Rayuwarmu Book One Complete Hausa Novel

Manaheer ta yi waje Darraini ta bita kai tsaye Manaheer gurin su Mimah ta nufa ta kalli saurayin ta ce.

"Mallam ta shi kabar gidan nan."

Mimah ta ce.

"Saboda a kanki yake da za ki ce ya tashi ya tafi."

Manaheer.

"Jira mana ai zan dawo kanki bara in gama da wannan ɗan iskan mai shigowa gidan matan aure."

Mimah ta fara masifa Manaheer ta kalli saurayin ta ce.

"Idan ka isa ka zauna in shiga in fito."

Manaheer ta shiga kitchen saurayin ya kalli Mimah ya ce.

"A ina ku ka samo wannan mai ƙiran ƴan daba.?"

Kafin Mimah ta bashi amsa ya hango Manaheer ɗauke da taɓarya saurayin ya tsaya ya na jiran ya ga dagaske zata buga mishi.

Manaheer tana zuwa ta ɗaga tabaryan hannunta ai saurayin na ganin dagaske take ya zura da gudu ko takalmin shi bai ɗauka ba.

Manaheer ta juyo kan Mimah ta na juyo wa ta ga ba Mimah a gurin.

Lokacin da Mimah ta hango Manaheer ta tawo ɗauke da taɓarya Mimah tayi readyn gudu amman ganin Musa na zaune bai motsa ba yasa ita ma ta fasa guduwa tana ganin Musa ya gudu ita ma ta yi ɗaki da gudu  ta rufo.

Domin ta san halin Manaheer tsab zata buga musu wannan tabaryan.

Manaheer ta kalli ƙofar ɗakin Mama taga an rufe.

Manaheer ta ce.

"Wallahi da kun tsaya sai na buga muku ashe ma ƙananun ƴan iska ne."

Shukrah dake tsaye a bayan Darraini ta yi tafi da hannunta ta ce.

"An gaishe da jarumar gidan mu."

Darraini da ke ta faman dariya ta ce.

"Aunty Shukrah yaushe ki ka fito.?"

Shukrah.

"Ina ganin fitowar ki na san akwai abin da ku ke ƙullawa."

Manaheer ta aje taɓaryan ta shiga ɗaki bedroom ita ma ta shige ta yi kwanciyarta kusa da Umma.

Shukrah Darraini suka fara gyara ɗakin bayan sun gama suka ɗaura girki daman suna da raguwar kayan abinci wanda Umma ta ke siya ta aje Shukrah ta aiki Darraini ta siyo abin da ba shi.

Suka dafa shinkafa da miya suka yanka salad Shukrah ta haɗa zoɓo irin wanda Umma ke haɗawa ta bawa Darraini kuɗi ta siyo ƙanƙara ta zuba.

Bayan sun gama aikin su kayi wanka lokacin aka kira sallahr la'asar su ka tashi Umma.

Bayan sun idar da sallah Umma ta tashi Auta Shukrah za ta tashi Manaheer Umma ta ce.

"Ƙyaleta kawai domin tunda mukaje hospital ina lura da ita bata yin bacci."

Umma ta yi wanka Shukrah ta yi ma Auta wanka suka shirya tsaf.

Darraini ta gabatarwa da Umma abinci Umma  taji daɗi sosai tana ta sa musu albarka a plate ɗaya suka zuba suna ci Auta ya na santi.

Suna cikin cin abincin Abba ya yi sallama ya shigo Umma ta amsa yaran su kai mishi sannu da zuwa.

Abba ya zauna ya ce.

"Har an gama abincin.?"

Umma ta ce.

"Abinci tun ɗazun aka gama."

Abba ya washe baki ya ce.

"Bari in zo."

Abba ɗakin Mama ya tura yaji a rufe ta ciki ya ƙwanƙwasa ya ce.

"Mimah lafiya ki ka shige ɗaki ke kaɗai.?"

Mimah najin muryan Abba ta buɗe ƙofar jiki na rawa.

Abba.

"Sannu da ƙoƙari yau kinyi aikin gidan nan kin gaji da yawa."

Mimah ta ya mutsa fuska ta ce

"Abba ni banyi aikin komai ba."

   Abba.

"Bangane ba kiyi aiki ba fahimtar dani yanda zan gane."

Mimah ta yi rau rau da idanu ta ce.

"Manaheer ne ta biyoni da taɓarya wai zata karyani."

Abba hankali tashe ya ce

"Manaheer ɗin da bata da lafiya.?"

Mimah ta fashe da kuka ta fara rantse rantse Abba ya tafi ɗakin Umma ya tsaya ya na kallon su ya ce.

"Ina Manaheer ta ke.?"

Umma.

"Tana ciki tana bacci."

Abba ya ce.

"Ba dole ta yi bacci ba ta san abin da ta yi."

Umma ta kalli Shukrah ta ce.

"A kwashe kayan da aka ɓata a kai kitchen."

Darraini ta kwashe kayan Shukrah ta gyara gurin tsakar gida suka je suka shimfiɗa tabarma suka zauna.

Abba ya kalli Umma ya gaya mata abin da Mimah ta faɗa mishi.

Umma ta yi murmushi ta ce.

"Manaheer ta na ɗaki ta na bacci."

"Ko da na tambayi Darraini yaushe ta kwanta ce mun ta yi ina shiga bada jimawa ba ita ma ta bi bayana."

Abba ya yi shiru ya ma rasa abin da zai ce da yaga tsayuwar ba zata fisheshi ba sai ya fita.

Gurin Mimah ya koma ya ce.

"Yanzu dai fito ki ɗaura na dare kinga har yanzu Mamanki ba ta dawo ba"

Mimah ta ce.

"To."

Abba ya koma ɗakin Umma ya na shiga Auta ya fita ya je gurin su Shukrah.

Abba ya kalli Umma ya ce.

"Da raguwar abincin a samun."

Umma ta miƙe ba tare da ta ce komai ta shiga bedroom ba ta jima da shiga ba ta fito hannunta ɗauke da plate da spoon ta aje mishi ta ƙara komawa ta ɗauko jug mai ɗauke da zoɓo ta aje mishi ta zauna.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

   Jagaban Jajirtattu

          (Ta Batulu)

Allahumma Sali Ala Sayyadina Muhammad Wassalim 🥰

Page 51~52

Abba ya yi bismillah ya fara cin abincin ya naci ya na santi.

Sai da cinye abincin tas ya ɗau zoɓon ya na sha Umma ta kwashe kayan ta fita dasu ta na fita Shukrah ta zo ta karɓa ta aje a gurin wanke-wanke.

Ta ce ma Darraini.

"Ɗibo mun ruwan ɗauraya in wanke kayan nan."

Darraini.

"Aunty Shukrah bari in yi kawai na ga yau kin sha aiki."

Shukrah ta ce.

"A'a sai dai muyi tare."

Suka fara wanke-wanken.

Bayan komawar Umma ɗaki Abba na zaune da jug a gaban shi ya na shan zoɓo Umma ta zauna Abba ya kalle ta ya ce.

"Daman ina son zan faɗa miki wata magana amman ban san yanda za ki ɗauke ta ba."

Umma.

"Karka damu zan fahimta in sha Allah."

Abba.

"Na yiwa Manaheer miji."

Umma fuska cike da mamaki ta ce.

"Shukrah ko Darraini.?"

Abba.

  "Manaheer nake nufi."

Umma.

"Uhmmmm Allah ya sanya alkhairi."

Abba ya sauko ya zauna kusa da Umma ya ce.

"Amina kina hukuntani da wannan shirun naki."

"Nafi son ki dinga buɗe baki kina mun magana."

Umma.

"Zan gyara in sha Allah."

Abba.

"Ina Manaheer ɗin take.?"

Umma.

"Ta na ciki ta na bacci."

Abba ya ce na manta ban gaya miki ba.

"Kar a ƙara aiken ta ko nan da ƙofar gida."

Umma ta kasa shanye ɓacin ranta ta dubi Abba ta ce.

"Saboda mene ba za a aike ta ba kamar wanda ta yi cikin shege."

Abba.

"Saboda ba na son su haɗu da wancan ɗan iskan saurayin da na kama su tare."

Umma.

"Kuma kana da tabbacin Manaheer ne a zauren.?"

Abba.

"To idan ba ita ba wace ce mai rawar kai acikin yarana.?"

Umma ta kalli Abba fuska cike da hawaye ta ce.

"Dan Allah karka yanke hukunci ba tare da ka yi bincike ba."

Abba.

"Babu wani binciken da zanyi bayan gaskiya a bayyane take."

Suna cikin haka Manaheer ta fito bayan ta ji duk abin da Abba ya faɗa Umma ta share hawayen fuskan.

Manaheer ta yi kamar ba ta gani ba ta gaishe da Abba ya amsa yana tambayarta.

"Waye saurayin da na ganki a zaure ranar.?"

Umma ta shige bedroom Abba ya mai da hankalin shi kan Manaheer.

"Ni banda saurayi."

Abba.

"Koma kina da shi koma baki dashi na yanke hukunci kar in ƙara jin labarin kin fita ko nan da zaure ne."

Manaheer ta kaɗa kai ta na murmushi Abba ya ƙara da cewa.

"Na yi miki miji zai zo gobe idan Allah ya kaimu."

Manaheer ta ce.

"Ba damuwa Abba in sha Allah zan ka sance mai yi maka biyayya."

"Kuma dan Allah kaya haquri ɓacin ran da na saka."

Abba ya kalli Manaheer fuska ɗauke da mamaki shi dai ya san wace ce ita kuma ya ga ta yi saurin amsawa babu damuwa a fuskanta.

Abba ya washe baki ya ce.

"Ubangiji ya yi miki albarka dan Allah karki ɗauki zugan mahaifiyar ki dan na ga alamar ba ta son wannan lamarin."

Manaheer.

"In sha Allah ba zan ɗauka ba na gode Allah yaƙara girma."

Abba ya fita yana murmushi Manaheer ta yi dariya ta ce.

"Hmmmmm."

Umma tsaye a bayan ta bata lura ba Shukrah ta shigo ta samu guri ta zauna Umma ta kalli Manaheer ta ce.

"Mai ki ke ƙullawa.?"

Manaheer.

"Ba bu abin da nake ƙullawa."

Umma ta bar zancen ba dan ta yarda ba Darraini ta shigo Auta na bin bayanta Umma ta zaunar da su ta faɗa musu hukuncin da Abba ya yanke.

Hankalin Shukrah ya ta shi ta kalli Manaheer ta ce.

"Saboda baki da hankali shi ne za ki amince."

Manaheer.

"To ya kuke son in yi dan Allah kuna ganin dai abin da ya faru dani."

Darraini.

"Amman duk da hakan bai dace ki yankewa kanki wannan hukuncin ba."

Kafin Manaheer ta ba da amsa su ka ji an ce.

"To manya manyan munafukai zugata ku keyi ta bijire ma umarni na.?"

Kafin Abba ya rufe baki duk sun shige bedroom Auta da ya rasa hanyar da zai bi ya shige bedroom ya fashe da kuka yana maƙalewa a jikin Umma.

Abba ya kalli Umma ya ce.

"Wallahi kin ji kunya."

"Kalli yanda kika sa ƴaƴan cikina ke gudu na kamar sun ga dodo."

"Abba ya kalli Auta ya ce.

"Shi kuma wannan saboda munafurci kuka yake yi kamar wanda ake yagar naman jikin shi"

"Kuma duk saboda na zo gurin.?"

Manaheer ce kaɗai bata gudu ba ta na tsaye tana ƙunshe dariya.

Sai da ya gama fadan shi sannan ya kalli Umma ya ce.

"Yau zan tafi Jos a can zan kwana saboda raɗin suna kishirya Auta mu tafi tare da shi tunda ku ba za ku samu zuwa ba."