Rayuwarmu Book One Complete Hausa Novel

"Ba dai alhaji Ibrahim chanji ba, wanda na ke jin sunan shi a gidan television.?"

Mujaheed ya ce.

"Mahaifina ne."

Abba ya ta shi ya shiga ciki ruwa ya ɗauko a fridge ɗin Umma faro ya ɗauko mai sanyi ya haɗo da cup ya fito, Manaheer ta bishi da kallon mamaki Mama ta ce.

"Lallai wannan baƙon ya na da muhimmanci."

Abba ya aje ruwan Mujaheed ya yi godiya, bayan ya sha ruwan ya kalli Abba ya ce.

"Dan Allah ka ba ni auren Manaheer, idan ba ka yi mata miji ba."

Abba ya ce.

"Ban yi mata miji ba, amman ina son ka bani ɗan lokaci zan neme ka."

Mujaheed ya yi godiya ya kawo kuɗi ya bawa Abba da ƙyar ya amsa, bayan Mujaheed ya tafi Abba ya shiga gida.

Ya na shiga Mama ta fara tambayar shi Abba ya miƙawa Manaheer wayar ya ce.

"Jeki sa wayar a charge."

Manaheer ta amsa fuska cike da murmushi Abba ya kalli Umma da Mama ya ce.

"Kun san alhaji Ibrahim chanji.?"

Mama ta ce.

"Ina jin labarin shi a gari."

Umma ta ce.

"Ni dai ban san shiba."

Abba ya ce.

"Shine ya kawo wannan wayar a bawa Manaheer."

Mama ta ce.

"Uhmmmm mutumin da ba a ganin shi kwatakwata, saboda shiɗin ba mazauni ba ne shida iyalanshi."

Abba ya ce.

"To yau gashi a ƙofar gidan Aliyu ya zo neman aure."

Mama ta yi dariya ta ce.

"Ko dai mai gadin shi ne ya yi maka basaja."

Abba ya yi banza da ita Mama ta kwashe da dariya ta shige ɗaki.

Abba ya faɗawa Umma yanda suka yi da Mujaheed, Abba ya ce.

"Dalilin da yasa na ce zan neme shi, zamu yi magana da sauran ina tunanin gwara a haɗa bikin guri ɗaya, Daraini ma saurayin ta a shirye yake gwara ayi lokaci ɗaya a wuce gurin.

Umma ta yi fatan alkhairi Manaheer bayan shigarta ɗaki ta jona charge Auta ya na zaune yana karatu, burin Umma ya fara cika ta mayar da Auta school.

Daraini na kwance a two seater ta na waya Manaheer ta ɗau wayar Umma ta kira Shukrah, ya na fara ringi a ka yanke.

Shukrah ta kira Manaheer ta ɗaga wayar ta ce.

"Allah ya taimaki Aunty amarya."

Shukrah ta yi dariya ta ce.

"Allah ya shirya ki."

Manaheer ta ce.

"Dan Allah kin yi kewata kamar yanda na yi kewarki.?"

Shukrah ta ce.

"Ina zan yi kewarki bayan tun da kuka kawoni baku dawo ba."

Manaheer ta ce.

"Wallahi Umma ta ha na."

Sun jima suna fira a nan Manaheer ta ke ba ta labarin saurayin Daraini Shukrah, ta yi murna sosai kuma ta ji daɗi Auta ya amsa wayar suka gaisa daga nan, suka yi sallama.

Umma ta shigo ɗakin sun ɗan taɓa fira kafin su kwanta, Umma darduma ta shimfiɗa ita da Manaheer suka yi nafila kafin su kwanta.

Washe gari Abba ya tafi Saminaka da rana Mama ta yi girki, bayan ta gama ta shiga ɗaki ta na shiga ta ga baƙin leda a tsakar ɗakinta.

Mama ta ji tsoro amman da ta tuna yau kwana 7 da zuwa gurin boka ta ɗau maganin ta ɓoye.

Bayan ta raba abinci ta miƙawa Umma ta rufe ɗakinta ta fita.

Mama bata dawo gida ba sai da ta samo ruwan rijiya, 4 bayan ta dawo ta haɗa maganin kamar yanda ya ce ta yi, daman ta siyo ƙwarya tun a hanyar ta na dawowa gurin boka.

Mama ta ɗau wayarta ta kira Mimah ta na jin an ɗaga ta fashe da kuka ta yanke wayar, Mimah ta yi ta kiran wayar amman an ƙi ɗagawa, daga baya ma da ta kira wayar a kashe ta ji.

Mimah ta nufo gida hankali a tashe.

Bari mu leƙe in da Mimah ke kwana.

Ta Batulu ce ✍️

Like and share

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

Jagaban Jajirtattu

   (Ta Batulu)

Page 89~90

Mimah saurayinta ɗan shila ya kama mata ɗaki, babu irin hidimar da ba ya yi mata amman har yanzu Mimah ta hana shi kanta.

Addu'ar iyaye na da matuƙar tasiri a gurin ƴaƴan su, Abba ya na tsaye da addu'o'i a kan ƴaƴan shi musamman Mimah da ba ta yi sa'ar uwa ba.

Lokacin da Abba ya dawo hayyacin shi ya ga irin rayuwar da Mimah ta ke yi hankalin shi ya ta shi, kuma ya san ya na da laifi a lalacewar rayuwar ta.

Abba ya samu limamin da ke jan sallah a unguwar su ya faɗa mishi abin da yake faruwa, limamin ya yi wa Abba nasiha mai tarin yawa, sannan kuma ya faɗa mishi hakkin ƴaƴa a kan iyayensu, tun daga tasowar su har zuwa gidan auren su.

Abba sai da ya yi hawaye saboda irin sakacin da ya yi.

Tun daga ranar Abba yasa a din ga yiwa Mimah addu'o'i da saukar ƙur'ani, shima kuma ya dage ba dare ba rana sannan ya na yawan bayar da sadaka.

Wannan dalilin yasa ɗan shila bai yi nasara a kan ta ba, ga shi dai ta sakar mishi da jikin ta babu abin da ba sa yi amman ta hana shi kan ta.

Dan Allah iyaye mukula da yiwa ƴaƴan mu addu'o'i,

Mimah ta shigo gida hankali tashe ta na zuwa ta samu Mama zaune ƙafa ɗaya kan ɗaya, Mimah ganin haka ta juya za ta fita Mama ta ce.

"Wallahi kina ƙara taku ɗaya ban yafe miki ba."

Mimah ta tsaya cak Mama ta fashe da kuka, Mimah ta saki baki tana kallon ta domin ita ba ta ga abin kuka ba.

Mama kuka take yi tun daga zuciyarta domin abin ya fara isarta, Mimah ta nemi gurin zama ta zauna.

Mama ta gama kukan ta ɗauko wannan ƙwaryan ta miƙa mata.

Mama ta ce.

"Maganin tsari na karɓo miki."

Mimah ta ce.

"Gaskiya ba zan sha."

Mama da ƙyar ta lalaɓa Mimah ta sha maganin bayan ta sha Mama ta zuba mata abinci, ta na gama ci ta fara wani irin amai baƙin ruwa kawai ke fitowa ta hanci da baki.

Mimah ta yi 5 minutes ta na fitar da wannan ruwan kafin ya dakata, Mama ta taimaka mata ta yi wanka ta kwanta ba ta jima da kwanciya ba ta yi bacci.

Da la'asar Abba ya dawo gida lokacin Mimah na zaune a bakin ƙofar ɗakin su, Abba ya yi farin cikin ganinta.

Kwana biyu da faruwan haka Mimah ta natsu sosai Abba ya na amso mata rubutu, kuma ta na sha yanzu ko fita ba ta yi ta na zaune a gida abokin ɗan shila ya kira ta a waya yake ba ta labarin, ɗan shila da Sofy sun yi hatsaniya har ya soke ta a ciki, ta na gadon asibiti juyin duniya Mama ta ha na ta zuwa haka nan ta haƙura.

Shukrah mijinta ya ɗauketa sun bar ƙasan Abba ya bawa Abdulwahab da Mujaheed daman turo iyayensu a tsaida rana, Manaheer suna gaisawa da Mujaheed domin har charts suna yi.

An sa rana one month Daraini da Manaheer, a hankali Mujaheed ya siye zuciyar Manaheer.

Kuma har zuwa lokacin Mama bata yarda cewa yaron alhaji Ibrahim chanji ba ne.

Mama ta kai wa boka cikon kuɗin shi boka ya ce.

"Ta je ta kawo gashin kan Manaheer."

Mama ta dawo gida ta na tunanin in da zata samu gashin kan Manaheer, Mimah ta sa ki jiki cikin ƴan uwanta duk da cewa basu cika jituwa da Manaheer ba, amman kuma ta na zama cikin su a yi fira.

Manaheer na tsifa ta kalli Daraini ta ce.

"Dan Allah ki taimaki ƙanwarki."

Daraini ta yi banza da ita Mimah ta ce.

"Idan mutum na son a taya shi tsifa ya ce mun Anty, Manaheer ta harare ta."

Zuwa can da ta ji wuya ta ce.

"Dan Allah Anty Mimah ki taimaka mun."

Hatta Umma dake fitowa daga ɗaki sai da ta yi dariya, Daraini ta ce.

"Kowa ya tuba dan wuya ba lada."

Umma ta ce.

"Kin ji Mimah karki ta ya ta."

Manaheer ta marairace fuska Mimah ta ce.

"Bari in ɗauko abin ta je gashi."

Mimah ta shiga ɗaki ta ɗauko cum na ta ce gashi da abin tsifa, bayan ta fito Manaheer ta kalli hannun Mimah ta ce.

"Wannan gashin fa."

Mimah ta ce.

"Ina tunanin Mama ta yi tsifa ta manta da shi."

Manaheer ta miƙa mata na hannunta ta ce.

"Yi mun da wannan."

Mimah ta aje cum ɗin da ta ɗauko a jikinta a na cikin tsifan a ka tsiyace da Mimah da Manaheer.

Manaheer na ta faɗa wai Mimah na jan mata gashi saboda mugunta.

Daraini ta ce.

"Wannan ya na daga cikin dalilin da yasa ba na taya ki tsifa."

Mimah ta mayar da cum ɗin ta aje ta fita Mama ta fito daga bedroom, ta leƙa waje ta ga Manaheer na tsifa.

Ta kalli Mimah ta ce.

"Da zaman da kike yi dama kin taya ta."

Daraini ta yi dariya ta ce.

"Ai yanzu Mimah ta mayar da cum ɗin ɗaki, kin san Manaheer ba a mata abin arziki."

Mama jin haka ta shige ɗaki daman da safe ne kuma ba girkin ta ba ne.

Mama cum ta ɗauka ta nufi hanyar Zaria boka ya yi dariya ya ce.

"Aikin ki zai kammala nan da kwana biyu, kamar dai wancan lokacin za ki ga saƙo a ɗakinki, idan kika ɗauki saƙon ki aje a in da zata wuce da zaran ta tsallaka abin zai ɓace da kanshi, daga nan aikin ki ya kammala boka ya fashe da dariya Mama ta yi godiya ta tafi.

Kwana ɗaya da faruwan hakan Aunty Fatima ta yi waya a tura mata amare ta fara musu gyaran jiki, daman sana'ar da take yi ne harda shago mijinta ya buɗe mata.

Umma ta ce.

"Zan yi magana da Abban Shukrah, duk yanda muka yi zan faɗa miki."

Suka yi sallama da Aunty Fatima bayan kwana ɗaya, Mimah na share parlour ta tsinci laya a tsakar ɗaki.