Rayuwarmu Book One Complete Hausa Novel

Umma bata san abin da Manaheer ta yi ba Mama ta yi ƙwafa ta ce.

   "Wallahi in dai ina raye sai zaman gidan nan ya gagareku."

Manaheer ta yi tari

Mama ta kalli Manaheer ta ce.

"Muzuba ni da ku acikin gidan nan."

Mama ta wuce ɗaki Manaheer ta zauna a bakin kitchen taƙi shiga ɗakin kar Umma ta yi mata faɗa.

Shukrah Darraini Auta su kayi sallama su ka shigo Manaheer ta kalle su ta ce.

"Ashe kun fita ne naji gidan shiru kamar gidan mutuwa."

Auta ya ce.

"Kin gama sakin baki da hanci kina bacci."

Dukkansu sai da suka yi dariya harda Umma da ke fitowa daga ɗaki Manaheer ta ɓata fuska.

"Wallahi Auta karka bari in kama ka."

Umma ba ta bi takan ta ba tunda ta fahimci abokin faɗa take nema cefanen ta karɓa suka fara gyarawa Manaheer ta shiga wanka.

Yaro ne ya yi sallama ya shigo kanshi ɗauke da buhun gawayi Umma ta nuna mishi gurin da zai aje a kitchen Shukrah ta ce.

"Umma buhun gawayi ki ka siya.?"

Umma.

  "Abbanku ya siya."

Shukrah.

"Hmmmmm."

  Darraini ta sauke doyar ta buɗe ta ɗago ta kalli Umma ta ce.

  "Umma doyar nan ta yi mana yawa."

Umma.

"Baƙi Abbanku zai yi."

Umma sun sha aiki doyan nan sakwara su ka yi da rabi rabin kuma suka soya da ƙwai Shukrah ta ɗibi wani ta yi yam balls dashi daga nan Umma ta haɗa lemon cucumber gidan ya na ta ƙamshi.

Mama harda leƙowa ƙamshi ya isheta bayan sun gama aikin wanka suka sake saboda rana ta yi lokacin Umma duk abin da ta dafa sai da ta zubawa Mama ta ce Shukrah ta kai mata.

Shukrah na fita Manaheer ta amsa ta je bakin ƙofar Mama ta ji suna ƙulla wani abun ita da Mimah Manaheer ta sa hannun ta buga ƙofar ta shiga da sallama.

Mama jin irin dukan da a kaiwa ƙofa sai da gabanta ya faɗi amman ta na ganin wanda ya shigo ta kau da kai ta ɗaura fuska.

  Manaheer ta ce.

"Na yi sallama baku amsa ba kuma kun san sallama cikon addini."

Mimah ta yi tsaki Manaheer ta a'je  zata fita Mimah ta ce.

"An gaya muku muna jiran wannan abincin naku ne."

Manaheer ba ta ce komai ba ta dawo ta ɗau plate ɗin da ta jero kwanika uku Mama ta yi wuff ta amshe plate ɗin saura kaɗan ya zube Manaheer ta yi dariya ta fita.

Mama ta kalli Mimah ta ce.

  "Wannan yarinyar da kike ganinta ba hankali take dashi ba tsaff za ta koma da abincin."

Mimah.

   "To idan ta koma da abincin sai me."

Mama bata ƙara cewa komai ba ta zauna ta buɗe kwanonin dake rufe ɗaya sakwara ɗaya doya da ƙwai sai yam balls gashi Umma ta zuba musu abincin da yawa.

Mama ko hannu ba ta wanke ba ta fara cin doyar ta na cikin ci Manaheer ta shigo ta a'je mata kwanon miya da kuma drinks ɗin da Umma ta haɗa har za ta fita sai kuma ta dawo ta ce.

"Hajiya Mama a na ta ba ciki hakkinsa."

Daga haka ta yi waje Mimah ta kalli Mama ta ce.

"Wai dan Allah maiyasa Manaheer ta rainaki.?"

Mama da ta cika baki da doya ta ce.

"Bari in gama cin wannan abin daɗin."

Mimah ta yi tsaki ta sauko ƙasa Mama ta kusa cinye doya da ƙwan Mimah ta ɗauke kwanon doyar ta ce.

"Kinci rabonki."

Mama ta janyo jug ɗin  drinks ta ce.

"Taimaka ki ɗauko mun cup."

Mimah ta zumɓura baki ta fita ba ta jima da fita ba ta dawo da cups biyu ta a'je Mama ta zuba drink ta fara sha.

Mimah raguwar doyan ta ci ta ƙara da yam balls ta sha drink ta na sha ta na santi kaɗan suka bar yam balls ɗin drink ɗin tass suka shanye suna santi Mimah ta ce.

"Gaskiya Mama ki je ki koyi girki irin wannan."

Mama.

"Ni tunda na ke ban taɓa ganin mara kishin uwarta ba sai ke."

Mimah.

"Daga faɗin gaskiya."

Mama.

"Dan ubanki ni za ki gayawa gaskiya.?"

"Mama yaushe ki ka yi wannan girman da za ki dunga faɗa mun maganganu san ranki.?"

Mimah ta hawe gado ta na danna wayarta ko Abba bai san tana da waya ba.

Ku lura da wani abu guda ɗaya idan babba ya ja girman shi babu ta yanda ƙarami zai rainashi.

   Babba ya ja girman shi karya dunga shigewa ƙarami saboda gudun raini.

Kamar dai Manaheer da Mama.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

  Jagaban Jajirtattu

       (Ta Batulu)

Allah ka biya mana dukkanin buƙatun mu ya hayyu ya qayyum 🙏

Page 59~60

Manaheer ta shiga ɗaki bayan ta yi sallama suna zaune suna cin abinci sakwara da miya.

Manaheer kitchen ta shiga ta ɗibo doya da ƙwai ta haɗo da yam balls ta fito.

Ta zauna ta yi bismillah ta fara ci babu wanda ya kulata Auta ya zuba drink ya miƙa mata Manaheer ta karɓa ta na hararan shi.

Sun rigata gamawa Auta ya wanke hannu ya zauna kusa da ita ya ce.

"Aunty mai hanjin ziri a na ta zirarawa."

Manaheer ta yi banza dashi sai da ta gama cin abinci sannan ta miƙa mishi plate ɗin ta ce.

"Ɗan ƙaro mun yam balls ɗin."

Shukrah.

"Ki zuba su a ina.?"

Manaheer ta yi dariya ta ce.

"Ni fa yanda kuka san na watsar haka na ji."

Darraini.

"Hhhhhhhhhh daman akwai lafiyar ci."

Manaheer.

"Shiyasa na fiku kuzari da ƙiba."

Daga nan musu ya kaure tsakanin Darraini da Manaheer.

Khadija ta shigo da gudu ta rungume Manaheer.

Umma ta yi dariya ta ce.

"Lallai yau gidan nan akwai matsala ciwon kai biyu sun haɗu guri ɗaya."

Shukrah ta yi dariya Khadija ta saki Manaheer ta rungumesu ɗaya bayan ɗaya sannan ta rungume Umma.

Auta ya ce.

"Aunty Khadija kiji tsoran Allah."

Khadija ta saki Umma ta rungume shi ta ce.

"Banganka bane Autar Umma."

Daga nan ta gaishe da Umma ta ce.

"Abba ya ce a kai mishi key."

Da sauri Umma ta yi waje ta na cewa.

"Allah ya shirya ki."

Bayan fitan Umma ta gaishe da Shukrah Darraini Auta ya gaisheta daga nan aka dasa sabon fira.

Shukrah ta duba time ta ga har biyu da rabi ta tashi ta yi waje Darraini ta kalle su ta ce.

"Lokacin sallah."

Daga haka itama ta yi waje su kai alwala su kai sallah Umma ta shigo itama ta yi sallar daga nan ta kalli Shukrah ta ce.

"Ku kaiwa Abbanku abinci."

Shukrah Darraini Auta su ka ɗauki abincin suka yi waje Manaheer ta zubo sakwara da miya  su ka zauna su na ci da Khadijah.

Su na ci Khadija na santi bayan sun gama Manaheer ta zubo yam balls ta miƙawa Khadija.

Khadija.

"Baki ƙaro mun da drink ɗin ba."

Manaheer ta yi dariya ta fita Shukrah ta dawo ta ɗau plate da spoons ta fita Darraini ta ɗau jug mai ɗauke da drink tabi bayan ta Manaheer ta shigo ɗauke da ƙaramin jug ta a'je a gaban Khadija.

Auta ya shigo ya kalli Khadija ya ce.

"Uncle ya ce ki je ki kwaso kayanki a mota."

Manaheer.

  "Daman tare kuke?."

Khadija.

"Eh mana."

Bayan ta gama ci Manaheer ta sa hijjab suka fita da Khadijah fitan su bada jimawa suka shigo Manaheer janye da akwati Khadija kuma manyan ledoji guda biyu.

Sai da a kai la'asar uncle Nasser ya kira Umma ɗakin Abba.

Daga nan ya faɗa mata abin da Abba ya ce Umma ta yi murmushi ta kalli Abba ta ce.

  "In sha Allah za a gyara."

Daga haka ta yi shiru uncle ya kira Auta dake zaune a tsakar gida.

   Auta ya shigo ya raɓe jikin Umma uncle Nasser ya ce.

"Ba za kazo mu gaisa ba."

Auta ya duƙa ya gaisheshi uncle Nasser ya kama hannun shi ya zaunar dashi kusa dashi.

     Uncle Nasser.

"Mudan maiyasa kake gudun Abbanku.?"

Auta ya duƙar da kai Abba ya ce.

    "Ai babu wani dalili kawai iskanci ne."

Uncle Nasser ya yi murmushi ya ce.

"Ku bamu guri zamu yi sirri."

Abba ya fita ya shiga ɗakin Mama Umma ta nufi ɗaki.

Bayan fitansu uncle Nasser ya dinga lalaɓa Auta har sai da ya ɓude baki ya ce.

"Abba ne ya daki Aunty Manaheer ta faɗi shine Umma ta kai ta hospital."

Uncle Nasser ya yi shiru ya na tunani wato dai ciwon da Manaheer ta yi Abba ne sila dalilin hakan sauran yaran suke jin tsoron shi."

Uncle Nasser ya ɗauko leda a gefen shi ya miƙawa Auta ya ce.

"Ga tsaraban ka nan."

Auta ya ɗuka ya karɓa ya yi godiya Abba ya shigo da sallama Auta ya tashi ya fita uncle Nasser ya kalli Abba dake kallon Auta.

Abba ya zauna suka cigaba da tattaunawa duk da hakan Abba yaƙi janye ƙudirin shi na aurar da Manaheer saboda ya riga da ya yi wa yaron magana kuma yana jin kunyar cewa ya fasa.

Bayan sun gama suka fito uncle Nasser ya ƙara bawa Umma haƙuri daga nan yasa almajirai suka kwaso kayan abincin da yazo dashi,

Abba ya yi mamaki domin bai san da kayan ba uncle Nasser ya yi sallama ya tafi Abba ma kasuwa ya wuce,

Da daddare bayan sun gama cin abinci Khadija ta ɗauko ledojin da ta zo dasu ta miƙawa Umma daga nan ta ɗauko akwatin kayanta,

Leda ta ciro ta mayar ta a'je ta miƙawa Umma ledar ta ce.

"Kayan su Aunty Shukrah ne a ciki."

Umma ta buɗe ledar kayan sawa ne kala bibbiyu duka sababbi da ankon suna da wanda Aunty Maryam ta ɗinka musu dukkansu ɗaya shadda ɗaya lesi.

Umma ta buɗe nata ledar itama harda ankon a ciki lesi ne da kamfala kowanne da mayafi sauran tarkacen kuma namar suna ne da snacks masu yawa a ciki.