Rayuwarmu Book One Complete Hausa Novel

Ta samu Aliyu zaune a saman darduman da suke cin abinci ya na haɗawa Shukrah tea

Amina ta aje plate ɗin ta ɗau cup ta na haɗa wa Aliyu nashi.

Shukrah abinci bai dame ta ba domin ko school bata zuwa da abinci sai dai drinks da biscuits.

Bayan sun gama breakfast Aliyu ya tafi kai yara school Amina ta ƙara gyara gurin ta yi wanke wanke.

Ta shiga toilet ɗin yara ta wanke ta fita ta koma bedroom.

Ta zauna zaman make-up ta yi kyau sosai ta samu kaya riga da wando tasa Amina akwai diri ga idanu dara dara masha allah.

Bayan ta gama ta ƙara gyara bedroom ɗin har toilet sai da ta ƙara gyarawa ta ɗau rigan da Aliyu ya cire ta haɗa da na ta tayi waje.

Bedroom ɗin su  Shukrah ta shiga tasa musu turare ta shiga toilet ta ɗauko bucket ta kwaso kayan da suka cire ta haɗa da na hannunta ta fito dasu.

Ta za gaya ta baya inda igiyar shanya yake ta aje wankin ta fita ta koma toilet ɗin su Shukrah ta ɗauko sabulun wanki da omo ta fito.

Ta zo ta fara wankin bata daɗe ba ta gama saboda kayan babu datti a jiki ta shanya ta wanke buckets ɗin da tai wanki ta koma ciki.

Ta aje su a inda ta ɗauko su ta ɗau wayarta ta koma parlour ta zauna.

Ta na chart ta ji sallamar Aliyu kallo ɗaƴa ta yi mishi ta ɗauke idon ta bayan ta amsa sallamar.

Aliyu da sauri ya shigo ya zauna kusa da ita ya ce.

" Haba madam irin wannan kwalliyar haka ko kin manta yau monday ina da ayyuka da yawa?"

Amina ta juya ido ta ce.

"Allah ya kiyaye hanya ranka ya ɗaɗe mijin Amina"

Aliyu ya ce.

"Ai yau babu inda zani madam"

Amina tayi dariya bata ce komai ba.

Aliyu ya ce.

"Daman shekarun Darraini 4 ta na buƙatar ƙani ko ƙanwa"

"Ai na gama haihuwa yanzu domin Darraini ita ce auta na" cewar Amina

Aliyu ya ce.

" Za kiga auta"

Suna cikin haka su ka ji sallamar almajirin su mai suna Sani.

Amina ta sa hijjab ɗin dake kusa da ita Aliyu ya bashi izinin shigowa.

Sani ya shigo ya tsaya daga bakin ƙofa ya duƙa ya gaishe da Aliyu sannan ya gaida Amina ya tashi ya fita.

Amina ta tashi ta shiga kitchen domin ta ɗauko ma Sani abinci tana tashi Aliyu ya bi bayan ta.

Ta shiga kitchen ta ɗauko kulan da take zuba mishi abinci haɗa tea a cup ɗin shi tazo fitowa taci karo da Aliyu tsaye a bakin ƙofa yana kallon ta.

Amina ta ɓata fuska ta ce.

" Abban Shukrah zan wuce"

Aliyu bai ce komai ba ya bata hanya tazo wuce wa ya riƙo ta ya na cewa

"Haba madam laifin mai nayi ake share ni?"

Amina ta ɓata fuska Aliyu ya ce.

"Na tina abinda ya faru ya karɓi kayan hannunta ya fita dashi.

Ya samu Sani yana shara ya bashi abincin ya ce.

"Idan ka gama aikin kaje ka dawo"

Bai jira amsar Sani ba ya koma ciki.

Yana shiga parlour yaga Amina zaune a saman kujera ya zauna kusa da ita yana cewa tazo suje ya nuna mata wani abu

Amina tayi shiru taƙi magana

Aliyu bai ƙara cewa komai ba ya ɗauke ta yana dariya ya nufi bedroom ɗin su.

Bari mu leƙa gidan Baffa mu dawo

Ta Batulu ce 🥰 ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

   (Ta Batulu)

Page 17-18

Isma'eel zaune a ƙofar ɗakin Inna suna fira da ita Rabi'a ta na wanke wanke a ƙofar ɗakin Mama.

Amina ta shigo idonta jajir fuska ta kumbura babu sallama bata ce musu komai ba ta shiga ɗakin Inna.

Isma'eel ya ce.

"Zanga lokacin da yarinyar nan za tayi hankali wallahi ana girma ana ƙara hankali amman ita ƙara hau kacewa ta keyi"

"Dan allah ka rufa mun baki ban san dogon zance baka ga yanda ta shigo a furgice ba" cewar Inna ta na hararan shi.

Isma'eel ya ce.

"Allah yasa ba wani haukan tayi wa mijin ba ya zane ta"

Inna ta yi banza dashi ta shiga ɗakin ta samu Amina kwance a saman kujera tana kuka Inna ta riƙo Amina ta ce.

"Dan allah ki natsu ki faɗa mun abinda yake faruwa"

Amina ta yi banza da Inna ta ci gaba da kukan ta.

Inna ta yi ta yi ta faɗa mata abinda yake faruwa amman Amina ko kallonta ba ta yi ba ballatana tasa ran zata gaya mata abinda ke faruwa.

Inna ta tashi ta yi waje ta nufi ɗakin Baffa ta shiga ko sallama babu ta bankaɗe labulen ta faɗa.

Baffa yana zaune a saman darduma yana jan carbih Inna ta shigo ta fara bashi labarin abinda ke faruwa har tayi ta gama Baffa bai ɗaga kai ya kalleta ba.

Inna tasa kuka ta na cewa "Saboda ita ba yarinyar so bane shiyasa kacyi banza dani"

"Wallahi kacji tsoron allah ka daina nuna bam bamci a kan iyalan ka" cewar Inna

Har tacyi ta gama bai kalleta ba tasa kai ta fita.

Bayan ta fita Baffa ya yaje ya tsaya a bakin ƙofa ya hango Rabi'a ta na kwashe wanke wanke Isma'eel yana zaune a inda yake tun ɗazun bai motsa ba.

Baffa ya kira Rabi'a ya ce.

"Jeki kira mun Mamanki sannan kice ma Amina tazo"

Baffa ya kira Isma'eel sannan ya koma ciki.

Isma'eel ya tashi yabi bayan Baffa.

Baffa ya miƙa ma Isma'eel ƙaramar wayar da Aliyu ya siya mai ya ce.

"Kira mun Aliyu ko Nasser ka bani wayar"

Isma'eel ya kira Aliyu ta na ta ringing bai ɗauka ba ya kira Nasser ringing ɗaya ya ɗauka Baffa ya karɓi wayar bai tsaya amsa gaisuwar da Nasser yake ba ya ce.

 "Kazo gida ka sameni yanzu"

Nasser ya ce.

"Gani nan zuwa"

Isma'eel ya amshi wayar ya kashe Mama ta yi sallama ta shigo.

Baffa ya samu guri ya zauna Mama ta zauna kusa dashi

Baffa ya kalli Isma'eel ya ce. "Ka gayawa tsohuwarka ita nake jira"

Isma'eel ya fita yana murmushi ɗakin Inna ya shiga ya same su zaune ta sa Amina a gaba tana kallo ita kuma Amina ta na ta kuka.

Isma'eel ya kalli Inna ya ce.  "Baffa ya na jiranku keda wannan mara kunyar"

Ya na faɗin haka ya yi waje da gudu.

Inna ta ce.

"Daka sani ka tsaya kaga abinda zanyi maka ƙaramun mara kunya kawai"

Inna ta na ta lalaɓa Amina akan ta tashi suje kiran da Baffa yake musu.

Daman tun ɗazun take lalaɓa ta amman taki motsawa Nasser ya yi sallama ya shigo ya tsaya daga bakin ƙofa.

Inna ta amsa sallamar ya gaishe da Inna bayan ta amsa.

Ya kalli Amina ya ce.

"Waye sa'an wasan ki a gidan nan da za ki shanya mutane zaman jiranki?"

Amina ta duƙar da kai ƙasa.

Inna tayi karaf ta ce

 "Bacci ne ya ɗauke ta yanzu ta farka"

Nasser bai kara magana ba ya fita Amina ta tura baki ta bi bayan shi Inna tabi ta a baya.

Amina ta yi sallama ta shiga ɗakin ta gaishe da Baffa ta gaida Mama ta samu guri ta zauna Baffa ya kalli Amina ya ce.

"Maike faruwa kika zo kina kuka kuma an tambayeki kinƙi magana"

Amina ta duƙar da kai ta na hawaye ta ce.

"Daman cewa ya yi inzo gida sai ya nemeni"

Baffa ya kalli Nasser ya ce. "Kira shi muji gaskiyar zance"

Nasser ya miƙawa Amina wayarshi ya ce.

"Samun number shi"

Amina taƙi karɓan wayar Baffa ya daka mata tsawa ya ce.

"Idan ki kai wasa yanzunan zansa ya zaneki"

Jin haka hannu na rawa ta amshi wayar ta sa number Nasser ya karɓa ya buɗe kiran gaba ɗaya sannan ya kira ringing ɗaya a ka ɗauka da sallama.

Suka gaisa da Nasser tun kafin Naseer ya yi magana ya riga shi

"Amina ta zo gida" cewar Sager

Nasser ya yi banza dashi Sager bai damu ba ya cigaba da magana.

"Amina bata da mutunci ga rashin kunya rainuwa idan na yi mata abu sannan duk kyautatawar da zanyi mata babu godiya a tsakanin mu sannan ta raina mahaifiyata ban isa in sa ta ko in hanata ba"

"Duk abinda nayi mata ban iya ba ga hangen rayuwar wasu hatta mahaifiyata gaya mata magana ta ke yi"

Dan allah kaya haƙuri a barta a gida ta kwana biyu ko za ta sanja hali amman gaskiyar magana wallahi na ga ji da ita.

Cewar Sager da baiyi tunanin Baffa na gurin ba shi a lissafin shi Nasser ne kawai ya kira shi ya ji dalilin turo ƙanwarshi da ya yi gida.

Nasser zaicyi magana Baffa ya karɓi wayar ya ce.

"Idan babu damuwa ina san ganinka zuwa anjima"

Cike da kunya Sager ya amsa cewar in sha allah zanyi ƙoƙarin zuwa

Bayan sun gama magana ya kalli Inna da ke tsaye a bakin ƙofa ya ce

"Za ki iya shigowa muyi magana?"

Inna ta shigo Baffa ya kalli Nasser da Amina tun kafin ya yi magana suka fita saboda sun fahimci zancen Baffa.

Bayan fitan su Baffa ya kalli Inna ya ce.

"Hanakalin ki ya kwanta kin ɓata mun tarbiyan yarinya da fatan za kiyi farin ciki da hakan?"

"Daga faɗar magana za ka hau ka zauna babu bincike ita yarinyar mana a tambayeta aji ta bakin ta" cewar Inna

Baffa ya kalli Inna ya ce.

"Duk abinda ya faɗa ba ki ji bane?"

"Wallahi kinji na rantse duk abinda ya faɗa ta aikata shi saboda a cikin ƴaƴana na san halin kowa na san abinda in a kace sun aikata zan yarda amman saboda ƙin gaskiya irin naki kince sharri a kai mata" cewar Baffa

Inna ta fara hawaye Baffa ya ce.

"Adana hawayenki domin lokacin zuban su baiyi ba"

Fitan mun a ɗaki zan zo in sameki Inna ta fita ta na kuka.