Bahiyya Book One Complete Hausa Novel

Tunda ya dawo gida yake kwance bashi da lafiya, sai da Mahid yazo gidan yaga situation ɗinsa cikin gaggawa ya kira masa family doctor ɗinsa wato Dr. Nicholas. Zazzaɓi mai zafi ne ya kama sa, Dr. Nicho yayi mamakin ganin Mai-gishiri a wannan yanayin. Ba ɓata lokaci ya bashi taimakon gaggawa bayan ya samu bacci ya ɗauke sa ya shiga tambayar Mahi Ina Madam Hanifah ne, shine ya faɗa masa ai taje wurin familynta, shine ma ya saka Farooq ɗin Zazzaɓi. dariya ce ta kama dr. Nicho ta yaya za'a ce don matarshi ta tafi zai kamu da irin wannan zazzabi haka to idan haka ne ko duk zata tafi ya kamata ya riƙa binta suna tafiya tare. Bayan sun gama firah suka tafi tare ya karɓo masa magani ya dawo gidan yasa cook suka shirya abinci ya kai mai ɗaki amma har yanxu bai farka ba.

Ya daɗe har kusan yamma sannan ya farka yana buɗe ido yaga Madinah a gefen sa.

Cikin mamaki yace.

"Madinah! Yaushe kika zo?”

Matsowa tayi tare da share hawayen idanunta tace.

“Sannu Faruku, dan Allah kayi min alƙawarin ba zaka sake kwantawa ciwo ba, wallahi ba zan iya jurewa ba”

A hankali ya tashi zaune yana murmushin ƙarfin hali ya share mata hawayen ta yace.

“Ji wannan tsohuwar waye yace miki bani da lafiya da har zaki zo ki na min kuka a nan?...”

“Don't joke with me Faruku, I'm serious”

Hannunta ya sanya cikin nashi yace.

“Calm down please, you know that I'm a strong person, kawai guntun zazzaɓi ne kuma in sha Allah shikenan na warke daga yanzu ma”

“Allah yasa haka. Ga abinci kaci, mi kake so in zuba maka?”

Yace.

“Duk abinda kika bani Madinah zan ci, na gode”

Da kanta ta shiga bashi abincin a baki kamar sanda yake ƙarami, bayan ya gama ta zauna kusa da shi tana shafa suman kansa can cikin zuciyar ta kuma fal take da tausayinsa.

Shiru ne ya ratsa tsakanin su na dogon lokaci sai daga baya ya kira sunan ta yace.

“Grand Ma”

Tace.

“Na'am Faruku”

“A karo na barkatai kuma na ƙarshe ina roƙonki da ki faɗamin su waye mu?”

Gyara zamanta tayi da kyau tace.

“Yanzu kuwa zan faɗa maka abinda na daɗe ina ɓoyema. Asalin sunana Rebecca Samuel ne, mijina kuma Carlos Ishaya, Asalinmu mu en jahar Enugu ne, mu Christian ne gaba da baya lokacin da ƙaddarar kasuwanci ta kawo Carlos Kaduna sai muka dawo nan da zama a hankali sai muka karɓi addinin musulunci na canza suna zuwa Madinat Carlos kuma ya canza zuwa Modu garba, kuma mun sani cewa zunubi ne daga cikin dangin mu duk wanda ya canza addini to daga ranar ya fita daga cikin family har abada za'a ɗauka cewa mutuwa yayi, muna nan zaune lafiya har na haifi Azizat wato mahaifiyarka muka yita renonta cikin kulawa tayi karatu har ta gama Ss3 sai ga wani mutumin Nijar yazo neman aurenta har ni na ce ban amince ba amma Kakan ka yace sam tunda shi take so dole shi zamu bata dole ba dan na so ba aka yi mata aure da Lawali Mai-Gishiri. Bayan auren suka tafi can Birnin Yamai har Allah yasa ta samu cikin ka aka haife ka bayan kayi shekara biyu suka shirya suka zo nan sai da tayi wata biyu a gida tana shirin tafiya na nace da magiya akan dole sai ta barmin kai bata tsaya jayayya ba ta haɗa dukkan ka yanka ta ajiyemin sannan baban ka yazo ya ɗauke ta suka tafi, a wannan ranar muka samu mummunan labarin cewa sun yi haɗarin mota sun mutu haka aka kawo muna garwasu domin basu yi nisa da barin garin Kaduna ba accident ɗin ya faru muna nan kuma muna rainonka ni da Kakanka shima tsakanin sa da Azizat 3years ne. Mijina yayi fice sosai domin sannannen ɗan siyasa ne kuma ɗan kasuwa. Da Dukiyar da ya tara na ci gaba da yin business ina kula da kai a hankali na buɗe Almadinah Textile and more a nan Kaduna, daga nan kuma bayan ka gama secondary nasan kasan da wayonka na ɗauke ka mu ka koma UK kayi karatuttukanka Daga baya muka dawo gida Nigeria. Dangin Mahaifinka basu san in da muke ba kuma har yau babu ko tsuntsu da ya taɓa zuwa ya ce min yazo neman Lawali da Azizat. Kaji yadda rayuwar mu ta kasance Faruku.

Cike da Mamaki yace.

“To miye abin ɓoyo a nan Grand Ma? Ko wane bawa ai da irin ƙaddarar sa”

Sai kuma yayi hugging ɗinta yace.

“Da kin sani da baki wahalar da kanki wurin ɓoyen wannan maganar ba har zuwa tsawon lokacin nan, Allah ubangiji yaji ƙansu da Rahma mu kuma ya kyautata tamu idan ta zo.”

“Amin. Ni ɓoye maka ne kada kayi ta jin ba daɗi”

Yace.

“Nothing like that Madinah, Dan Allah ki daina wannan kukan da kike wallahi bana so, Allah shi ne mai yadda yaso da bayin sa, sannan ina alfahari da ke, ko ban samu wasu dangi ba ke kaɗai da Hanifah kun ishe ni farin ciki, you meant so much to me Madinah, I love you. Kawai dai Ina so in san ina ne tushen mu kuma yau naji shi kenan”

Tace

“Hakane, Allah yasa mu dace. Tashi ka lallaɓa kaje kayi Sallahr magrib wata ƙila ma ko asr da zuhr ba kayi ba. Ni na san kana da sakaci da Sallah Faruku bafa abune mai kyau ba”

A hankali ya sauka yana faɗin.

“in sha Allah Grand ma zan gyara”

**************

Washe gari da Mahi yazo duba shi suna zaune Parlourn sa bayan sun gama gaisawa kamar ba zai yi magana ba sai kuma yace.

“Mahi please ka bani shawara mi zanyi Hanifah ta fahimci irin rayuwar da nike so da ita? Can you imagine Hanifah telling me that she knows her right ni ban Isa komai da ita ba, bayan nasan ni mijinta ta ne”

Gyaran Murya Mahi yayi yace.

“Da farko ina baka haƙuri Farooq, kasan wasu matan basu san abinda ya kamata ba sai an lurar da su suke ganewa, kayi haƙuri Kayi ta lallaɓata kana nuna mata hanya in sha Allah watarana zata fahimce. Abu na biyu kuma shawarar da zan baka nasan ba lallai ne tayi daidai da ra'ayin ka ba, amma Ina mai baka shawara zama a haka ba zai sa ku samu ci gaba a rayuwar auren ku matuƙar ba haihuwa kuka yi ba, wato Farooq ina so kasan wani abu, ɗaukar cikin ɗanka da mace zata yi har ta haife shi yana ƙara muku bonding da kafa wata ƙauna ta musamman ko don 'ƴa' ƴan nan. Duk wannan borin da take yi maka daga zaran kun in sha Allah zaku samu fahimtar juna da ita, sannan kuma Farooq ko don tsohuwar nan ya kamata ka tausaya mata ta samu yaran da zatayi wasa da su kafin ta koma ga Mahaliccin ta, zata yi matuƙar farin ciki. Dan Allah kayi tunani Farooq I'm not forcing or commanding, ni kawai Mai bayar da shawara ne. Yara farin ciki ne, rahama ne Farooq.”

“Sannan abu na gaba Farooq, Wayewar Hanifah tayi yawa, wallahi idan baka yi wasa ba sai kun shiga wutar Jahannama domin kuwa ku musulmai ne, kasani a cikin Alƙur'ani mai girma Allah yace ku tsare kawunan ku da iyalanku daga shiga wuta. Farooq ji irin shigar fitsarar da matarka take yi ta gaisa da wannan namijin ta rungumi wannan namijin duk da sunan wayewa. Ka riƙa yiwa matarka nasiha kana gayama ta gaskiya domin ku tsira ranar gobe alƙiyama”

*OUM AMEER*

💝 *BAHIYYA*💝

*ADABI WRITERS ASSOCIATION*

*BY*

*AMINA IBRAHIM*

*(OUM-AMIR)*

*BAHIYYA NOVEL ƊIN KUƊI NE KIBIYA 500 TA WANNAN ASUSUN 3132703269 FIRST BANK AMINA IBRAHIM SAI KI TURA SHAIDAR BIYA TA WANNAN LAYIN 08068974831*

*FREE PAGE*

*BABI NA SHIDA*

Jingina bayan sa yayi a jikin cushion ɗin tare da lumshe idanunsa relaxing himself yana digesting shawarar da Mahi ya basa.

Shi kuwa Mahi ganin ya ƙi ce masa komai yasa ya miƙe tsaye yace.

“Ni zan tafi I'm leaving to Ghana in sha Allah, kai kuma sai ka shirya kayi scheduling time ɗinda zaka gana da mutanen nan da na faɗa maka sun iso tun shekaranjiya, sunce ba za su gana da kowa ba sai kai”

Daga haka ya juya ya fice daga gidan.

Farooq kuwa yafi hour a haka duk wanda ya gansa zaiyi tunanin cewa bacci yake nan ko ba baccin da yake kawai matsalolin gidan sa yake ta lissafi yana neman hanyar warware su.

Miƙewa yayi ya shiga ɗakin da Madinah ta ke, gefen window ya sameta tana tsaye tana kallon waje amma ganin quick action ɗinta tana goge Hawaye ya tabbatar masa da cewa kuka take, cikin mamaki yace.

“Wai Madinah minene? Why have you been crying since yesterday ? da na san cewa tilas taki ki amsamin tamboyoyin zai sa ki yi ta kuka da na haƙura kawai,ko dai akwai wani abin ne bayan wannan ? Please idan har kina da wata damuwa just tell me”

Matsawa yayi in da ta ke tsaye ya rungumeta cikin nuna kulawa yace.

“Madinah Farukun ki ne idan akwai wani abu dan Allah ki faɗamin, idan ina ganin ki kina kuka zuciya ta ba zata iya daurewa ba”

Murmushi tayi tace.

“Haba ba fa komai, kawai dai tunawa da nayi da Azizat da Modu ne yasa zuciya ta ta kasa daurewa”

Cikin tausayawa yace.

“Nasan ba zan taɓa fahimtar yadda kike ji ba domin ke kika rayu tare da su ke kika san zafin su da muhimmancin su a rayuwar ki, to amma ni kuma da na san ke kaɗai ce rayuwa ta dole zan damu idan kina cikin wata damuwa, kiyi haƙuri”

“Na gode Umar”

Sake tambayar ta yayi yace.

“But Grand Ma, is that only my Mom you gave birth to?”

Gyaɗa kai tayi alamar eh sannan tace.