Rayuwarmu Book One Complete Hausa Novel

Bayan sun gama girkin Amina ta zuba ma kowa ta zuba ma Aliyu a plate ta same shi a parlour ta yi sallama ta shiga.

Ta aje mishi plate ɗin ta ɗauko mishi ruwa ta a'je ta fita shima ruwan ɗurawa su keyi a gora mutumin da ya daina wadata iyalan shi ta ya ya zai siyo drinks ya a'je.

Bayan sun gama cin abincin sukai wanka Amina ta kwaso kayan makarantarsu ta duba taga babu omo ta aiki Shukrah gurin Abbansu.

Shukrah ta yi sallama ta gaida Aliyu dake zaune yana kallon  tv.

Shukrah ta duƙa ta ce.

"Abba bama da omon wanki ya ƙare"

Aliyu ya yi kamar baiji abinda ta ce ba

Sai da ya ɗauki dogon lokaci sannan ya ce.

"Waya turo ki?"

Shukrah ta ce.

"Babu kowa daman zan wanke uniform ne"

Daga haka Aliyu bai ƙara cewa komai ba ya mayar da hankalin shi kan tv ganin haka Shukrah ta tashi ta koma bedroom ɗin su.

Amina ta kalli Shukrah ba tare da tace mata komai ba domin bata buƙatar sai ta ji abinda ya faru.

Amina ta fita daga ɗakin yaran ta shiga bedroom ɗin ta.

Bata jima da shiga ba Aliyu ya shigo hannunshi ɗauke da leda ya kalli Amina ya ce.

"Daga yau karki ƙara turo mun yara su tambayeni wani abu"

Amina ta kalle shi fuska cike da hawaye ta ce.

"Dan Allah Abban Shukrah ka dawo yanda kake gaba ɗaya ka sauya mana"

"Kai ne jigon rayuwar mu ni da ƴaƴana kaine komai namu idan ba kai mana ba wa zai mana?"cewar Amina ta na kuka.

Aliyu ya ce.

"Ni babu wani sauyawar da nayi kun kasa fahimtar yanzu haƙuri ake da rayuwa"

Amina ta ce.

"Wani irin hakuri da rayuwa kana tauye hakkin da ubangiji ya ɗaura maka"

Aliyu ya taso a zafafe yana cewa

"Karki kuskura ki gaya mun maganar banza kuɗi dai nawa ne kuma na ce ba zanyi ba duk abinda za ki yi ki je ki yi"

Amina ta yi murmushi ta ce.

"Babu abinda zan iya amman Allah zai yi ma kowa sakayyar abinda ya aikata "

Ta na faɗa mishi haka ta shige toilet ta barshi yana ta faman faɗa.

Bata fito ba sai da ta tabbatar da ya bar ɗakin sannan ta fito daman ta shiga ta yi alwala ne.

Darduma ta shimfiɗa ta fara kaima ubangiji kukan ta.

Shukrah ta shigo ɗakin ta samu Amina tana sallah ta duba ledar da ta ga Abban su ya shigo dashi.

Omo ne a ciki da sabulun wanka da man shafawa Shukrah ta ɗau omon ta fita.

Bayan Amina ta idar da sallah ta shiga bedroom ɗin yaran ta ga babu kowa ta ƙara gyara ɗakin ta rufo.

Parlour ta shiga ta samu plate ɗin da ta a'je ma Aliyu ya na nan yanda ta a'je ko taɓa ba a yi ba.

Amina ta ɗauka ta aje a kitchen ta fito parlour ta ƙara gyarawa ta fita bayan ɗaki in da su ke wanki ta samu Shukrah na wankin uniform ɗin su Darraini na taya ta Manaheer na zaune a gefen ta.

Amina ta karɓi wankin ta ce.

"Ku shiga ciki bari in ƙariƙa"

Shukrah ta shige suka bita a baya a parlour suka zauna Manaheer ta kunna musu tv.

A haka rayuwar Amina ta yi ta tafiya har zuwa lokacin da mahaifiyar Aliyu ta rasu kafin ta rasu ta jaddada mishi cewar ko bayan ranta ya rabu da Amina bata yafe ba sannan kuma  ta yi wa Amina nasiha mai ratsa zuciya.

Bayan mutuwar mahaifiyar Aliyu daga nan komai ya ƙara lalacewa.

Aliyu ya sauya rayuwar shi gaba ɗaya.

Ubangiji ka bamu ikon yarda da ƙaddara mai kyau ko akasinta 🤲

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

    (Ta Batulu)

Page 35~36

Bada jimawa ba Aliyu ya sai da gidan da suke zaune ya yi sallama da ƴan uwan shi ya koma jos da zama gaba ɗaya komawar shi ba da jimawa ba ya yi aure da Aisha.

Shigowar Aisha rayuwar Aliyu komai ya ƙara lalacewa shakara ɗaya da aurensu da Aliyu ta haifi Zainab suna kiranta da Mimah.

Bayan wasu shekaru Abba ya samu karayar arziki ya sai da gidan da suke zaune a ciki ya naimi wanda bai kai shi ba ya siya.

Duk da hakan ba wai baya da rufin asiri bane amman karayar arzikin daya samu shiyasa ya ƙara janye jikin shi daga cikin hidimar gidan.

A yanzu haka shekarun Mimah 15 bata da mutunci ga rashin kunya babu wanda take ragama wa babu mai tsawatar mata idan ta yi ba dai dai ba sannan duk tafi yaran Aliyu jiki da tsawo.

Tunda Aliyu ya dawo jos bai ƙara zuwa saminaka ba lokacin da Amina ta haifi Muddansir  ƴan uwan shi da na Amina sun zo mata suna.

A nan suka fahimci irin rayuwar da take fuskanta Fatima ƙanwar Aliyu ta ji babu daɗi sannan ta ƙara bawa Amina shawarwari gami da bata haƙurin duk abinda za ta gani ta daure ta riƙe ƴaƴanta.

Fatima ta samu yayinta da maganar Amina suma sunyi mamaki sosai domin basu yarda ba sai da suka zo garin tun a yanayin gidan da suka iske suna rayuwa a ciki suka fahimci akwai matsala.

Ƴan uwan Aliyu sun zauna dashi sunyi sunyi ya faɗa musu halin da yake ciki amman yaƙi harta Isma'eel yanzu kansu a haɗe yake

Umar shiya bada shawaran su fara siya ma yayan nasu gida daga baya sai su haɗa mishi jari su bashi a tunanin su baya samu ne gaba ɗaya a kasuwar.

Basu san cewa lamarin harda zalunci ba ƴan uwan Aliyu basu bar garin jos ba sai da suka haɗawa Amina jari mai tsoka suka siya mata waya.

Kafin su tafi sai da suka roke Amina akan duk halin da ake ciki ta dinga sanar musu a waya.

Bayan ta yaye mudan karatun Shukrah ya tsaya Darraini da Manaheer ne kawai suke zuwa makaranta ita kuma Shukrah Amina ta sata a islamiyar ƙasan layinsu.

A lokacin Inna ta so taja Amina a jiki amman ganin babu fuska sai ta koma kan Aisha suka haɗe kansu.

Kuma har zuwa lokacin Amina ba ta samu mijin aure ba yawon ta kawai ta keyi Inna tasa mata ido yanzu haka shekarun Auta 6

Cigaban Labari

Da daddare Abban Shukrah ya dawo gida Amina ta kai mishi ruwa toilet ta kawo abinci ta aje mishi ta fita.

Abban Shukrah koda ya fito bai samu umman Shukrah a ɗakin ba yana cikin shiryawa ta shigo ta taya shi shiryawa ta gabatar mishi da abinci.

Yana cin abinci suna fira da Amina duk da cewa sama sama take amsawa amman shi ko a jikin shi.

Mama ta yi sallama ta samu guri ta zauna.

"Lafiya ki ka shigo mun ki ka zauna baki ce komai ba?" Inji Aliyu

Mama.

"Ɗazun bana gida Amina ta kama Mimah ita da yaranta su ka yi mata dukan tsiya ga ta chan zazzaɓi ya rufeta"

Jiki na rawa Abban Shukrah ya tashi ya yi waje daman Aliyu akwai son ƴaƴa amman ba bu kulawar da ya dace.

Ya na zuwa ya samu Mimah kwance ta rufe jikinta ta na ta rawar sanyi ga jikinta zafi.

Mimah na ganin Abbanta ta fashe da kuka Aliyu ya zauna yana tambayar ina ke mata ciwo amman saboda raki taƙi magana kuka kawai ta keyi.

Aliyu ya fita ya kira Aisha ya ce.

"Zo ki shiryata mu je hospital"

Mama ta fito tana matse hawayen ƙarya ta shiga ɗakin ta riƙo Mimah tana cewa

"Tashi ki zauna Abban naku ya fita"

Daman ba wani ciwo bane zazzaɓi ne kawai Mimah ta tashi ta zauna Mama ta sa hijjab ta ce.

"Tashi mu je tun kafin ya gano shirin mu"

Abban Shukrah a fusace ya koma ɗakin shi ya samu Umma zaune a in da ya barta ya kalleta ya ce.

"Wallahi ba zan ɗauki asara ni kaɗai ba zaku sha mamakin abinda zanyi idan na dawo"

Umma ta na zaune ko kallon in da yake ba tayi ba.

Abba ya gama fadar shi ya yi waje ya na fita Umma ta tashi ta kulle mishi kofar ta fito.

Umma ta yi sallama ta shiga ɗakin ta Shukrah na zaune ta na ma ƙaninta karatu Umma ta samu guri ta zauna bayan sun gama karatun suka ɗauko na addini Umma ta ƙara musu.

Daga nan suka zauna suna fira Umma ta tara su dukansu ta ce.

"Ina son ku bani shawaran sana'ar da zanyi domin na gaji da zama haka babu sana'a"

Darraini ta ce.

"Ni dai muyi awarar sai dawa domin naga ana samun ciniki"

Shukrah ta ce.

"Musai koda ƙaramin fridge ne mudinga zoɓo da kunun aya"

Manaheer.

"Umma ni dai a shawarce mudinga yin snacks domin yafi duk abinda suka lissafo"

Umma ta yi shiru tana nazarin maganganu yaranta domin sune abokan shawaranta suma itace abokiyar shawaransu.

Basu da ƙawaye ko ɗaya a cikin rayuwar su iyaka a haɗu a makaranta a rabu a makaranta.

Umma ta jasu a jiki ta yanda basa ɓoye mata damuwar su.

Umma ta ce.

"Kowa yaje ya kwanta zuwa safe zamu yanke shawaran abinda ya dace"

Su kayi alwala suka kwanta amman banda Shukrah ta na zaune kusa da Umma suna fira sama sama.

Abba ya shigo ɗakin Umma Shukrah ta miƙe zata shiga ciki Abba ya kalleta ya ce.

"Koma ki zauna munafuka kawai da gidan ubanwa za kije?"

Shukrah ta sunku yar da kai ƙasa Abba ya kalli Umma ya ce.

"Duk abinda ke faruwa a gidan nan ke kike kunnawa domin yanzu nabga bakya son zaman lafiya"

Amina Amina Amina sau nawa na kira sunanki?"

Umma ta ce.

"Sau uku"

Abba ya ce.

"Gargaɗi dake da ƴaƴanki domin kune fitinannu a gidan nan yanzu kun kama yarinya kunyi mata taron dangi kamar kune ku ka haifeta"