Rayuwarmu Book One Complete Hausa Novel

   Kana shigowa ɗakin mazan gidan ne a farko  parlour ne babba mai ɗauke da ɗakuna uku sai banɗaki a cikin parlour na wanka.

Ɗakin farko na Aliyu ne shi ka ɗai sai na biyu Naseer shima shi ka ɗai sai ɗakin ƙarshe Umar da Isma'eel suke kwana.

  Kowani ɗaki da ƙaton katifa aciki da sauran kayan buqata na maza amman ɗakin Aliyu duk yafi nasu kyau akwai shi da gayu gashi baya son ƙazanta.

Ɗakin Mallam a gaba da na mazan shima ciki da parlour ne da toilet.

Idan ka shiga ciki kuma ɗakin Inna ne itama ciki da parlour ne da toilet.

 Sai  ɗakin Mama shima dai kamar sauran ɗakunan yake.

 Banɗakin tsakar gida guda ɗaya.

   Mallam Abdallahi mutum ne mai tsananin son ibada kuma ya tsaya ma yaran shi suyi karatu tun daga na zamanin zuwa na muhammadiyya.

Yaran shi Shi kaff suna karatu idan ka cire Isma'eel shi duk baya so

tin Mallam Abdallahi yana faɗa yazo ya samai ido.

Idan yacna mai faɗa uwarshi cewa ta ke duka duka guda nawa yake ita kawai ya tsani ƴan ɗakinta ne shiyasa dan haka ya rabu mata da yaro yayi abinda yake so lokacin shine.

  Aliyu tinda yayi candy ya ce ma mahaifinshi kasuwanci yake so ya fara shi kuma mahaifin nashi ya haɗa shi da abokin shi suna zuwa kasuwa tare suna sai da atamfofi da shadda da sauran kayan sawa.

   Aliyu mutum ne mai zuciya gashi da son girma amman baya da raini yana girmama na gaba dashi yana son karatun addini.

    Idan ya dawo gida da daddare bayan sallahr isha'i yana ɗaukan karatu gun mallam.

    Yanzu haka Aliyu yana da shekara 25  babban burin mallam yaga Aliyu yayi Aure ya samu mace ta gari ƴar gidan mutunci ya aura.

  Naseer 23 Umar 19 Fatima 16 shekarunsu ɗaya da Isma'eel sannan auta Amina 13

Ta Batulu ce 🥰✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oTRAYUWAR MU

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Babu Rayuwar da Babu ƙalubale acikin ta 👌

Written by ✍️

Jagaban Jajirtattu 🥰

           ( Ta Batulu)

*Page 5-6

Aliyu ya shigo gida bakin shi dauke da sallama Inna ta amsa mai sallamar ta na hararan shi.

  Aliyu ya yi kamar bai ganta ba sannu da aiki cewar Aliyu Inna tayi kamar bacta jishi ba ganin haka bai ƙara cewa komai ba,

Ya leƙa ɗakin Mama ya ganta akan darduma tana jan charbi ya shigo ya zauna bakin shi ɗauke da sallama Fatima ta amsa.

   Sannu da zuwa ya Aliyu ya ce.

"Yauwa Auta ya aiki"

Lafiya qalau ya kasuwa cewar Fatima Aliyu ya ce.

" Alhamdulellahi"

Daga nan ta je ta kawo ruwa mai sanyi

  Aliyu ya ƙarba ya yi godiya.

Aliyu bai ƙara cewa komai ba ya jingina da kujeran da yake zaune.

Ɗakin Mama yasha saitin kujeru blue black da ratsin golden a tsakiya.

    Sai fridge mai ɗan girma ɗakin yasha tayis fari ƙal ya na ta ɗaukar Ido.

Fatima akwai tsafta bata son ƙazanta ko kaɗan hakan ya samu ne da tarbiyan Mama.

Fatima ta leƙo ta ce. "Ya Aliyu in kawo maka abinci"

"A'a ba zanci yanzu ba"

Cewar Aliyu.

Mama ta kalleshi bayan ta gama jan charbin "Mai kaci da za ka ce ka ƙoshi?"

Aliyu ya yi shiru Mama tasa Fatima ta kawo abinci da ruwa.

Mama ta kalli Aliyu ta na cewa "Ban san yaushe bane zan daina maka faɗan cin abinci"

  Aliyu ya sunkuyar da kai "Kiya haƙuri Mama cewar Aliyu"

Fatima ta shigo bakinta ɗauke da sallama hannunta riƙe da plate ta a'je gaban Aliyu shinkafa da miya da salat.

Fatima ta buɗe fridge ta ɗauko mai zoɓo mai sanyi a gora ta zo ta a'je.

  Aliyu ya saukoh ƙasa ya yi bismillah ya fara cin abincin.

Yaci kusan rabi saboda Mama na zaune a kusa dashi saboda ta na yawan fadan rashin son cin abincin da ba ya yi.

Aliyu ya ce. "Fatima zoki ɗauke abincin nan"

Mama ta zuba ma Aliyu ido

Fatima ta ɗauke plate ɗin ta fita mama ta ce. "Dama Ina son magana da kai"

Aliyu ya kalli Mama da ta zuba mishi ido.

  Fatima ta shigo ganin kamar suna magana ya sa ba ta zauna ba ta shige ciki.

  Mama ta ce. "Aliyu koza ka je ka duba yarinyar Alhaji Ibrahim ne idan ta yi maka sai ku dai dai ta?"

"To Mama zanyi ƙoƙarin hakan in sha allah ko zuwa gobe idan allah ya kaimu"

Mama ta ce. "Masha allah ubangiji ya yi maka albarka

  Allah ya zaɓa maka mafi alkhairi"

  Aliyu ya a'je mata ledar da ya shigo dashi ya fita.

Yana fita Fatima ta yi tsalle ta fito dama jira take ya fita ta samu damar fitowa,

Fatima ta ce. "Mama wallahi yaya Aliyu ya yi sa'ar mata Amina bata da matsala gata da kunya allah yasa su dai dai ta"

Mama ta ce. "Nima yarinyar ta na burgeni wallahi gashi bata da hayaniya"

Fatima tana ta murna Mama tana mamakin yanda Fatima ke murna bayan basu san juna ba.

Fatima ta janyo ledar da Aliyu ya a'je ta bude kayan tea ne a ciki komai da komai.

Mama ta ce.

"Ta ɗauka ta je ta aje"

Bayan fitan Aliyu ɗakin mahaifinsu ya shiga ya same shi yana karatun Qur'ani.

   Aliyu ya zauna a ƙasa kusa da mahaifinsu wanda suke kira da Baffa.

Bai daɗe da zama ba ya rufe Qur'anin ya kalleshi ya ce. "Ya akayi gadanga?"

Wasu lokutan haka yake kiran shi dashi.

Aliyu ya gaishe shi ya ce.

"Na dawo ne banji motsinka ba shine nace bara in duba ashe kana ciki"

Baffa yayi murmushi "Da fatan dai babu wani matsala?" cewar Baffa.

Aliyu ya yi murmushi ya ce.

"Ba komai"

Baffa ya yi murmushi irin nasu na manya ya ce.

"Gadanga Ina son ka riƙe abubuwa guda 4 wanda ko bayan babu raina za kai alfahari da hakan"

Aliyu ya yi shiru Baffa yaci gaba da magana "Ina son ka ji tsoran allah kaji tsoran zalunci ka guji addu'ar wanda aka zalunta kariƙe gaskiya a dukkan lamarin ka"

"Lallai idan kariƙe waɗannan abubuwan guda 4 zaka zauna lafiya"

Aliyu ya yi murmushi ya ce.

"Nagode Baffa allah ya ƙara lafiya da nisan kwana in sha allah zan kiyaye"

" Ubangiji ya yi maka albarka kai da ƴan uwanka allah ya ƙara rufa muku asiri duniya da lahira"

Aliyu ya duƙar da kanshi ya na amsawa da ameen.

Su na cikin haka aka shigo zuruf haɗe da sallama.

Ko basu waiga ba sun san mai wannan halin Inna ce ta shigo ta zauna kusa da Baffa ta ɗaure fuska.

Aliyu na ganin haka ya miƙe yana cewa Baffa a tashi lafiya ya fito bai tsaya jiran amsar Baffa ba.

Parlourn su ya shiga bakinshi ɗauke da sallama Ismael ne zaune a bakin kofar ɗakin su ya na ganin Aliyu ya ɗaure fuska ya kau da kai.

  Aliyu ya yi kamar bai ganshi ba ya shiga ya buɗe ɗakin shi ya shiga yana kwafa yana mamakin yanda kwata kwata Ismael bai da kunya.

Ya yi murmushi yana tunanin irin punishment ɗin da zai ba shi idan ya kama shi.

Ya na shiga ya fito da bucket ya shiga cikin gida ya na shiga ya samu Amina a tsakar gida ya ce. "

Mata kije gurin Mama ta baki ruwan zafi ki kawo mun"

Ya miƙa mata bucket ɗin.

  Amina tazo karɓa tana tura baki tana zuwa kusa dashi ya bige bakin nata.

Ai ko kamar jira take ta fashe da kuka.

Aliyu ya tsaya yana kallonta shi kallon mamaki yake mata.

Da ya ji zata cika mishi kunne ya ce.

"Wallahi idan baki rufe mun baki ba sai nayi miki mugun duka"

Wato rashin kunyar naki yanzu ya dawo kaina ni zan aikeki k ina tura mun baki koh?"

Amina tayi tsit domin ta san halin Aliyu baya son raini ta karbi bucket ɗin ta shiga ɗakin Mama tayi sallama ta faɗa.

  Aliyu ya kaɗa kai yana mamakin yanda Inna take lalata tarbiyan ƴaƴan ta da kanta.

Kuma idan ka yi musu fada ta ce ka zalunce su.

Ya na tsaye ta fito ita da Fatima suka shiga kitchen ganin haka Aliyu ya ce.

"Fatima ta zo ta huce ta bashi guri"

Fatima ta zo ta wuce tana ƙunshe dariya.

Daman tana kallon su ta window har turo Amina amsar ruwa duk ta gani da abinda ya faru.

Aliyu ya kalli Amina dake tsaye tana kallan shi ya ce.

"In zo ne in zuba ruwan da kaina?"

Amina ba tace komai ba ta shiga ta ɗibo ruwan ta kawo mishi gaban shi ta aje.

Aliyu ya yi gaba ya ba ta guri ba tare da yace mata komai ba.

Ganin haka sai tabi bayan shi da bucket ɗin ta riga Aliyu shiga saboda ya tsaya amsa waya.

Ta samu Ismael zaune a in da yake tin ɗazun  suna haɗa ido ta watsa mishi harara shi kuma ya hau mata dariya.

   Suna cikin haka Aliyu ya shigo ya kalli Ismael ya ɗaure fuska

  "Tashi ka wanke mun toilet yanzu" cewar Aliyu.

Ya kalli Amina ya ce.

" Shigo mun da ruwan ki share mun parlour nan"

Amina da Ismael suka kalli juna kafin kowa ya kama kanshi.

Domin sun san abu kaɗan za suyi ya basu punishment din da sai an kwana biyu suna jinshi,

Amina ta bi bayan Aliyu da ya shiga daki Ismael kuma ya dau bucket ya yi cikin gida.

Amina ta na shiga ta samu Aliyu zaune a saman katifa ya na danna waya ta aje ruwan a bakin ƙofa ta fita.

Tsintsiya ta ɗauka ta fara shara ta na yi ta na surutai ta na gamawa Ismael ya shigo da bucket cike da ruwa.

Ya shiga toilet dashi ya aje ya fito ɗakin su ya shiga ya ɗauko omo da abun wanke toilet 10 minutes ya gama ya fito ya mai da kayan ɗakin su.

Ya shiga ɗakin Aliyu da sallama ya samu Amina a tsaye Ismael ya ce.

"Yaya na gama"