na ci abinci na zauna aikin kallo, domin shi kaɗai ne aikina a yanzu, daga ci sai kwanciya sai kallo sai Sallah.

Washe gari ma haka akayi, Ina zaune tace in shirya zamu fita, biye nike ni dai aka kaini wurin yin passport na shirye shiryen tafiyarmu, tafiyar da ban san dalilin ta ba, ko da yake renon cikin zan tayata dole su yi min gwaji kada ace ina ɗauke da wata cutar da zan iya shafa mata ita da ɗanta.

Bayan mun gama wani babban shopping mall muka tafi, a can na tarar da Aunty Nafisat mamaki duk ya gama kamani. Dariya tayi tacemin muje in zaɓi duk abinda nike so a nan. Ƙarshe dai ita ce ta shiga zaɓar min domin ni ban san komai ba, ganin ban taɓa saka wancan kayan ba yasa ta ƙara jibgamin Abayas masu uban yawa, da kayan shafe shafe muka koma gida.

A yanzu kam na saba sosai da Aunty Nafisat domin ina zagewa muyi ta fira, yawancin firar kuma duk akan turancin ne akan na dage dole sai ta koyamin ni kuma ko da bala'i na ƙuduri sai na iya.

Muna cikin firar mu naji an kira ta a waya ta ɗauka cikin ladabi tana magana daga Ƙarshe ta yanke bayan sun gama.

Kallona tayi tace.

“Bahiyya muje na ta yaki ki shirya kayan ki gobe zaku tafi”

Murya a sanyaye nace.

"Gobe kuma? To da ke zamu tafi ko Aunty Nafisat?”

Girgiza kanta tayi tace.

“A'a.”

Daga haka ta wuce na bi bayanta zuwa ɗaki na.

Trolley biyu tayimin babba da ƙarama sai wata jakar handbag da muka siyo ranar wadda sai dai na riƙe don passion domin ban san mi zan saka a ciki ba.

Muna nan tare da ita har lokacin tafiyar ta gida yayi na rakota har bakin motar ta har da guntun hawaye na duk da nasan cewa gobe da ƙila kafin mu tafi da wuri zata zo amma ina jin kewar ta sosai a ciki raina.

Da dare bayan na kwanta, bacci kasa ɗaukata yayi, tunanin Mama ne kawai a raina da kuma Nuhaira, sai yanzu naji takaici domin ba riƙe numbern Mama ba da kuma ta Malama sannan banyi azancin rubutawa na riƙe ba, sai yanzu na gane cewa nayi shirme babba, taya zan yi shekara ba tare da jin muryar Mama ba? Ga matar nan er renin hankali, ban gama damar ta balle na tambaye ta. Yanzu dai idan muka tafi sai inga wa kuma zata samu wanda zai riƙa yi mata magana da ni tunda bata so tana magana dani, wanda ban san dalilin hakan ba.

Washe gari ma da na farka, sukuku na tashi tamkar kazar da ƙwai ya fashewa a ciki.

Ina cikin shiryawa sai ga Aunty Nafisat ta shigo da murna naje na rungume ta.

Nan muka yi ta fira ta sai kuma ta tashi taje kitchen na bi bayan ta, ta gama shirya komai taje na jira ta, taje ta shirya musu table sannan ta dawo ni a nan ma nayi breakfast ɗin nawa. Sannan naje na shirya aka fitar da kayana zuwa mota.

Ƙiri Ƙiri suka hanani saka hijab Wai Sai dai in yi rolling da gyalen Abayar dole na tunda bani da wata mafita nayi.

Bansan cewa da ɗan renin hankalin mijinta zamu tafi ba sai da muka haɗu a filin jirgin. Ina ganin sa na ɗauke kai na kamar ban gansa, har ita matar yau bata samu gaisuwa domin gani nike kamar tilasta mata nike wurin ansa gaisuwar yawa saboda haka yau sai na hutar da ita.

Banza nayi da su na mayar da hankali na wurin bawa ido na abinci domin ganin abinda ban taɓa gani ba a rayuwata sai yau.

Yadda na nuna ban damu da su ba suma haka sukayi min sai da naga sun miƙe nima da sauri na bi bayan su, wani mutum sai faman kallo na yake sai da yagan ni kusa da mijin Hanifahr sannan yayi murmushi ya mishi magana da cewa.

"Congratulations! Two beautiful wives at young age, nice family....”

Take Hanifah taji jinin ta ya shiga tafasa ta kalle shi rai a ɓace tace.

" Please would you mind your business? I'm his wife alone, banga abinda ya shafe ka da rayuwar mu ba, minafiki kawai”

Daga haka mutumin ya wuce gaba abinshi zuciyar sa fal da mamakin Hanifah.

Mijin shi kuma yana tsaye kawai baice uffan ba. Ita kuma sai ta dawo bayan Mijin nata a maimakon da can da take gaban sa shi kuma yana bayan ta ni kuma a bayansa sai ya zamana ya shiga tsakiyar mu. Yanzu kuma sai ta dawo ita ce a tsakiya ni kuma a bayan ta.

Tana yi tana jan tsaki har muka shiga jirgin muka zauna wanda har yanzu fatar baki na da nasu bai haɗu ba, tafiya tamkar ta jaraba.............

*OUM AMEER*

💝 *BAHIYYA*💝

*ADABI WRITERS ASSOCIATION*

               *BY*

*AMINA IBRAHIM*

  *(OUM-AMIR)*

*BAHIYYA NOVEL ƊIN KUƊI NE KIBIYA 500 TA WANNAN ASUSUN 3132703269 FIRST BANK AMINA IBRAHIM SAI KI TURA SHAIDAR BIYA TA WANNAN LAYIN 08068974831*

*LAST FREE PAGE*

      *LAST FREE PAGE*

          *LAST FREE PAGE*

*A nan muka kawo ƙarshen free pages in Sha wadda take so sai tayi payment ga account a sama taci gaba da karatu hankali kwance*

*FREE PAGE*

     *BABI NA GOMA SHA BIYAR*

BAHIYYA

  Mijinta ne ya fara wucewa ya zauna sannan ta zauna sai ni a ƙarshe, sai wani haɗe rai take tamkar an tilasta mata dole tafiya DANI, wanda a yanzu abun har mamaki ya ke ba ni. Sosai na shiga morewa bawa idona abinci, domin wata duniya ce ta daban na tsinci kaina a yau, Ina cikin kalle-kalle na a hankali bayan komai ya gama dai-dai ta jirgin ya fara tafiya a slow lokaci guda nayi tsit! nayi tamkar wadda ruwa suka cinye na fara zare ido, domin yanayin jin tafiyar jirgin yasa gabaɗai sai na ji ni ba dai-dai ba, kafin kace mi tuni jikina ya ɗauki mazari, akan tsabagen tsoro da firgici, Ina jin an yi wata fisga wani abu ya kaɗa can cikin hanta ta tamkar numfashi ne zai ɗauke ga wani jiri da ya ɗibeni, wata irin razananniyar ƙara na saki tare ƙanƙame hannun Hajiya Hanifah na runtse ido gam, Ina faɗin.

“Wayyo Allah Mama na! Na shiga uku, wallahi mutuwa zanyi, wayyo! Ni wallahi ku sauke ni tsoro nike ji, zamu faɗa ƙasa wallahi.....”

Wata irin muguwar tsawa Hanifah ta daka min tare da faɗin.

“Hey! What sort of nonsense is this? Ki na da hankali kuwa?”

Still idanuwana a rufe kuma hannun ta riƙe gam a nawa nayi saurin girgiza kai nace.

"Wallahi tsoro ni ke ji...”

Ganin yadda kowa ya zuro ido yana kallon mu shi ya sanya Hanifah jin wata irin matsananciyar kunya,take tayi ƙasa da kanta saitin kunnena murya a ƙasa ƙasa tace.

“Sai na miki mugun wulaƙanci idan kika sake ko tarin ki na ƙara ji, banza village girl kawai. Cikamin Hannuna!”

Da sauri na sake mata hannun ta kamar yadda ta ce, na riƙe gefen handle ɗin kujerar jirgin da ƙarfin tsiya, Ina ta karanto duk addu'ar da ta zo baki na,a raina ina istigfari ina ta kuma neman gafarar iyayena domin ban zaci numfashi na zai ci gaba da wanzuwa ba a ruhun jiki na.

Daga haka a hankali tsoron da ya mamaye dukkan ilahirin jikina ne ya fara tafiya a hankali yana bari na.

Farooq kuwa tsabar baƙin ciki da takaici tunda ya kallo ni sau ɗaya ya ɗauke kansa. A jikin seat ɗin ya jingina tare da kwantar da kansa ya lumshe ido yana ji wani ƙarin haushina ya na cika masa zuciya.

A cure nike wuri ɗaya na kasa yin wani ƙwaƙwƙwaran motsi, sai da yaje sauke a hankali tsoron ɗazu ya fara dawomin, rufe baki na nayi a wannan karon tare da runtse idanuwana ina ta addu'a cikin raina.

Ganin an fara miƙewa nima na miƙe na basu wuri suka fara yin gaba sannan na bi bayan su.

Mutumin ɗazu ne ya ƙara biyoni ya kalle ni da murmushi a fuskar sa yace.

“Hey pretty, Is this your first time being in plane?”

Gyaɗa kaina kawai nayi duk da cewa ban gama fahimtar mi yake faɗi ba.

Ɗan sake murmusawa yayi yace.

“Eyyah! Sorry....”

Sai kuma ya miƙomin hannunsa yana faɗin.