Rayuwarmu Book One Complete Hausa Novel

Manaheer ta ɗaure fuska matashi mai suna Auwal ya na ta surutu amman ta ƙi kulashi sai can da ta gaji da tsayuwa ta ce.

"Sai anjima."

Ba ta jira cewar shi ba ta shige gida Umma ta kalle ta ba ta ce komai ba Manaheer ta shige bedroom ta ɗauko jakan Umma wanda take aje magungunar gargajiya Manaheer ta kwashi guda biyu ta fita.

Umma na zaune Manaheer ta zo ta wuce ɗakin Mama ta nufa daman lokacin da ta ke zaure ta ga wucewar Mimah.

Manaheer ta shiga ɗakin a hankali Mama an saki baki da hanci a na bacci ta lalaɓa ta ɗau jakar Umma ta fita.

Manaheer toilet ta shiga ta kwaso kayan da ke cikin jakar ta ga magani ƙulli biyu a baƙin leda ta kwaso ta sanja da wanda ta kwaso a ɗakin Umma.

Ta lalaɓa ta mayar da jakan ta aje ta fita buta ta ɗauka ta shiga toilet ta zazzage maganin ta kora da ruwa.

Sai da ta tabbatar da maganin ya bi ruwa sannan ta fita ledojin kuma ta zuba a toilet.

Manaheer ɗaki ta shiga ta ɗau wayar Umma ta yi wa Abba plsh da ga nan ta zauna kusa da Umma.

Kiran sallahr magrib ya ta da su a gurin bayan sun idar su ka yi azkar Umma ba ta wasa da ibada haka ma yaranta.

Umma har Auta sai da ta koya mishi azkar saboda halin rayuwa.

Bayan sun yi sallahr isha'i Umma ta ƙara musu karatu daga nan su ka ci abinci banda Umma da ke ta lazumi bayan ta idar ta kalli Manaheer ta ce.

"Zu bo mun abincin amman ba mai sugar ba."

Manaheer ta yi dariya ta ce.

"An gama firs lady a gidan Abbanmu."

Umma sai da ta yi dariya Darraini ma haka Shukrah ta harareta Manaheer ta yi mata gwallo.

Manaheer ta zuba wa Umma ta ɗauko robar yaji ta aje Umma ta na ci ta na yaba musu Manaheer ta sa hannu ta ɗau guda ɗaya ta ce.

"Bari in ɗanɗana in ji ko ta yi daɗi."

Mama ta yi sallama hannunta ɗauke da flsak ɗin abinci

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

  Jagaban Jajirtattu

      (Ta Batulu)

Ma rasu lafiya na gida kona Hospital ubangiji ka basu lafiya ciwo ba daɗi 😓.

Page 57~58

Umma ta amsa sallamar ta shigo ta na washe baki ta ce.

"Umman Shukrah barka da dare."

Umma.

"Yauwa sannu da aiki."

Umma ta karɓi flask ɗin Mama ta tsaya ta na jan Umma da fira Manaheer ganin haka ta kalli Auta ta ce.

"Dan Allah ɗauko mun cup a kitchen."

Auta ya ɓata rai Shukrah ta ce.

"Ki duba cikin bedroom ki ɗauka."

Manaheer.

"Na fa duba ne banganiba dan Allah Auta ka ɗauko mun."

Auta ya tashi ya zo zai fita Mama ta yi murmushi ta ɗaura hannunta a saman kanshi ta ce.

"Zanga lokacin da za ka girma."

Auta ya fita Umma ta ce.

"Shi Auta ko da ya girma Auta ne."

Mama.

"Daga lokacin da ki kai mishi ƙanwa ya tashi a matsayin Auta."

Umma.

"Uhmmmm."

Daga haka Mama ta fita Shukrah ta yi ajiyar zuciya Umma ta kalleta.

"Lafiya ki ke?."

Shukrah.

"Lafiya ƙalau."

Wayar Umma ta yi ringing daman ta na hannun Manaheer Umma ta karɓa Abba ne ya ke kira.

Umma ta ɗaga su ka gaisa daga nan ta ba yaran bayan sun gama gaisawa su ka miƙawa Umma wayar.

Umma ta karɓa bayan ta gama sauraron shi ya yi musu sai da safe ya kashe wayar.

Darraini ta buɗe plask ɗin da Mama ta kawo shinkafa ne jallop na manja ta mayar ta rufe ta yi alwala ta sa Auta shima ya yi alwala ta shige ta barsu suna fira.

Shukrah sai da ta tabbatar da Umma ta yi bacci ta kalli Manaheer kallo mai cike da tuhuma domin ta san aiken da ta yiwa Auta ba haka kawai ba kuma ta ga lokacin da Mama ta dafa kanshi.

Manaheer.

"Ni kam naga ta kaina."

Darraini da ba ta san abin da ke faruwa ba ta kalleta Manaheer ta fuske kamar ba ita ta yi maganar ba.

Shukrah ta tashi tayi alwala ta shige bedroom Darraini ma haka Manaheer ta tashi ta kulle ƙofa ta shige bedroom ta kwanta.

Ƙarfe ukun dare Umma da Manaheer su ka tashi su kayi alwala su ka hau darduma bayan sun idar da sallah su ka ɗauki Qur'an bayan sun gama karatun Manaheer ta ɗau charbi Umma ta ɗaga hannu sama ta na Addu'a.

"Allahumma Inniy Ad'uka Bi'ismikal Wa'hidul A'azzu wa Ad'uka Allahumma Bi'ismika Assamadu wa Ad'uka Bi'ismikal Azimil watari wa'ad'uka Bi'ismikal Kabiri Al'muta'ali Allazi sabata bihi Arka'ina ka kullaha. An takshifa Anniy ma' Asbahtu wa amsaitu fihi."

Ja'afaru Assadiƙu ya ruwaito daga magabatansa daga Annabi Muhammad (s.a.w) cewa, lokacin da yahudawa suka haɗu a kan kashe Annabi Isa Alaihissalam sai Jibril Alaihissalam ya zo masa ya lulluɓe shi da fukafukinsa sai Annabi Isa ya ga an rubuta a cikin fukafukin Aminul Wahayi.

Sai Annabi Isa (AS) ya faɗi haka sai Allah (SWT) ya yi wahayi izuwa Jibrilu Alaihissalam ce wa,

Ɗauko min bawana zuwa wajena."

Sannan Manzon Allah (S.A.W) ya ce

Ya ƴaƴan Abdulmuɗallib, ku roƙi ubangijinku da wanɗannan kalmomin, na rantse da wanda raina yake hannunsa, bawa ba zai yi addu'a da wanɗannan ba, don kuɓuta a cikinsa face Al'arshi ya girgiza ko kuma ubangiji ya ce da mala'iku ku shaida, haƙika na amsa masa waɗannan kuma na ba shi roƙon sa take a cikin duniyarsa da kuma nan gaba a lahirarsa."

      Sannan ya ce da sahabbansa ku roƙa da ita, ba za a yi jinkirin amsawa ba.

Umma ta shafa ta ɗau charbi ba su tashi a gurin ba har sai da su ka yi sallar asuba daga nan su ka ɗaura da azkar.

Su ka ɗauko littafai Umma ta ƙara musu daga nan Umma ta ɗauko raguwan zam-zam ta juye a cup ta yi addu'o'i ta ƙara da ruwa ta ba su kowannen su sai da ya sha daga nan su ka fara aikin gida.

Wannan masar mai haɗi su ka yi breakfast da shi da ruwan lipton Umma ta ba Manaheer key ta gyara ɗakin Abba.

Shukrah ta yi wanka ta shirya Darraini ma haka Auta Umma ta yi mishi wankan bayan ta daga toilet su ka shirya tsaff Shukrah ta kunna turaren wuta.

Umma ta ta ji Manaheer shiru ta ce.

"Auta je ka duba mun kaga lafiya."

Auta ya fita ya shiga ɗakin Abba Manaheer na kwance ta na bacci a saman kujera kamar zai tashe ta ya fasa ya zo gurin Umma ya na dariya ya ce.

"Ta na can ta sa ki baki ta na bacci."

Umma ta yi dariya Shukrah ta ce.

"Yarinya kamar wata kasa."

Umma ta ce.

"Ai ma ta yi ƙoƙari."

Daga haka Umma fita ɗakin Abba ta je ta buɗe drawer kamar yanda ya faɗa mata jiya a waya kuɗi ta ɗauka ta fito parlour ta gyarawa Manaheer kwanciya ta fita.

Umma ta ake su cefane Auta ya bisu daga nan ta koma ɗakin Abba ta kwaso doya ta fito ta yi shimfiɗa ta fara gyara doyan.

Bayan ta gama gyarawa daman da raguwar gawayin jiya ta kunna wuta ta ɗaura ta gyara gurin da ta yi aiki ta koma ɗaki.

Umma ta na shiga wayarta ta yi ringing Abba ne yake kira.

     Ta ɗaga su ka gaisa daga nan ya gaya mata a ɗaura girki da wuri bashi kaɗai bane Umma ta yi murmushi daga nan ya tambayeta yara ta ce.

"Na aike su kasuwa cefane."

Abba ya ce.

"Yanzu fisabilillahi yaran ne ki ka tura mun kasuwa?."

     Umma ta yi shiru can Abba ya ce.

"Har da Manaheer ki ka tura kasuwar.?"

Umma.

"A'a ta na ɗakin ka ta na bacci."

    Abba cike da rashin yarda ya ce tashe ta muyi magana."

Umma ta yi dariya domin ta gane nufin shi ɗakin Abba ta shiga ta tayar da Manaheer ta miƙa mata wayar ta fita.

       Manaheer ta yi sallama Abba ya amsa ta gaishe daga nan ya ce.

"Kaiwa Umman ku wayar."

    Manaheer ta kaiwa Umma wayar ta dawo ɗakin ta na cikin gyarawa Mama ta shigo Manaheer ta tsaya ta na kallonta.

Mama ta ce.

"Daman abu zan ɗauka munyi magana da Alhaji."

Manaheer ta yi dariya ta ce.

  "Alhaji ya ce kar a bar kowa ya shigar mishi ɗaki."

Mama ta ɗaure fuska Manaheer ta ce.

"Ni ma shi ya bada umarnin in zo in gyara mishi ɗaki."

Mama ta tashi za ta shige bedroom ɗin Abba Manaheer ta tare.

"Dan Allah Mama karki jamun matsala a gurin Abba."

Mama.

"Sai fa na shiga ɗakin nan saboda ɗakin mijina ne kuma ko uwarki ba ta isa ta hanani ba."

Manaheer ta yi dariya ta ce.

"Wallahi tunda ki ka ce haka ba za ki shiga ba."

"Idan kuma kin dage to bismillah ga hanya amman wallahi kina shiga zan rufe da key har sai Abba ya dawo."

Mama ta san Manaheer za ta aika ta fita ta na masifa ta na zaginta Manaheer ba ta ce komai ta gama gyaran ta ɗauko air freshener a bedroom ɗin Abba ta sa ta ɗauko turaren wuta daga nan ta rufe ƙofar ta fita.

Ta samu Mama a tsaye a bakin ƙofar ɗakin su ta na ta zage-zage wai Umma ta na sa Manaheer na mata rashin kunya Umma na zaune a saman kujera ta na danna waya.

Manaheer ta zo wucewa ta gefen Mama ta yi magana yanda Umma ba za taji ba ta ce.

  "Garin kwashe kwashen Abba ya ɗibo mana dangin yarbawa."

Mama ta fashe da kuka Manaheer ta waske ta shiga kitchen Umma ta kalli Mama cike da mamakin yanda ba ta gajiya da masifa ta ce.

"Dan Allah kiya haƙuri zanyi mata magana in sha Allah hakan ba zai sake faruwa ba."

   "Kuma karki ga laifin Manaheer Abba Shukrah ya ce kar a ba kowa keys ɗin ɗakin shi."