Rayuwarmu Book One Complete Hausa Novel

Isma'eel ma sai da ya kora shi mijin Aunty Fatima ya kirata a waya ta tashi ta fita.

Bata jima ba ta dawo ta yi musu sallama ta tafi ɗakin Khadija ta shiga ta ce mata.

"Kishirya da wuri karki sa shi zaman jiranki."

Khadija ta yi tsalle ta rungume Aunty Fatima ta na dariya daga nan Anty Fatima ta yi wa Aunty Maryam sallama ta tafi.

Nasser

Ɗakin ya rage daga Abba sai Nasser sun jima suna tattaunawa game da matsalar gidan Abba kafin su kwanta bacci.

  Gidan Abba

Mama bata dawo gida ba sai ana kiran sallahr isha'i ta samu ɗakinta a buɗe Mimah bata nan Mama ta ɗauko waya ta kira ta.

Mimah ta ɗaga waya tun kafin ta yi magana Mama ta ce.

"Kina in.?"

Mimah.

"Uhmmmm banyi nisa ba kin dawo ne.?"

Mama.

"Ban sani ba."

Mama ta yanke wayar ta shiga ɗaki Mimah ba ta shigo gida ba sai sha ɗaya saura.

Koda ta dawo Mama ba ta ce mata komai ba Mimah ba ta bawa mahaifiyarta kuɗin da Abba ya bata ba.

Mama ta kalli Mimah ta ce.

"Gashi ina jin yunwa kuma na san babu abin da ki ka dafa."

Mimah.

"Kisha tea kawai ki kwanta dare ya yi."

Mama.

"Ai ban da kuɗi."

Mimah ta ciro dubu ɗaya a kuɗin da Abba ya ba ta Mama ganin kuɗi ta washe baki ba bu tambayar in da ta samu kuɗin ta ce.

"Je ki siyo mun kayan tea bari in kunna gawayi."

Mimah ta fita ba ta jima da fita ba sai gashi ta dawo ta miƙawa Mama ta yi kwanciyarta.

Mama.

"Karki kwanta da yunwa."

Mimah.

"Na ci abinci a in da naje."

Daga haka ba ta ƙara cewa komai ba Mama bayan ta sha tea sai ta ɗibo rushi ta kwance jakar da ta dawo dashi anguwa ta ɗauko wani abu ta kwance ta zuba acikin wutar ta yi waje.

Ƙofar ɗakin Umma ta nufa sai da ta leƙa ta ga babu kowa a parlourn ta aje a bakin ƙofar ɗakin.

Abin da Mama ba ta sani ba ɗakin Umma ba a rufe yake ba dukansu suna cikin bedroom suna fira Manaheer ta tashi da sauri.

Umma ta kalleta ta ce.

"Ke kuma lafiyarki ƙalau.?"

Manaheer.

"Toilet zanje."

Ta fita ba tare da ta tsaya jin abin da Umma ta ke cewa ba ta na fita parlour ta ga hayaƙi na shigowa kaɗan kaɗan.

Manaheer da sanɗa ta buɗe ƙofar Mama ta gani tsaye ta na kiran sunan Umma.

Mama ta yi mamakin ganin Manaheer amman da yake ƴar duniya ce sai ta waske.

Manaheer ta ce.

"Wallahi babba ya kama girmanshi tun muna mu biyu ban kira jama'a su zo su ta ya ni gani ba."

Mama na jin haka ta ɗau kaskon ta yi gaba Manaheer ta ɗaga murya yanda za ta jiyo ta.

"In sha Allah mutum sai ya ga aniyar shi ba dai mugun nufi ba Allah zai gwada wa mutum abin da ba ya son gani."

Da sauri Mama ta shige ɗaki Manaheer ta juyo za ta koma ɗaki su ka haɗa ido da Shukrah Manaheer ta ɗaure fuska ta raɓa ta shige.

Shukrah ta yi murmushi domin duk abin da ya faru ta gani Manaheer ta ɗaure fuska ne kar Shukrah ta tambayeta abin da ya faru.

Haka suka kwanta ba tare da Mama ta ba su abincin dare ba kuma dama can Umma ba ta sa ran samun abinci daga gurin Mama ba.

Da safe suna cikin yin breakfast Mama ta zo gurin Umma a kan a bata makullin ɗakin Abba.

Umma ta yi shiru ta na tunani domin ta rasa abin da za ta ce mata gashi dai Abba ya bar sallahun kar a ba kowa keys.

Kafin Umma ta gama yanke shawara ta ji Manaheer na cewa.

"Abba ya ce ko waye ya zo karɓan makulli kar a bashi."

Mama ta kalli Manaheer ta ce

"Ba dake nake ba dan haka kar in sake magana ki samun baki."

Manaheer ta yi ƙwafa ta kau da kai Umma ta harare ta.

Umma ta fuskanci Mama ta ce.

" Abban Shukrah da zai tafi ya ba da umarnin kar wanda ya buɗe mishi ɗaki."

Mama ta fara masifa Umma ganin haka ta kalli Shukrah ta ce.

"Ku kwashi abin karywan ku shiga bedroom."

Mama ta na ta tijjara Umma ta ba banza ajiyarta Mimah ta tawo gurin ta kalli Umma cike da rashin kunya ta nu na Umma da yatsa ta ce.

"Mallama ki bamu key zamu ɗauki abin karyawa."

Mama ta washe baki ta ce.

"Haiwuwa mai rana Allah na gode maka."

Manaheer da fitowarta kenan daga bedroom ta ji abin da Mimah ke cewa ba bu wanda ya lura da fitowarta su dai jin ƙaran mari su kayi.

Umma da Mama a tare su ka kalli inda ƙaran marin ya fito Manaheer ce a tsaye ta murɗe hannun Mimah.

Tunda Umma ta ce su shiga bedroom Manaheer ta ke tsaye a bakin ƙofa ta na leƙen abin da ke faruwa.

Mari huɗu ta yi wa Mimah sannan ta murɗe hannun da ya nu na Umma.

Mimah na ta ku ka ta na zagin Manaheer amman ita ko ajikin ta.

Mama ta yi ta yi ta ƙwace hannun Mimah a gurin Manaheer amman ta ka sa

  Umma

Manaheer ba na son tashin hankali sakar mata hannunta."

Manaheer ta saki hannun Mimah ta  kama kunnenta.

"Wallahi ko kallon banza na ƙara ganin kin yiwa Umma sai na zane miki jikin ki."

Mama ta kama hannun da a ka murɗe ta na dubawa hannun ya yi jawur har ya ɗan kumbura.

Mama ta na ta zage-zage Manaheer da ta kusa shiga ɗaki ta juyo ta yi wa Mama kallon gargaɗi kafin ta shige ɗaki.

Ga mari ga tsinka jaka

Mama ta kama hannun ƴarta mai lafiya su ka shiga ɗaki.

Umma ta ɗau waya ta kira Abba wayar taƙi shiga Mimah sai kuka ta ke yi Mama ta daka mata tsawa ta ce.

"Dallah rufe mun baki sakarya kawai kin ishe ni da ihu ni ko a labari ban taɓa ganin sakarya mara wayyau irinki ba."

"Kwanaki haka ta yi miki gashi yanzu ma ta ƙara har da cewa sai ta za ne ki saboda kin zama shasha mara wayyau."

Mimah dai ba ta ce komai ba ta na fama da hannu Mama ta sa hijab ta kalli Mimah.

"Sa hijjab ɗinki mu tafi gurin magani dan banga ta zama ba".

Mama ta janyo ƙofar ta kulle ta riƙo Mimah iyayen raki su ka fita.

Umma ta yi ajiyar zuciya ta na mamakin wannan lamarin ganin tunani zai ci ƙarfinta ya sa ta tashi ta shiga bedroom Manaheer na kwance ta yi bacci sauran suna karatu.

Manaheer ɗin ma idon ta biyu ta yi haka ne dan kar Umma ta yi mata faɗa.

Umma ta kalli Auta.

"Yau mai ka ke son a dafa Autar Umma da Abba.?"

Auta ya yi murmushi cike da jin daɗin sunan da aka kira shi dashi ya ce.

"Umma dan Allah masa."

Dukkansu sunji daɗin zaɓin Auta daman an kwana biyu ba a ci masa ba.

Umma ta ba Shukrah kuɗi ta ce.

"A siyo duk abin da ya da ce."

Shukrah ta karɓi kuɗin Umma ta ce.

"Kaina ke ɗan sara mun bari in kwanta kafin ku dawo."

Shukrah ta bawa Darraini kuɗin cefane Auta ya ce.

"Dan Allah Aunty Darraini zan biki."

Bayan fitan su Shukrah ta wanke shinkafa ta jiƙa Manaheer ce ta fito daga bedroom ta na murmushi.

Shukrah ta yi kamar bata ganta ba Manaheer ta haɗa wanke wanke ta wanke ta gyara gurin ta zo ta zauna kusa da Shukrah.

Shukrah ta ɗauke kai Manaheer ta kwanto jikin ta.

"Wai dan Allah laifin mai na yi a ke shareni.?"

Shukrah ta kau da kai

Manaheer.

"Shike nan kunfi son in yi shiru a na cin zarafin mahaifiyar mu.?"

Shukrah ba ta ce komai ba Manaheer ta ci gaba da cewa.

"Wallahi ko yanzu Mimah ta ƙara aikata abin da ta yi yau sai na karya ɗan yatsar."

"Ai ko yau na ƙyalleta ne saboda Umma amman bayan haka wallahi da ta gane shayi ruwa ne."

Shukrah.

"Wato ma kin san abin da ki ka aikata koh.?"

Manaheer.

"Dan Allah mai yasa idan zan yi abu kike bin ba ya na ki na mun laɓe ko dai kema course ki ke ɗauka.?"

Shukrah ta kai mata duka ta kauce ta na dariya.

"Wallahi Manaheer ba za ki taɓa sauyawa ba ace mutum kamar ana kaɗa mishi ganga."

Manaheer.

"Ni dai ki ba ni amsar tambayar da na yi miki."

Shukrah.

"Sai na ji duka sannan zan ba ki amsar tambayarki."

Shukrah.

"Wallahi ina tausaya wa wanda Abba ya ce ya zo ku daidaita domin na san halin ka ya na sarai."

Manaheer.

"Uhmmmm kin ma tuna mun yau ina da babban baƙo."

Shukrah.

"Ubangiji ya nu na mun ranar da za ki shiryu."

"Ameen.

Darraini ta dawo Shukrah ta wanke kayan miya Auta ya kai ni ƙar shinkafa gidan a ku sa da gidan su ya ke.

Manaheer ta niƙa kayan miya a greater Darraini ta kunna huta.

Miyar su ka fara ɗaurawa a wuta kafin Auta ya dawo Manaheer na yanka alayyahu su na fira Shukrah na ɓare magi Darraini na daka gyada.

Bayan sun gama Shukrah ta ware kayan miya da ban ta aje Darraini ta yanka albasa ta zuba a cikin wannan kayan miyar da Shukrah ta aje.

Auta ya yi sallama ya shigo Darraini ta sauke robar da ke kanshi Shukrah ta raba ƙullin wainar biyu ta aje ɗayan a gefe ɗayan kuma ta sa sugar su ka fara suyar mai sugar gidan sai ƙamshi ya ke tashi.

Dukkansu su ka haɗu su ke suyar Auta na ta ya su.

Manaheer ta ɗauƙo rabin ƙullin wainar ta zuba acikin kayan miya da albasa ta zuba spices da kayan ɗanɗano ƙullin yaji albasa da kayan miya sai da ta tabbatar komai ya yi mata yanda take buƙata sannan ta rufe ta aje ta shiga kitchen ta ɗauko roba mai murfi ta aje.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v