Rayuwarmu Book One Complete Hausa Novel

"Ni dai na faɗa miki banda kuɗi idan za kuyi haƙuri kuyi haƙuri idan ba za kuyi ba shikenan kinga tafiyata idan kin fita kijamun ƙofar ki tafi da makullin"

Yasa kai ya na ta baza ƙamshi Umma ganin zaman ba zai fisheta ba ta miƙe ta kullo ƙofar ta tafi ɗakinta.

Ta samu Shukrah har ta yi bacci Umma ta zauna ta na tunanin mafita ko sana'ar da ta ce za suyi bata da ko sisi ko ƴan uwanta basu san halin da take ciki ba.

Ta na zaune ta ji sallamar Maryam matar Nasser ta na tafe da tsowon cikinta a gaba wannan shine ciki na uku wancan ta yi ɓarin sa Umma ta yi mamakin ganinta kasan cewar bata taɓa zuwa ba tunda suka dawo jos da zama sai dai waya jefi jefi amman sai ta share.

Ta miƙe ta na mata barka da zuwa Maryam ta na cike da mamakin yanda ta ga Amina ta samu guri ta zauna suka gaisa ta kawo mata ruwa.

Aka fara firan yaushe gamo sun jima su na fira kafin Umma ta shiga bedroom ta taso Shukrah ta gaya mata zuwan Maryam sannan ta bata raguwar ɗari biyar ɗin da ya rage wanda ta ɓoye ne domin su samu abun da za su ci da rana.

Umma ta ce.

"Kije da ɗari biyar ɗin nan ki samo mata wani abun tunda kinga ba girki za mu yi ba kuma Abbanku bai san da zuwanta ba"

Shukrah ta karɓi kuɗin ta sa hijjab Umma ta koma parlour Shukrah ta biyo bayan ta suka gaisa da Maryam ta fita.

Bayan fitan Shukrah Maryam ta ce.

"Ya na ganta a gida ta na zaune babu makaranta ne?"

Umma.

"Bata jin daɗin jikinta ne shiyasa kika ganta a gida"

Daga nan suka cigaba da fira a nan Maryam take gaya wa Umma ita da Nasser suka zo ya na kasuwa gurin Abban Shukrah.

Umma na jin hakan ta yi hamdala domin ta yi tunanin ko bai san da zuwanta ba ashe ma ba ita kaɗai ba ce.

Shukrah ta yi sallama hannayenta ɗauke da ledoji manya ga almajiri na bin bayanta ɗauke da wasu kayan.

Umma ta karɓi na hannun almajirin Shukrah ta ajiye na hannunta Umma ta kalleta fuskan ta ɗauke da mamaki.

Shukrah.

"Ina fita na haɗu da yaron shagon Abba zai kawo kayan cefane ya na ganina ya roƙeni da in ƙariko dashi gida yana sauri Abba ya na jiran shi a kasuwa"

Umma ta shanye mamakin da ta ke yi ta fara duba kayan.

Shinkafa ne sai kayan miya mangyada harda su kaza a ciki guda biyu da salad.

Shukrah ta miƙa wa Umma dubu biyar ta ce.

"Gashi ya ce a sai abinda ya dace"

Umma ta shanye mamakin da take ta ba Shukrah kuɗin gawayi ita kuma ta fara gyara kayan miya su na fira da Maryam kafin Shukrah ta dawo siyo gawayin harta gama gyaran kayan miyan.

Ba bu jimawa sosai suka gama dafa abincin gidan sai tashin ƙamshi yake Mama ta na daga cikin ɗaki ƙamshi duk ya cika mata hanci.

Bayan sun gama girkin Umma ta haɗa zoɓo irin wanda ta saba haɗawa ta aiki Shukrah siyo ƙanƙara ita kuma ta ƙara gyara ɗakin Abba ta sa turare ta fito.

Umma ta shiga wanka bayan ta fito ta samu Maryam ta na sallah Shukrah ta na gyara gurin da su kai aikin abinci bayan ta gama gyarawa ta shiga wanka.

Ƴan makaranta sukai sallama suka shigo Auta ya na tafe ya na kuka.

Umma ta ce Manaheer ta ɗau abincin Mama ta kai mata sannan ta kalli Auta ta na tambayar Darraini abinda ya sa shi kuka.

Darraini ta ce.

"Tunda mu kaje makaranta cikin shi ke ciwo shine yake ta faman kuka.

Umma ta riƙo shi.

"Bari kuka jarumin Maman shi bari Shukrah ta fito wanka ta siyo maka magani a chemist"

Umma shiga ɗaki hannunta riƙe da na Auta su na shiga Maryam ta fara tsokanar shi Auta ya duƙa ya gaisheta.

Manaheer Darraini suka shigo bayan sunyi sallama suka gaisa da Maryam suna tamabayar ta Khadija.

Maryam.

"Ta na gida ta na ta rigima wai sai ta biyoni ta ganku na ce ta bari idan su kai hutun makaranta sai tazo shine ta bani saƙo in kawo muku"

Darraini.

"Anty Maryam amman ba yau za ki koma ba?"

Umma.

"Daga dawowarku za ku tsareta da surutu"

Maryam.

"Nayi kewarsu ne tun ɗazun domin sune abokan firan ita wancan miskilar bansan yanda ake fira da ita ba"

Dukansu ta basu dariya harda Auta mai kukan ciwo sai gashi ya na dariya Shukrah ta yi murmushi shigowarta kenan ta ji abinda ake tattaunawa.

Bayan sunyi alwala sun yi sallah suka ci abinci su kai wanka Umma ta aiki Darraini chemis ta siyo wa Auta magani.

Bayan fitan Darraini bada jimawa ba Abba ya shigo shida Nasser Umma ta aiki Shukrah ta kai mishi makullin ɗakin.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

Jagaban Jajirtattu

    (Ta Batulu)

Page 41~42

Shukrah ta kai makullin ta dawo ta kwashi kayan abinci ta kai Abba ya na ta washe baki.

Nasser ya kalli Shukrah ya ce.

"Yarinyar tawa ta girma"

Shukrah ta yi murmushi Abba ya ce.

"Ga ta nan sai miskilanci tsiya"

Shukrah ta fita ta na murmushi Nasser ya kalli Abba ya ce.

"Idan ina kallon Shukrah kai nake tunawa kasan ance magaji mafiyi"

Abba ya yi dariya suka fara cin abinci suna ci Nasser ya na santi.

Shukrah ta samu Aunty Maryam Darraini Manaheer suna ta fira Umma ta na ba Auta magani.

Shukrah ta shige bedroom ta na shiga Manaheer ta bi bayan ta ganin haka Darraini ma tabi bayan su.

Anty Maryam ta kalli Umma ta ce.

"Kinga abin da Shukrah ta yi ta kwashe mun abokan fira"

Umma ta yi dariya ta ce.

"Kunfi kusa ba mai shiga tsakanin ku ballatana ku ba shi kunya"

Aunty Maryam ta yi dariya ta ce wa Umma.

"Ni ban san abinda ya faru bayan kun dawo nan da zama ba"

"Kuma nasan kona tambaya ba za ki gaya mun ba"

"Amman ina son ki gaya mun ko kaɗan daga cikin halin da kike ciki domin in san ta inda zan taimaka miki"

Umma.

"Babu abinda ya faru bayan rabuwa kawai dai ya samu karayan arziki kamar yanda ki ka gani kuma alhamdulellahi bamu naimi komai mun rasa ba"

Anty Maryam.

"Ni daman nasan ba za ki taɓa sauyawa ba"

Aunty Maryam.

"Haba Amina mai yasa baki ɗaukeni a matsayin ƴar uwa ba"

Umma.

"Da ace ina cikin matsala tabbas zan gaya miki domin samun shawararki"

Aunty Maryam.

"Amina ki ɗaukeni a matsayin abokiyar shawara wanda zaki iya gaya mata dukkanin abinda ya dameki"

Umma.

"Na jima da ɗaukanki a matsayin ƴar uwata ki yarda da ni babu abinda zan ɓoye miki"

Aunty Maryam ta yi shiru ba dan ta yarda ba.

Aunty Maryam ta ce.

"Wace sana'a ki ke yi yanzu haka?"

Umma.

"Ina ta tunani har yanxu ban yanke shawara ba"

Aunty Maryam.

"Mai zai hana ba za ki sai fridge ba idan yaso sai a haɗa da wani abun"

Umma.

"Nima nayi tinanin hakan"

Daga nan suka sanja fira Shukrah da Manaheer Darraini suka fito Umma ta kalle su.

"Ina za ku je da ku ka fito a tare?"

Manaheer.

"Za muje gaida uncle Nasser ne"

Umma za ta yi magana Aunty Maryam ta hana ta ce.

"Ku je abinku"

Bayan fitan su Aunty Maryam ta kalli Umma ta ce.

"Nifa ban yarda da abinda kika faɗa mun ba dan Allah ki gaya mun gaskiyar abin da ke faruwa"

Hawaye ya zubo a idanun Umma ta ce.

"Dan Allah karki karya mun zuciyata domin faɗa miki abin da ke damuna daidai ya ke da tsinke igiyar aure na da Aliyu"

Cike da mamakin furucin da ya fito daga bakinta Aunty Maryam ta dafa ka faɗar Umma ta ce.

"Ba zan matsa miki sai kin gaya mun abin da ke damunki ba amman dan Allah ki cire damuwar komai a cikin zuciyarka"

Anty Maryam ta yi ta rarrashin Umma da kalamai masu daɗi.

Shukrah ta shigo ta ce.

"Umma uncle zai shigo ku gaisa"

Bayan fitan Shukrah Umma ta shimfiɗa darduma.

Nasser ya yi sallama ya shigo suka gaisa da Umma suka taɓa fira kafin ya kalli Aunty Maryam ya ce.

"Madam za mu yi dare a hanya na ga kin miƙe ƙafa ne"

Umma ta yi dariya ta ce.

"Ba ta gama hutawa ba ne"

Nasser ya yi sallama da Umma ya aje mata kuɗi masu kauri ya fita ya na cewa Aunty Maryam ta fito su wuce.

Bayan fitan shi Aunty Maryam ta kalli Umma ta ce.

"Za muyi magana zan kiraki ko zuwa anjima"

Su kai sallama ta kawo kuɗi ta ce.

"Gashi a sai ma Auta biscuit"

Ba ta tsaya jiran amsar ta ba ta aje kuɗin ta yi waje domin ta san ba za ta karɓa ba.

Umma ta bi bayan ta Mama ta fito tsakar gida ta na yamutsa fuska ta ce.

"Ashe baƙi mu kayi a gidan"

Anty Maryam ta yi murmushi suka gaisa ta na tambayar su gajiyar hanya.

Bayan sun gama gaisawa Aunty Maryam ta kalli Shukrah ta ce.

"Sa hijjab muje mota in baki saƙonku"

Shukrah ta sa hijjab ta fita waje ta samu Abbansu tsaye da uncle Nasser ta matsa gaban motan in da ta hango Aunty Maryam.

Aunty Maryam ta buɗe ƙofar baya ta ce ga kayan nan ta kwashe.

Manyan ledoji ne guda huɗu ta kwashi biyu ta shiga dashi gida harta wuce idon Abba ya na kanta.

Ta dawo ta ɗauki sauran ledar ta matsa ta na ma Aunty Maryam godiya ta ce.

"Dan Allah ta gaishe mata da Khadija"

Shukrah ta ƙara so gaban uncle Nasser suka ƙara sallama za ta shiga gida ya kirata ya ce.

"Ban tsaya siyo muku tsaraba ba ga wannan ke da ƴan uwanki"