Rayuwarmu Book One Complete Hausa Novel

Da safe bayan sun gama aikin gida suka zauna su na hutawa suna fira jefi-jefi Umma ta na ɗakin Abba Mama ta ɗaga labulen ɗakin ta ce.

"Mallamai kun ishe mu da hayaniya kamar gidan biki"

  Manaheer ta yi saurin cewa.

"Allah ya taimaki hajiya Maman mu"

Darraini da ta kasa riƙe dariyar ta da sauri ta shige bedroom Shukrah ko kallo ba ta isheta ba.

Mama.

"Amina ki kayi wa dariya bani ba fitsararrun yara marasu kunya"

Daga haka ta yi gaba daman neman dalili ya kawota.

Mama ɗakin Abba ta shiga yana zaune suna fira da Umma.

Mama ta nemi gurin zama ta ce.

"Daman gurinka na zo Alhaji"

Abba ya zuba mata ido ya na jiran ta faɗa mishi ƙaran wanda ta kawo.

Mama.

"Gaskiya idan an yi girki a gidan nan ba a zuba  mana yanda zai ishe mu domin ni rabon da in ci abinci in ƙoshi acikin gidan nan koni na manta abinci ne yanda kasan za a ba wa mage"

Abba ya kalli Umma

Mama ta yi saurin cewa.

"Ni dai a raba girki kowa ya dinga yin nashi kawai yafi alkhairi"

Abba.

"Gaskiyar magana babu wace ta isa ta sa ni in raba girkin gidana'

Abba ya kalli Mama ya ce.

"Ni ba na son tashin hankali tun da kin ce ƙara kika kawo ba sai ki zuba ido ki gani ba"

Mama.

"Alhaji ba abinci ake zuba ma na acikin gidan nan ba face ƙanzon ƙasan tukunya wanda ya kama ya yi baƙi"

Abba bai tanka mata ba harta gama faɗar maganarta bayan ta fita Abba ya mai da hankalin shi gurin Umma ya ce.

"Shin dagaske ne abin da ta faɗa."

Umma.

"Idan da gaske ne mai ya sa duk tsawon lokacin nan bata taɓa kawo maka ƙara ba sai yanzu?"

Abba.

"Ni dai kawai tambayarki na yi dagaske ne abin da ta faɗa."

Umma ranta ya ɓaci ganin ya yarda da abin da ta faɗa ba tare da bincike ba amman ta shanye ɓacin ranta ko ba komai a samanta yake.

Abba.

"Gaskiyar magana ba zan lamunci haka acikin gidana ba"

Umma.

"Tun da kayarda da abin da ta faɗa to kafin ka yanke hukunci dan Allah ka yi bincike"

Abba.

"Wani irin bincike zan yi bayan a gabanki ta faɗa ballan ta na kice sharri ta yi miki"

Umma.

"In sha Allah daga yau na cire hannuna a girkin gidan nan"

Daga haka ta fita Mama na tsaye a bakin ƙofa Umma ko kallonta ba ta yi ba ta nufi ɗakin ta daman girkin Mama ne.

Mama ta yi wuf ta faɗa ɗakin ta samu Abba ya na shirin fita kasuwa bayan ya gama shiryawa ya bata kuɗin cefane ya fita Mama ta daɗe a ɗakin kafin ta rufo ƙofar ta fita.

Mama ɗakin Umma ta nufa ta na kar kaɗa makulli Umma na zaune suna fira fuskanta cike da farin ciki Mama ta ji ranta ya ɓaci ita da ta so ta zo ta same ta cikin ɓacin rai shine zata ganta cikin farin ciki.

Umma ta yi murmushi ta na kallon Mama Manaheer.

"Hajjiya Mama ikon Allah."

Mama ta watsa mata harara ta ce.

"Ku zo ku yi mun cefane dukan ku."

Manaheer ta yi dariya ta ce.

"To hajjiya Mama idan ma harda girkin kike so duk za muyi."

Umma ta kama hannun Auta suka shige bedroom Mama ta bi ta da harara Manaheer ta kalli Mama.

Khadija ta ce.

"Mama kawo kuɗin."

Mama.

"Ku barshi kawai bana so zan aiki Mimah."

Manaheer ta ɗau buta ta yi waje Shukrah ta kaɗa kai ta shige bedroom parlour ya rage daga Darraini sai Khadija Mama ta yi waje ta na cika ta na batsewa.

Manaheer daman ba toilet zata shiga ba ta na ganin Mama ta nufo hanyar ɗakinta ta gyara tsayuwa sai da ta zo dab da ita sannan ta ce.

"Hajjiya Mama ikon Allah mata a gurin Alhaji."

Tana gama faɗar hakan ta shige toilet ta kulle ƙofa Mama ranta ya ɓaci ta rasa inda zata sa kanta saboda ɓacin rai ganin tsayuwar ba zai fisheta ba ta shige ɗaki ta ɗau wayarta.

Ta kira Abba ringing ɗaya ta ji ya ɗaga wayar tun kafin ya yi magana ta riga shi.

"Alhaji ban samu yaron da zai mun cefane ba."

Abba.

"Mimah fa.?"

Mama.

"Ta je gidan lalli."

Abba.

"To ba ga yara a gidan nan ba ki aike su mana."

Mama.

"Na yiwa Manaheer magana ta ce ba za ta je ba kuma ni bansan wanda zan aika ba daman na ga Manaheer itace ƙarama acikin su"

Abba.

"Ki aiki Darraini ta siyo miki."

Daga haka ya yanke wayarshi.

Abba ya kira Umma bayan ta ɗaga wayar sai da jikin shi ya yi sanyi domina ba haka ta saba amsa wayarshi ba amman sai ya share ya ce.

"Darraini ta je ta yi  cefane."

Umma na jin haka ta kira Darraini ta miƙa mata wayar Darraini ta karɓa ta fita lokacin Manaheer ta shigo Darraini ta buɗe maganar gaba ɗaya yanda za su ji abin da zai ce.

Abba ya ce.

"Darraini ki je ki karɓi kuɗin cefane gurin Maman ku ki siyo mata."

Daga haka ya yanke wayar ya kira Mama ya ce.

"Ki kaiwa Darraini ta siyo miki."

Abba ya yanke wayarshi Mama ta fita ta na ran gaji da jiki ta shiga ɗakin Umma ta tsaya a bakin ƙofa ta ce.

"Manaheer in ji Alhaji ya ce ki zo ki yi cefane."

Wannan karan ba iya Manaheer ta yi dariya ba harda Umma dake kwance a ciki sai da abin ya bata dariya Shukrah dake zaune kusa da Umma murmushi ta yi.

Mama.

"Ya ina magana kuna mun dariya kamar kunga mahaukaciyya.?"

Manaheer.

"Hajjiya Maman mu ikon Allah yanzun nan Alhaji ya kira ya ce Anty Darraini ta je ta karɓi kuɗin cefane ta siyo miki."

Mama sai da ta ji kunya amman ta fuske ta yi gaba ta na cewa.

"Ina jiranki."

Mama ta na shiga ɗaki Amina ta yi sallama hannunta janye da ƙaramin akwati ɗakin Mama ta nufa.

Darraini ta sa hijjab Khadija ma haka a bakin ƙofar ɗakin Mama suka tsaya Khadija ta yi sallama.

Mama ta fito ta lissafa musu abin da za su siyo mata ta koma ɗaki gurin Amina.

Bayan sun gaisa Mama ta ce.

"Ya na ganki da akwati kamar wata mai hijira."

Amina.

"Kwana biyu zan yi."

Mama ranta ya ɓaci amman bata nu na ba daga nan Amina ta yi kwanciyarta Darraini basu jima da fita ba suka dawo.

Har sun tsaya a bakin ƙofa Khadija ta shige ɗakin bayan ta yi sallama Amina kwance a saman two seater tana bacci.

Darraini ma ta shigo ɗakin idonta akan Amina dake bacci kujeran da take kwance akai ƙofa yake kallo Mama ta fito daga bedroom ta na hararan su.

Khadija ta miƙa mata kayan cefanen ta fita Darraini ma haka.

Bayan sun shiga ɗaki Manaheer na zaune a kujera tana game Khadija ta ce.

"Kunyi baƙuwa fa a gidan."

Manaheer ta mayar da hankalinta gurin Khadija ta na cewa.

"To ina ruwan mu da ita.?"

Khadija.

"Anty Amina daga saminaka."

Ba Manaheer kaɗai ba hatta Shukrah sai da ta ji faɗuwar gaba Umma rintse ido ta yi ta na jin faɗuwar gaba.

Umma ta san halin Amina sosai macece mara son zaman lafiya Manaheer ta ce.

"Lallai gidan nan zai kama da wuta."

Darraini jiki a sanyaye ta nemi gurin zama Umma ganin yanda jikin su ya yi sanyi ta ce.

"Shukrah muna da raguwar kayan cefane."

Shukrah ta duba ta kalli Umma ta ce.

"Eh."

Umma.

"Ki dafa mana abin da ya dace."

Khadija ta shigo bedroom ɗin ta ce.

"Dan Allah Aunty Shukrah dambun tsaki."

Umma.

"Kin iya ci.?"

Khadija.

"Eh mana ina son dambun tsaki."

Shukrah.

"Ai ko za ki sha aiki domin babu mai ta yaki.

"

Manaheer da shigowarta kenan ta ce.

"Zan ta ya ta."

Shukrah.

"yanzu dai ku ta shi lokaci na ƙurewa."

Umma.

"Ki duba ki gani idan akwai tsakin masaran."

Shukrah.

"Eh akwai."

Daga haka suka fita Umma ta bayar da kuɗi a siyo alayyahu da kabej cucumber da gyaɗa.

Ba a dauki dogon lokaci ba suka gama girkin Shukrah ta shiga wanka Darraini ta gyara gurin Manaheer ta yi wanke-wanke bayan Shukrah ta fito Khadija ta shiga.

Khadija ta fito Darraini ta shiga Manaheer na kwance a two seater bayan Darraini ta fito  Umma ta shiga daga nan su ka yi alwala su kai sallah.

Manaheer ta zubo abinci a babban plate Umma ta kalleta ta ce.

"Manaheer ba ki yi wanka ba."

Manaheer.

"Yunwa na ke ji sai mun gama cin abinci."

Daga haka suka fara cin abincin bayan sun gama Manaheer ta ƙaro Auta ya na ta tsokanarta.

Manaheer ta gama cin abinci ta ɗau ruwan wanka ta kai toilet ta fito ɗaki ta shiga Umma ta ce.

"Ya za ki dawo ɗaki bayan kin kai ruwan wanka toilet.?"

Manaheer.

"Mantuwa na yi."

Ta shige bedroom bata jima ba ta fito ta yi hanyar toilet bucket ɗin data kai ruwa toilet ta ganshi a bakin ƙofar toilet an fito mata dashi da kwandon wankan.

Cike da mamaki ta ƙarika ta duba da kyau ta ga bucket ɗin ta ne kuma babu kowa a toilet ɗin.

Manaheer ba ta ce komai ba ta mayar da bucket ɗin da kwandon wankan ta kulle ƙofar bata jima da kullewa ba ta ji a na dukan ƙofar toilet ɗin kamar za a cire.

Manaheer ta leƙo da kai daman bata fara wankan ba Amina ta gani a bakin ƙofar toilet ɗin da sauri Manaheer ta kulle ƙofar.

Amina.

"Wallahi idan baki fito ba sai na shigo na jawo ki waje."

Manaheer ko sauraronta ba ta yi ba ta gama abin da take ta buɗe ƙofar ta fito.

Tun kafin Amina ta yi magana Manaheer ta ce.

"Lah Aunty Amina yaushe kika zo?"

Amina ta ɗaure fuska ta ce.

"Dan iskanci kin shige toilet kin yi zamanki."

Manaheer.

"Dan Allah kiya haƙuri big Aunty."