Rayuwarmu Book One Complete Hausa Novel

Mama ta tashi ta shiga ciki Fatima kuma ta fara karatu cike da natsuwa Fatima bata da tsawo kamar ƴan uwanta sannan kuma ta na da jiki ga diri masha allah ta na da hanci sosai .

Daman duk ƴan dakin Mama su nada hanci kuma itama Mama bata da tsawo kamar dai Fatima amman dukan su suna kama da juna.

Bata jima da fara karatun ba aka kira sallah ta rufe Qur'anin ta tashi Mama ta fito daga bedroom ta hau darduman suka bi jam'i.

Bayan an idar Fatima ta kwaso littafan ta na addini tazo Mama ta na mata bita sun jima a haka kafin Fatima ta mayar da littafan tazo ta fara azkar.

  Bayan ta idar ta ɗauko chasbi ta naja har aka kira sallahr Isha'i  bayan sun idar da sallah su kayi nafila sannan Fatima ta tashi ta je kitchen.

Ta na zuwa ta samu Amina zata shiga ɗauko abincin Baffa Fatima na ganin haka ta bata guri ta huce itama ta shiga ta ɗauko abincin su ta koma ɗaki.

Tana shiga Umar na shigowa shida Nasser suka gaida Mama suka zauna Fatima ta koma kitchen ta kwaso plate da spoon ta aje.

Bayan ta aje ta shiga bedroom tana shiga Umar ya miƙe yana cewa "Daɗin abun dai muna da hannu"

Mama da take gefe ta yi murmushi Nasser kuma yace "To acici mala'ikun tauna"

Fatima dake fitowa ta yi dariya tace "Wallahi kuma sunan ya dace dashi"

Umar bai tanka musu ba ya buɗe kular abincin shinkafa ne jallop na manja da wake, ya zuba a plate ya koma ya zauna.

Fatima ta buɗe fridge ta ɗauko zoɓo da ruwa ta aje mishi Umar ya ce. "Kinyi taimako domin bana gane baƙin karatun shiyasa ban tsaya naiman ruwa ba"

Fatima ta kalli Nasser "In zuba maka abincin? "

Nasser ya ce. "A'a sai bro ya shigo"

Daman ta yi tunanin haka indai suna gida basu cika cin abinci ba tare ba.

Ta ɗiba ta koma kusa da Mama ta zauna ta faraci da bismillah bata ci da yawa ba ta tashi ta shiga ciki ta fito da roban yaji.

Umar na ganin haka ya ce.

" Daman tun ɗazun nake tunanin in da zan samu yaji"

Dukan su suka hau dariya saboda tunda ya fara cin abinci bai yi magana ba.

Fatima ta ɗiba ta aje mishi roban yajin a gaban shi.

Mama ta ce. " Fatima idan kin gama ki ɗaura mun lipton "

Fatima ta ce. "Ai muna dashi a cikin flask"

Idan kin gama ki zuba mun Aliyu ya shigo bayan ya yi sallama hannun shi riƙe da baƙin leda.

Yana zuwa ya mika ma Fatima.

Ya gaida Mama ya zauna kusa da Nasser suka gaisa Umar kam sai da ya gama cin abinci sannan ya ce.

"Sannu da zuwa"

Aliyu ya yi murmushi "An gaishe da acicin gidan mu" cewar Aliyu.

Umar ya ce. "Kuma banci da yawa ba domin nasan zaka dawo mana da tsaraba"

Fatima da ke shigowa ɗakin ta ce. "Kaji tsoran allah ya Umar duk irin abincin da kaci"

Umar ya kalleta ya ce. "Ina ruwanki dani"

Nasser ya ce. "Haba Fatima ya za ki tona mishi asiri"

Mama tayi dariya ta ce.

"Karku tasa mun yarinya a gaba"

Fatima ta zauna bayan ta shigo da babban plate ta juye abinda Aliyu ya shigo dashi nama ne mai yawa sai ƙamshi yake tashi.

Fatima "Ɗibarwa Inna ki kai mata" cewar Mama.

Fatima ta dau plate guda ɗaya acikin wanda  ta kwaso domin suci abinci ta ɗibo naman aciki ta fito.

Ta shiga ɗakin Inna bakinta ɗauke da sallama Inna ta amsa sallamar ta ɗauke kai.

Fatima ta ce. "Barka da dare Inna gashi inji mama tsaraban ya Aliyu"

Inna ta ce. "Ajiye a nan kice angode"

Fatima ta fita daga ɗakin tana fita Amina ta sauko da sauri tazo ta bude plate ɗin ta ga nama ne aciki.

Inna ta ce. "Amman baci za kiyi ba koh?"

  Amina tasa hannu ta faraci ta yi banza da  Inna.

  Amina ta na cikin cin namar Ismael ya shigo babu sallama bai ce musu komai ba ya zauna kusa da Amina yasa hannu acikin plate ɗin namar

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oTRAYUWAR MU

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

SA'ADATU I FULANI 

   (Ta Batulu)

Page 9-10

Inna ta kalle su ta ce.

"Amman baku da zuciya"

Babu wanda ya kalle ta sai da suka gama cin namar Ismael ya kalli Amina ya ce.

"Zuba mun abinci"

Amina ta yi banza dashi ta tashi zata fita.

Inna ta kalli Amina ta ce.

"Ba kiji abinda ya fada bane ki ka tashi za ki fita"

Amina ta tura baki

"Bana son irin wannan halin naki ace keda ɗan uwanki baza ku haɗe kanku ba" cewar Inna.

Ismael ya kalli Inna ya ce.

"Wallahi wata rana sai na karya wannan yarinyar ace yarinya gaba ɗaya ta raina mutane"

"Wallahi bana jin daɗin yanda ku keyi kamar wasu kaji dan allah ku haɗe kanku" cewar Inna.

"Isma'eel kaine babba dan allah ka ja girmanka ke kuma Amina bana son rashin kunya shiɗin yayan kine ki daina mishi irin wannan halin"

Amina ta tura baki tashi ta je ta zubo mishi abincin ta aje a gaban shi ta shige bedroom.

Shima ɗakin irin na Mama ne komai da komai sai dai yana yin kayan ɗakin daban ɗakin duk ya yi ƙura kamar babu masu rayuwa aciki.

Inna akwai ƙazanta kuma ta koya ma ƴarta.

Domin tarbiyya ana koya ne daga uwa ba daga uba ba.

Tarbiyan uwa da ban na uba daban duk yanda kike yi a gidan mijinki itama ƴarki haka za tayi a gidan nata mijin ubangiji ka datar damu allah ka haɗamu da iyaye na gari.🙏

Inna ta kalli Isma'eel yana cin abinci ta ce. " Ya maganar makaranta nifa na gaji da ganinka a haka bokon baka mayar da hankali ba islamiyyar ma haka gashi kowa yana zuwa gurin sana'a amma banda kai"

Isma'eel ya ce.

"Nifa bana son wahala ne shiyasa kuma ni nagama makaranta sana'a kuma ina tunanin wanda zai dace dani Inna ki daina damun kanki a kaina"

  Ya na gama fada mata haka ya yi waje Inna ta yi "Ƙwafa za ka dawo ka same ni"

Ɗakin Mama bayan sun gama cin abinci Mama ta kalli Aliyu ta ce.

"Karka manta da maganar mu ta ɗazun"

"Bazan manta ba in sha Allah" cewar Aliyu.

  Suka taɓa fira da ƴan uwan shi yana jadadda musu maganar tafiyan su islamiyya babu fashi su zauna cikin shiri.

  Ya yi musu sallama ya fita yana fita Naseer shima ya yi musu sallama ya fita

Aliyu ɗaki ya shiga ya ƙara shiryawa ya fita.

Mama ta ce wa Umar ya duba mata dakin Baffan su idan yana nan

Ya na fita ya ga Inna ta na tsaye a bayan windows din ɗakin su.

  Ta na ganin Umar ya ganta ta fara borin kunya ta na ta zagin shi.

Umar bai ce mata komai ba ya wuce

    Mama ta na jinsu.

Umar ya shigo da sallama ya ce.

"Fatima ta kai wa Baffa lipton"

"Ki kai mishi wanda kika zuba mun idan kin dawo kya zuba mun wani" cewar Mama.

  Umar ya ce.

"Bari in zuba miki"

Ganin haka Fatima ta ɗauki na Baffa ta fita.

Fatima tayi sallama ɗakin Baffa baffa ya amsa ya bata izinin shigowa.

Ta na shiga Inna ta shigo babu ko sallama Fatima ta yi kamar bata ganta ba ta je gaban Baffa ta mishi barka da dare ta aje kofin ta tashi ta fita.

Inna ta kalli Baffa ta ce.

"Wannan zalunci ne ba adalci ba Allah ya na gani wallahi sai ya yi mun sakayya"

Harta gama maganar ta Baffa bai ce mata komai ba sai ma tashi da ya yi ya shiga ciki hannun shi ɗauke da kofin da Fatima ta kawo.

  Inna ta yi kwafa ta ce.

"Wallahi zaka dawo ka same ni"

Fatima ta shiga ɗakin su bakinta ɗauke da sallama ta samu Umar suna fira da Mama ta zauna suka cigaba da firan da ita.

9:30pm

Baffa ya shigo ya zauna suka ɗan taɓa fira ya yi musu sai da safe.

Ya na fita shima Umar ya tashi ya yi musu sallama ya tafi ɗakin su.

Mama tayi alwala ta hau darduma Fatima tayi alwala ta kwanta.

Agurguje anyi auran Amina da Aliyu mallam ya basu gidan zama amma ba unguwa ɗaya suke ba.

  Umar ya tafi jami'a Fatima anyi mata baiko da saurayin da Baffa ya zaɓa mata.

 Duk da Aliyu baya gidan suna zuwa islamiyyar da ya saka su.

Amina rashin kunya ya ƙaru tunda mai tsawatar wan ya bar gidan.

Ismael Baffa ya kai shi garin zaria karatu bayan ansha fama da Inna.

  Yanzu gidan daga Fatima Amina Nasser sannan Umar.

  Fatima tayi candy  Baffa ya ce. " Ta hakura idan ta je ɗakin mijinta taci gaba a can"

Yanzu Amina kaɗai ke zuwa school itama ba kullum ba.

Gidan Aliyu zama suke cike da farin ciki da jin daɗi.

Amina ta na girmama shi suna son junansu sosai gashi allah ya fara dafa mishi mai gidan shi ya bashi shago ya zuba mishi kaya

Ya ce.

"Kuɗin kayan shagon kawai zai bashi ya riƙe ribar shima ya kula da kanshi tunda yanzu ya aje iyali"

Bayan shekara uku anyi auren Nasser da budurwan shi maryam har ma ta na da ƙaramin ciki.

Nasser ya gama makaranta ya kama sana'ar wayoyi a shagon da Aliyu ya buɗe mishi.

Shima Baffa ya bashi gida kusa da Aliyu daman gidan ya siyan musu ne idan sun tashi aure su zauna ciki.

Fatima tayi Aure da mijinta Abubakar yana sai da motoci suna zaman lafiya da mijinta domin Fatima sak halin mahaifiyarta ne.

Abubakar yana sonta sosai kuma yana kulawa da ita yanda ya dace.

Umar yana cigaba da karatu  Isma'eel kuma yana zaria yana zare ido😂.

Mama ta ɗauko ƴar ƙanwarta mai suna Rabi'a ta na taya ta zama.