Rayuwarmu Book One Complete Hausa Novel

"To da ga rana mai kamar ta yau kar hannunku yaƙara kaiwa jikin yarinya na saboda ita ɗin ba baiwarku ba ce"

Umma ta kalli Shukrah ta ce.

"Ba mu guri zanyi magana da Abbanku"

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Wannan page ɗin naka ne gaba ɗayan shi

Yaya na abin alfahari na mai share mun kuka na kaiɗin bango ne acikin rayuwata kaiɗin jigo ne acikin rayuwar Ta Batulu 🥰

Ya Salis M Reza.

Banda kamarka har gobe da jibi kaine abin kwaikwayo na

Ubangiji ya yi maka sakayya da mafificiyar alkhairi nagode. 🙏

Written by ✍️

Jagaban Jajirtattu

     (Ta Batulu)

Page 37~38

   *

Shukrah ta shiga ciki Umma ta dawo da kallonta gurin Abba yana tsaye fuska a ɗaure kamar bai taɓa dariya ba.

Umma.

"Ni kam na ce Abban Shukrah yaran nan dasu na zo gidanka?"

Abba.

"Bangane abin da ki ke nufi ba fahimtar dani yanda zan gane"

Umma.

"Uhmmmm babu komai amman ina jiye maka ranar nadama domin nasan komun daren daɗewa sai wannan ranar ta risƙeka"

Abba.

"Amina ki fito fili ki gaya mun abinda ki ke son faɗa wato mugun baki zakiy mun koh? To Allah ya fiki"

Abba ya fita yana

"Cewa zamu haɗu dake da ƴaƴanki zaku gane baku da wayyau"

Umma ta yi alwala ta kwanta.

Abinda ya faru bayan sun je kai Mimah chemist shi da Mama su na tafe ta na gaya mishi ƙarya da gaskiya shi kuma sai faɗa yake.

Abin da Mama bata sani ba Abba ya na faɗa ne saboda an sashi fitan kuɗi bawai saboda dukan da a ka yi mata ba.

Suka ƙarika chemis aka duba ta zazzaɓi ne kawai amman saboda ƙarya Mama cewa ta yi.

"Har amai sai da ta yi sau biyu kuma ta kasa cin abinci"

Mai chemist ya yi mata allura ya haɗa magunguna har da ruwan gishiri ya basu.

Abba ya biya kuɗin suka kamo hanya suna tafe Abba na cika yana batsewa Mama ta na ta ƙunshe dariya.

Su na shiga gidan ɗakin Umma ya nufa kai tsaye shine su kai wannan tattaunawar da su ka yi.

Da safe Shukrah ta gyara ɗaki Manaheer ta gyara tsakar gidan Darraini ta wanke toilet Manaheer da auta suka ɗibo ruwa tunda har ruwan ba kullum yake siya ba.

Suka gaishe da Mama su kaje gaida Abbansu a nan ya yi musu tass ya ƙara da cewa.

"Sadakar su zai bayar dukan su tunda sun zama ƴan iska"

Manaheer ta turo baki

Abba ya kalli Manaheer ya ce.

"Daman na daɗe da sanin baki da mutunci to wallahi ki fita idona in rufe idan wani ke hure miki kunne ma zan yi maganinku"

Sai da ya gama zaginsu tass ya ce.

"Ku tashi ku bani guri marasu mutunci kawai"

Suka miƙe har sun fita Manaheer ta dawo ta zauna ta ce.

"Abba kuɗin karyawa"

Abba ya yi shiru yama rasa mai zaice mata chan kuma sai ya ce.

"Manaheer yaushe na zama abokin wasanki?"

Manaheer ta gyara zama ta ce.

"Abba zamu je makaranta ne kar muyi latti"

Kafin Abba ya ce komai Mama ta shigo ta zauna Manaheer ta yi kamar bata ganta ba.

Abba ya kalli Manaheer da ba ta da niyyar tashi ya ce.

"Je ki duba saman pillow akwai ɗari biyar ki ɗauka kizo ki bani guri"

Manaheer ta shiga ciki ta ga ba bu ɗari biyar sai dubu ɗaya ta dudduba ta ga ba bu wani kuɗi bayan wannan ta yi murmushi ta ce.

"Rabonka ya na tare dakai a duk in da ka ke"

     Ta ɗauki dubu ɗayan ta fito ta ce ma Abba.

"Angode Allah yasaka da alkhairi ubangiji ya mayar da dubunshi"

Abba ya hau washe baki ya na amsawa cike da jin daɗi Manaheer ta yi waje ta na dariya.

Ta samu Darraini ta shirya Auta ma ya shirya ta miƙa wa Umma kuɗin ta ce.

"Kuɗin karyawa in ji Abban mu"

Amina ta bi kuɗin da kallo cike da mamaki da al'ajabi ta san dai baya wuce ɗari biyar ɗari uku.

Manaheer ganin Umma na mata kallon tuhuma ta ce.

"Haba Umma kamar baki yarda dani ba"

Umma.

"Ba yarda da ke bane banyi ba nayi mamakin hakan ne"

Manaheer.

"Umma kina yawan gaya mana babu abinda addu'a baya sauyawa"

Umma.

"Hakane ubangiji yasa komai yazo ƙarshe"

Ameen.

Umma ta bada ɗari biyar suka siyo kamu ta dama musu bayan sun karya  kowa ta ɗau jaka suka tafi makaranta.

Gidan ya rage daga Shukrah sai Umma Shukrah ta ɗau wayar Umma ta ce.

"Bari in gaisa da Aunty Teemah"

Umma ta yi dariya ta ce.

"Kunfi kusa ke da ita amman ina ji ranar ta na miki kashedin ki daina kiranta da wannan sunan"

Shukrah ta yi murmushi ta ce.

"Ai sunan yafi daɗi ne"

Umma.

"Bari inje gurin Abbanku idan kun gama magana karki cinye mun charge naga sun kawo huta yanzu kisa mun charge"

Umma ta fita ba tare da tajira amsar Shukrah ba.

Umma ta yi sallama ta shiga ɗakin Abba yana zaune yana shan tea kakkaura ya ji madara ga soyayyan kwai a gefenshi.

Koda Abba ya ga shigowarta ko a jikin sa hasalima tsokanar ta ya fara.

Umma ta yi murmushi ta zauna sai da ta bari ya gama breakfast ɗin hankalin shi ya dawo jikin shi sannan ta fuskance shi.

Umma.

"Fatima ta na son Shukrah ta je mata hutun makaranta"

Abba.

   "Ya ɗaure fuska nifa kinsan bana son suna yin nisa dani saboda yaran yanzu ka haifesu ne baka haifi halin su ba"

"A hakan ma suna gabana sai a hankali ballatana basa gabana"

Umma.

"Daman cemata na yi ba yara na bane yaranka ne ta kira ka ta gaya maka"

Abba.

"Banganeba wai ke dan Allah mai yasa bakya son zaman lafiya ne a rayuwarki?"

Umma.

"Uhmmmm yanzu idan na ce mata za ta zo ka ce mun da iznin wane yanzu kuma nace yara naka ne ba nawa ba shima ya zama laifi?"

Abba.

"Wallahi Amina ki dinga jin tsoran Allah"

Umma.

"Ta yi dariya Abban Shukrah kenan in tuna maka da wani abu daka manta?"

"Ka tuna lokacin baya da ka ke ce mun koda ka ƙara aure bazan zama abin hulaƙan tawarka ba"

"Koda ka ƙara aure matsayina ba zai taba san jawa ba ka tu na da hakan?"

Abba.

"Kinsan menene Amina?

Har yau kin kasa fahimta ta shi ya sa muke yawan samun matsala dake"

"A lokacin baya ko ban furta ba kina fahimtar abinda nake nufi saɓanin yanzu da gaba ɗaya kin sauya"

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Jinjinar ban girma da addu'ar neman da cewa.

Ya Salis M Reza

Ubangiji ya ƙarawa rayuwa albarka 🙏

Written by ✍️

Jagaban Jajirtattu

     (Ta Batulu)

Page 39 ~40

Amina ta yi shiru ta na mamakin abin da yake faɗa wai ita ce ma ta sauya.

Wayar Abba ta hau ringing shi ya katse abinda yake shirin faɗa ya ɗau wayar ya fita Umma ta gyara ɗakin ta sa turaren wuta.

Abba ya jima bai shigo ba Mama ta shigo ɗakin ganin Umma na zaune ko sallama ba ta yi ba ta nemi guri ta zauna ta na buɗe hanci ga hancin nata masha Allah ba a faɗi ɗayan ba.

Abba ya shigo ya na washe baki Umma ta kalle shi ta ce.

"Da alama an biya maka kujaran makkah?"

Abba.

"Uhmmmm ke dai bari kawai Nasser ne ya kirani wai sun haɗa kuɗi za su sai mun gida"

Umma.

"Alhamdulellahi ubangiji ya sanya alkhairi"

Abba.

"Sun kira ne su tambayeni a ina nake son gidan wai ko zan dawo gida ko kuma a nan"

Umma.

"To sai ka zauna ka yi nazari ka faɗa musu a inda kake so"

Abba.

"Ni ba gwanda su haɗa mun kuɗina su bani in ƙara a kasuwa ba"

Mama tayi karaf.

"Nima dai haka na gani ai kama taye su baka kuɗin bawai su ce za su siya maka gida ba"

Umma ta miƙe ta ce.

"Abban Shukrah bari inje ina son zan aiki Shukrah yanzu zan dawo"

Umma ta fita Abba ya kalli Mama ya ce.

"Yau banga Mimah ba ko lafiya"

Mama.

"Ta na bacci ne ba ta tashi ba kasan jiya bata samu ta yi bacci ba"

Abba ya yi kamar baiji abinda ta faɗa ba

Mama.

"Alhaji ina da magana da kai"

Abba.

"Kiyi sauri inajinki domin zan fita ne"

Mama.

"Daman ina son baka shawara ne game da su Shukrah"

Mama.

"Gaskiya ya dace kasa musu ido sosai domin ni yanzu idan na yi wata magana sai a ce dan bani na haifesu ba shiyasa ma ba zan ce komai ba"

Abba ya kalleta hankalin shi a tashe ya ce.

"Wani abun ki ka ga sunyi wanda bai dace ba?"

Mama.

"A'a kawai dai shawara na baka domin na ɗaukesu kamar yanda na ɗauki Mimah"

Ta na gama fadan haka ta tashi tayi waje tabar shi cike da zulumi.

Umma ta shigo ta same shi a wannan yanayin cike da damuwa take tambayar shi abinda ya faru.

Abba ya kalleta cike da tuhuma amman ya kasa ce mata komai yabar abin acikin zuciyarsa.

Abba ya ƙara shiryawa ya kalli Umma ya ce.

"Zan tafi kasuwa"

Umma.

"To baka bada kuɗin cefane ba kuma babu abinda za a dafa"

Abba ya ce.

"Banda kuɗi gaskiyar magana sai dai kuya haƙuri"

Umma.

"Duk lokacin da na tambayeka abinda za a dafa haka kake ce mun kullum baka dashi haba dan Allah harda karamun yaro kake azabatarwa da yunwa"

Abba.

"In da Aisha ta fiki hankali kenan domin in dai ta tambayeni na ce mata banda shi sai ta kwana biyu bata ƙara tambayeta ba"

Umma.

"Ai daman dole ta fini hankali a gurinka"

Abba.