Rayuwarmu Book One Complete Hausa Novel

Shukrah ta duƙa har ƙasa ta na godiya Abba ya na ta washe baki ya ga kuɗi.

Shukrah ta shiga gida ta samu ƴan uwanta zaune a parlour ta aje ledar ta miƙa wa Umma kuɗin da uncle Nasser ya basu.

Umma ta yi godiya ta amsa ta aje Manaheer ta ɗau kuɗin ta na ƙirgawa Umma ta yi kamar bata ganta ba.

Abba ya shigo ya na washe baki Umma ta yi mishi barka da zuwa ya amsa ya na zaunawa a kusa da Shukrah.

Ya kalli Umma ya ce.

"Baƙi sun tafi sai fatan Allah ya sau kesu lafiya"

Ameen cewar Umma

Abba.

"Ni dai ban samu ko sisi ba gashi na ga kamar Nasser ya bama Shukrah kuɗi"

Umma ta kalli Manaheer ba tare da ta yi magana ba.

Manaheer ta turo baki ta miƙa mishi kuɗin hannunta bayan ta zare wasu daga ciki.

Abba ya karɓa yana washe baki ya ƙirga dubu ashirin cif.

Ya ɗau dubu biyar ya basu ya ce gashi nan su raba.

Manaheer ta miƙe ta shige bedroom Abba ya ce.

"Kyaji da baƙin halinki"

Umma ta karɓi kuɗin ta yi godiya.

Abba.

"Uhmmmm an samu raguwar kuɗin cefane?"

Umma za ta yi magana Shukrah ta riga ta.

"Aa ba a samu ba nima sai da kuɗina ya shiga ciki"

Abba ya yi murmushi ya ce.

"Allah ya yi miki albarka ubangiji ya baki miji na gari"

Ameen cewar Shukrah ta na shiga bedroom.

Abba.

"Uhmmmm ke baki samu ko sisi ba?"

Umma.

"A'a"

Abba.

"Allah sarki ai na ga Maryam a nan ta sauka na yi tinanin ko ta baki wani abu"

Umma cike da takaici take kallon Abba.

Ganin irin kallon da take mishi ya ce.

"Wannan ledar menene a ciki?"

Umma ta kalli Darraini da ke zaune ta ce.

"Kwashe ledojin nan ki kai ɗakin Abbanku"

Abba ya miƙe yana cewa.

"Allah ya baki haƙuri tambaya kawai na yi"

Har ya kusa fita ya dawo ya ce wa Umma.

"Zan koma kasuwa kisa yara su gyara mun ɗaki"

Bayan fitan Abba Shukrah ta fito Manaheer na bayanta suka zauna.

Darraini ta sauko ƙasa tana duba ledojin ta ga ko wanne da suna a jiki ta fitar ma da kowa nashi ta miƙa mai.

Duka ledojin kayan sawa ne a ciki sababbi da takalma a ledar Umma harda kayan Auta nashi duka sababbi ne da takalma ƙafa uku.

Umma ta zuba ma kayan ido kafin ta umarci kowa ya ɗauka ya aje a gurin kayan shi.

Umma ta ƙirga kuɗin da Nasser ya bata dubu talatin ta ɗauko wanda Maryam ta bata dubu ashirin.

Manaheer ta matso kusa da Umma ta ce.

"Umma na yi miki laifi amman kafin in gaya miki zan fara neman afuwarki"

Umma ta zuba mata ido ta na jiran ta ji abinda za ta ce.

"Manaheer Umma dan Annabi karki hukuntani"

Shukrah Darraini Umma suka zuba mata ido suna jiran ta faɗa musu abin da ta yi.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

Jagaban Jajirtattu

     (Ta Batulu)

Page 43~44

Shukrah ta yi murmushi domin har ta gano laifin da ta yi.

Manaheer ta ciro kuɗi ta miƙa wa Umma Shukrah ta karɓi kuɗin ta ƙirga dubu goma cif.

Shukrah ta kalli Manaheer ta ce.

"Kuɗin da uncle Nasser ya bayar kika rage?"

Manaheer ta duƙar da kai Darraini ta ce.

"Wallahi kin yi mun daidai kinga duka kuɗin da ya bamu dubu talatin kenan"

"Abba ya ƙwace dubu ashirin kin zare mana dubu goma"

Shukrah.

"Duka idan aka haɗa kuɗin ya ta shi dubu sittin"

Darraini.

"Amman ta ya ya ki ka fahimci Abba zai ƙwace kuɗin?"

Manaheer ta kasa cewa komai ta na jiran hukuncin Umma.

Shukrah ta kalli Umma Darraini ma haka Umma idonta na kan Manaheer tunda ta fito da kuɗin ita ma ta fahimci abin da ta aikata.

Umma ba ta ce komai ba ta mayar da hankalinta kan Auta ya na kwance a jikinta.

Shukrah ta shiga bedroom ta fito da kula mai ɗan girma ta aje gaban Umma ta ce.

"Ga raguwar miyan girki"

Umma ta kalli Darraini.

Darraini ta yi dariya ta ce.

"Ni ban ɓoye komai ba"

Sai da ta ba su dariya dukkansu har Auta dake kwance sai da ya yi dariya.

Umma ta kalli Manaheer ta ce.

"Gaskiyar magana banji daɗin abin da ki ka yi ba maiyasa ki ka aikata hakan?"

Manaheer.

"Umma ki ya haƙuri nasan ban kyauta ba amman dan Allah karki mayar ma Abba kuɗin nan"

Darraini.

"Uncle Nasser mu ya bawa kuɗi amman kina gani dai acikin dubu ashirin dubu biyar kawai ya bamu"

Shukrah.

"Kuma wallahi uncle ya bashi kuɗi amman ki duba kiga abin da ya bamu"

Manaheer.

"Umma dan Allah ki fahimce mu"

Umma.

"Tabbas kun yi kuskure kuma na yi muku uzri amman kar ku sake aikatawa"

Shukrah Umma ta kira sunanta duk suka waigo suka kalleta.

Umma.

"Kin bamu abinci ba miya ashe kin kwashe miyan kin ɓoye sannu da aiki"

Dukan su Umma ta basu dariya Manaheer ta ce.

"Umma wace sana'a zamu fara tunda kinga mun samu kuɗi?"

Shukrah.

"Kuɗin bai kai na siyan fridge ba mu fara sai da awara muga abinda Allah zai yi"

Umma.

"Gaskiya bana son sai da awara saboda zama gaban wuta za kuyi baƙi"

Manaheer.

"Umma neman halak da wuya.

Umma.

"Ku bani lokaci zan yi shawara in ga abin da ya dace"

Bayan sati ɗaya

        Umma ta fara sana'ar sai da turare kuma alhamdulellahi ta na samun ciniki sosai.

Darraini ta gama secondary school ta na zuwa islamiyya tare da Shukrah.

Mama ta kama sana'a ganin Umma na yi daman akwaita da ga sa.

Mimah kuma ta zama ƴar yawon celling birthday party da sauransu wani lokacin ita ke taimakawa uwar da abinda za suci.

Komawar Aunty Maryam da kwana biyu ta haiwu na miji yanzu haka Umma ta na shirye shiryen zuwa suna ita da yaranta.

Abba ne ya dawo gida akan mashin ɗin shi ya shigo zaure ya ga mace da namiji rungume da juna.

Mimah ba ta yi tunanin dawowar Abba a lokacin ba hankalinta ya ta shi ganin asirinta zai tonu ta saki saurayin ta yi waje da gudu saurayin ya take mata baya.

Da gudu Abba ya bisu amman sun ɓace ma ganin shi ya yi kwafa ya ce.

"Wallahi za ki dawo ki sameni koma wace ce acikin ku yau dubu ya cika"

Ya shiga gida ya na kiran matan shi kusan a tare suka fito suna kallon shi.

Abba hankali a tashe ya ce.

"Ina yara suke?"

Mama gabanta ya faɗi ta ce.

"Mimah ta na ɗaki ta na karatu"

Abba ya kalli Umma tun kafin ya tambayeta.

"Darraini da Shukrah su na ɗaki"

Tun kafin ta ƙarika ya taso a hassale ya ce.

"Manaheer ta na ina?"

Umma hankali kwance ta ce mishi.

"Na aiketa gidan hajiya Zulai ta kai mata turare"

Abba ya kasa magana zufa kawai yake yi daman girkin Mama ne Umma ta koma ɗaki.

Abba ya kalli Mama ya ce.

"Ɗauko mun darduma yau a tsakar gidan zanyi sallah"

Mama hankali tashe ta ɗauko darduman ta shimfiɗa ta aje mishi buta ta yi cikin ɗaki da sauri.

Ta na shiga ta ɗauko wayarta Mimah ta kira bata tsaya jiran abin da zata ce ba ta riga ta.

"Duk inda ki ke kiyi ma za ki dawo gida ta faɗa mata abin da ya faru"

Mimah ta ruɗe uwar ta kwantar mata da hankali ta ce.

"Yanzu kina Ina?"

Mimah.

"Gani a ƙofar gida zan shigo"

Mama.

"Karki kuskura ki shigo bari in janye hankalin shi ki kasance a shirye"

Mama ta yanke wayar ta fita Abba har ya kusa idar da alwala ta kalleshi ta ce.

"Alhaji ka yi mantuwa baka shiga toilet ba"

Abba ya kalleta hankalinshi a tashe ya ce.

"Bana son matsawa ko nan da chan so nake in ga mara kunyar da zata shigo mun gida"

Da dubara Mama ta janye hankalin shi ya na shiga toilet Umma ta na fitowa daga ɗaki.

Mama ko kallon Umma ba ta yi ba ta je zaure ta riƙo hannun Mimah suka shige ɗaki suna shiga Abba na fitowa daga toilet.

Umma ta yi murmushi Abba ya watsa mata harara.

Ya yi alwala ya tayar da sallah Umma ta zauna kusa dashi bayan ya idar da sallah ya shiga ɗakin shi ya ɗauko ƙaton dorina ya aje.

Ya kalli Umma ya ce.

"Lafiya kin zo kin tasa ni a gaba da kallo kamar mai ɗaukar photo?"

Umma.

"Daman maganar tafiya zanyi maka?"

Umma ta na rufe baki ya fara faɗa kamar ta cinna mishi huta.

Su na cikin haka Manaheer ta yi sallama ta shigo hannunta riƙe da na Auta Abba ya yi tsalle ya ɗau dorinar shi ya fara dukan ta dashi.

Umma hankali tashe ta nufi Abba Shukrah Darraini su kayo waje da gudu Abba ya ture Umma saura kaɗan ta faɗi Shukrah ta riƙo ta.

Manaheer na tsaye Abba na dukanta ko motsawa ta ƙiyi daga inda ta ke.

Mama ta fita daga ɗaki ta na bawa Abba haƙuri Abba ya yi banza da ita Darraini ta na kuka ta na cewa Manaheer ta gudu.

Manaheer jinta da ganinta ne suka ɗauke ta yanke jiki ta faɗi Abba duk ya farfasa mata jiki.

Abba ya ce.

"Gwara ace kin mutu da ki jawo mun abin kunya"

Umma ta fashe da kuka ta ce.

"Darraini Shukrah ku zo ku kama ta mu kaita ɗaki"

Suka kamata suka shiga da ita Mama ta na ta bawa Abba haƙuri.

"Ɗan yau ne ka haifesa baka haifi halinsa ba" cewar Mama.

A ɗakin Umma sun yayyafawa Manaheer ruwa amman bata farfaɗo ba hankali tashe Umma ta ce.

"Shukrah ɗauko mayafi mu kai ta hospital karta mutu"

Darraini ta fita ta samo mai napep suka kulle ɗakin suka nufi hospital.

Har su kaje hospital Umma na kuka su na zuwa a ka yi emergency da ita.