Rayuwarmu Book One Complete Hausa Novel

Amina kuma a na ta tara samari a ƙofar gida tun Baffa na faɗa uwarta na kareta ya gaji ya sama ta ido.

A cewar inna gwanda ta zaɓa ta darje ta samo wanda yafi mijin Fatima kuɗi.

Gidan Aliyu suna rayuwa cike da farin ciki yarinyar su ɗaya mai sunan Mama suna cemata Shukrah yarinya mai kama da babanta sakk duk da itama uwan ba baya ba gurin kyau

Amman idan ka ga Shukrah kana ganinta ka san waye babanta

Shekarun Shukrah 3 a duniya Fatima tana son Shukrah sosai shima Baffa yana sonta domin itace jika na farko agurin shi kuma ta fito daga gurin ɗa mafi soyuwa a zuciyar shi.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

   (Ta Batulu)

*Page 11-12

Bayan wani lokaci abubuwa da yawa sun faru dawowar Isma'eel gida auren Amina Umar ya kammala karatu ya samu aikin a banki.

Fatima ta haiwu na miji sunan shi Aliyu suna kiran shi Sajjad.

Matan Nasser ma ta haiwu mace sunan yarinyar Khadija.

Yaran Aliyu biyu bayan Shukrah sun ƙara samun Sa'adatu suna ce mata Darraini sai da aka haifi Darraini sannan aka haifi Khadija.

Tsufa ya kama Baffa sosai domin yanzu yaran suke riƙe da gidan.

Amina ta yi aure bayan ta gama ruwan ido ta zaɓo wani mai suna Sager suna zaune a cikin garin jos yana sana'ar sai da takalma.

Shima Naseer kudi sun fara zama.

Matar Aliyu da matan Nasser kan su a haɗe yake duk da ka san cewar ba gida ɗaya suke zaune ba amman suna zaman lafiya babu mai jin kan su.

Aliyu ya gina gidan shi mai kyau sun tare plat biyu  sai nashi plat ɗin daban.

Kowani plat two bedroom ne kowanne da toilet aciki sai kitchen a parlourn gidan yasha tayis ga famfo harda gate.

Yanzu haka shagon Aliyu biyu ɗaya a garin su ɗayan kuma a jos.

Ya na ta tunanin ya ɗaura Isma'eel a shago ɗaya tunda duk cikin su kowa ya na da abinyi amman banda shi.

Saboda yaƙi karatu ko yanzu da ya dawo gida babu abinda yake yi face zaman majalissa.

Aliyu ya tara ƴan uwan shi ya faɗa musu abinda ke cikin zuciyar shi game da Isma'eel

Naseer ya ce.

"Ashawarce ka fara jaraba shi ka bashi jari ko treda ka buɗe mishi ka ga kamun kan shi kar kaje ka ɗaura shi a kan dukiyar ka a samu matsala"

Shima Umar ya goyi bayan Nasser Aliyu ya ce.

"Zanje gida anjima gurin Baffa za muyi magana"

Daga haka ya sallame su kowa ya kama gabanshi.

Da daddare Aliyu ya shirya tsaff zai je gida Amina ta ce.

"Dan allah zata bishi domin ta kwana biyu bata je ta gaida Baffa ba"

"Kiyi sauri inajiranki karki ɓata mun lokaci" cewar Aliyu.

Amina bata jima sosai ba ta fito hannunta riƙe da Darraini ɗayan kuma leda ne mai ɗan girma tana tafe Shukrah na binta a baya.

Aliyu ya ɗauki Shukrah ya fita yana cewa Amina ta same shi a waje.

Daman lokacin auren Amina ya sai mashin.

Amina ta na fitowa ya sa Shukrah a gaban mashin ya goya Amina  hannunta ɗauke da Darraini suka tafi.

Bayan sun isa gida ya aje mashin ɗin ya riƙe Shukrah suka shiga cikin gida bakin su ɗauke da sallama.

Babu kowa sai Isma'eel a tsakar gidan shima yana ganin su ya fara zare ido ka na ganin shi kaga mara gaskiya.

Aliyu ya yi kamar bai ganshi ba Shukrah ta ƙwace hannunta ta shige ɗakin Baffa tana kiran sunan shi.

Amina ta nufi ɗakin Mama hannunta ɗauke da Darraini.

Aliyu ya kalli Isma'eel ya ce.

"Mai ka keyi a nan?"

Isma'eel ya yi ƙasa da kai "Babu komai" cewar shi.

Aliyu ya ce.

"Ka ji rani in fito ina neman ka tunda kai baka zumunci da kowa"

Aliyu bai jira cewar shi ba ya wuce ɗakin Baffa ya yi sallama ya shiga ya samu Shukrah ta haye jikin Baffa ta na ta surutu.

Aliyu ya na mamakin yanda Shukrah take sa kewa da Baffa duk da cewa bata yawan ganinshi.

Shukrah bata da yawan magana duk da kasan cewar Aliyu muskili ne amman Shukrah tafi shi ita ko magana kayi mata idan bai mata ba ko kallonka baza tayi ba.

Amman idan ka ji zancen ta tazo gurin Baffa ne idan ka ji dariyar ta mai yawa ta na tare da Baffa.

Aliyu ya kalli Baffa ya na zaune yana jan charbi duk ya tsufa domin wani lokacin ko fita ba ya yi Aliyu ya gaishe shi ya mishi ya jiki.

Baffa ya ce. "Jiki alhamdulellahi"

"Daman wata magana ne ke tafe dani" cewar Aliyu yana fuskantar Baffa.

"Inajinka" cewar Baffa ya na gyara zama.

Aliyu ya faɗa mishi shawaran da suka yanke da ƴan uwan shi.

Baffa ya yi farin ciki sosai ya yi murna daman abin yana damun Baffa zaman shi a haka babu sana'a tunda shi yaƙi yin karatun gaba ɗaya.

Sauƙin ta ɗaya ma daya kai shi zaria babu laifi ya yi karatu domin har sauka ya yi.

Baffa yasa musu albarka dukan su sannan ya ƙara da nasiha kamar yanda ya saba,

Baffa yana yawan gaya ma Aliyu yaji tsoran allah ya kula da hakkin iyalin shi karya zalunce su domin suɗin amana ne a gurin shi kuma za a tambaye shi yanda ya tafiyar da wannan amanar da aka bashi.

Aliyu ya yi ƙasa da kai ya ce.

" In sha allah zanki ya ye nagode Baffa allah yaƙara nisan kwana"

"Jeka gaisa da mutanan gidan kazo ku tafi gida kar dare ya yi muku a hanya" cewar Baffa.

Aliyu ya fita ɗakin jiki a san yaye saboda har yanzu ya kasa sabawa da wannan nasihar na Baffa gani yake kamar nasiha yake barin mishi.

Aliyu ɗakin Inna ya shiga bayan ya yi sallama aka amsa ya shiga ya zauna a ƙasa ya gaishe ta.

Ita fa har yanzu Inna bata sanja halin ta ba domin duk cikin yaran Baffa kishi take da Aliyu sosai.

Inna ta amsa tana washe baki ta ce.

" Ina rigimammiyar ƴarka?" Sunan Shukrah kenan a bakin Inna.

Saboda Inna Shukrah bata son zuwa gidan domin jinin su bai haɗu ba.

Bayan sun gama gaisawa ya tashi ya fita Inna ta bishi da harara.

Aliyu ya yi sallama ɗakin Mama ya sameta a zaune Amina tana shafa mata man zafi a ƙafafun ta.

Amina tana ganin ya shigo ta ce. "Bari inje in gaida Baffa"

Daga nan kya tawo da sarkin rigima cewar Mama.

Amina tayi murmushi ta fita.

Ɗakin Baffa ta shiga bayan ta yi sallama yanda Aliyu ya barsu shida Shukrah haka ta same su.

Amina ta duƙa har ƙasa ta gaida Baffa ta yi mishi sannu da jiki Baffa ya amsa da "Jiki ya warware"

Baffa ya kalli Amina ya ce.

"Dama ina neman ki"

Amina ta yi ƙasa da kai tana cewa "Allah yasa ba ƙarana Shukrah ta kawo gurinka ba"

Baffa ya yi dariya yana cewa "Amana nake son baki"

Amina tayi shiru tana sauraron Baffa.

  Baffa ya yi ƙasa da kai murya cike da rauni ya ce.

"Amina dan Allah ko bayan raina kiyi mun alƙawarin za ki zauna da Aliyu duk yanda yake"

Amina ta yi tsit kamar wanda ruwa ya cinye Baffa yaci gaba da magana "Amina akwai tarin ƙalubale a gabanki"

"Kinga Aliyu duk cikin ƴaƴana yana da wata ɗabi'a wanda ba kowa ya san da ita ba amman ina da tabbacin kinsan da wannan ɗabi'ar tashi"

"Ki rage bacci domin akwai aiki mai tarin yawa a gabanki sannan ki kula da yaranki duk rintsi karki bari tarbiyan yaranki ya lalace duk tsanani yana tare da sauƙi"

Baffa ya shiga daga ciki ya fito hannun shi ɗauke da wani babban gora yazo ya zauna inda ya tashi.

Ya miƙa ma Amina ta karɓa hannu biyu jikinta yana rawa.

Baffa ya ce.

"Rubutu ne a ciki ina so kiba yaran ki su sha kema kisha shima Aliyu kiba shi yasha"

Amina ta yi godiya ta tashi ta je ta ɗau Shukrah da ta fara bacci a jikin shi ta yi mishi sai da safe har ta kai bakin ƙofa Baffa ya kirata.

Amina ta dawo ta zauna Baffa ya ce.

"Ki ƙara haƙuri a kan wanda ki ke dashi kuma kiya haƙuri da duk abinda za ki gani a cikin rayuwarki kuma ki ƙara riƙe sirrinki da kyau duk abinda zaki gani ki ya haƙuri komai zai wuce"

Amina ta kasa magana "Za ki iya tafiya" cewar Baffa.

Bayan fitan Amina Baffa ya yi murmushi tabbas ubangiji baya zalunci kuma baya barin azzalumi.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

  (Ta Batulu)

*Page 13-14

Bayan Amina ta fito daga ɗakin Baffa ta ɓoye jarkan da ya bata a cikin hijjab ta nufi ɗakin Inna.

Ta shiga bakinta ɗauke da sallama ta samu Inna zaune a kujera suna fira da Isma'eel.

  Amina ta zauna ta gaishe da Inna Ismael ya gaishe ta Amina ta ce.

"Ba zan amsa ba saboda tun da ka dawo ban ganka a gidana ba"

"In sha allah zan zo gobe idan allah ya kaimu" cewar Isma'eel

Amina ta ce.

"Allah ya kawo ka lafiya"

Inna ta kalli Shukrah dake ka faɗar Amina tana barci  ta ce.

"Sarkin rigima ta yi bacci"

Amina ta ce. "Eh"

Idanun Inna yana kan hannun Amina tana son ganin abinda ke ɓoye a hannunta saboda ta san daga ɗakin Baffa ta shigo.

Amina ta yi kamar bata ganta ba hassalima da ta ga kallon ya na yawa ta tashi ta yiwa Inna sai da safe  ta fita.

Ɗakin Mama Amina ta shiga ta samu Aliyu da Umar suna zaune suna fira.

Aliyu yana ganin Amina ya ce.