Rayuwarmu Book One Complete Hausa Novel

"Ba kuɗi na ba ne."

Manaheer.

"Abba ka san menene.?"

Abba ya ɗaure fuska shifa ya riga ya gama kashe kuɗi jiya da daddare dan haka yau ya sha alwashin ko sisi ba zai bayar ba.

Abba.

"Kin sha maganinki.?"

Manaheer.

"Ai ban ci abinci ba."

Abba.

"Ita Umman ta ku amfanin mai take da ba za ta nema muku abin da za ku ci ba.?"

Manaheer.

"Na ji kaina ya fara ciwo bari in je in kwanta."

Abba.

"Ki tabbatar kin sha magani kar ki sa ni a sara."

Manaheer.

"In sha Allah."

Da ga haka ta fita bayan shigar ta ɗaki Umma ta miƙo mata ledar da Auwal ya kawo jiya waya ce a ciki sabuwa smart 8.

Manaheer ta yi murmushi ta jona a charge daman sun kawo wuta.

Umma ta shiga ɗakin Abba su kai sallama ya ba ta kuɗin cefanen dare, da rana ba girki saboda ya kashe kuɗaɗen shi jiya ga maganin Manaheer ga Amina 5k.

Bayan fitar Abba Amina ta fito tsakar gida ta na harare-harare.

Umma ta dama kunnin gyaɗa sukai breakfast da shi daga nan Manaheer ta sha magungunar ta sukai wanka su ka shirya sannan su ka dasa fira.

Auta na ba su labarin yan da Amina ta fita da rarrafe Manaheer har da hawaye saboda dariya, Umma ta na ciki ta na zuba turaren wuta a wani babbar leda.

Bayan Umma ta gama haɗawa, ta ba Daraini ta kaiwa matar da ta siya daga nan ta ba ta kuɗi ta yi cefane.

Manaheer ta yi shimfiɗa a tsakar gida ta na zaune su na fira Amina ta fito ta na ra ta ya jaka Mimah na bayanta an riƙo gyale a hannun gyalen ma yanzu an wuce level ɗin ya fawa sai dai a riƙo shi a hannu.

Manaheer sai da ta ba ri sun zo tsakiyar gidan ta ce.

"Big Anty ina kwana."

Amina.

"Da ban kwana ba za ki ganni."

Manaheer.

"Da ga abin arziki."

Amina.

"Manaheer wallahi idan kika ƙara shiga sabgata a cikin gidan nan sai na tijaraki."

Manaheer.

"Kamar ki na jirace da ni."

Mimah da ta ga abin ba na ƙarewa ba ne ta kama hannun Amina ta ce.

"Dan Allah Aunty Amina ki rabu da ita ki zo mu wuce."

Da ga haka su ka yi waje Shukrah da ta zauna ku sa da Manaheer ta ce.

"Wai dan Allah ba za ki dai na shiga sabgar da babu ruwanki ba.?"

Manaheer.

"Aunty Shukrah wani irin anko kike ganin ya da ce mu fitar."

Shukrah ta yi banza da ita daga nan su ka cigaba da fira da Auta, har lokacin da Daraini ta kawo cefane macaroni Shukrah ta dafa suka ci da rana.

Bayan sun gama cin abinci Abba ya kira waya ya ce Shukrah ta raka Manaheer chemist ayi mata allura.

Manaheer na jin maganar allura ta yi tsalle ta ce.

"Wallahi ta warke."

Umma ta yi ta yi amman Manaheer ta ce.

"Ta ji sauƙi."

Mama ta fito sanye da hijjab ta kulle ƙofa ta fita.

Kuɗin cefanen da Abba ya bayar Umma ta miƙawa Shukrah ce.

"Ga yi nan kuyi cefane ku ɗaura, idan kun gama ba sai kun kirani ba."

Shukrah ta karɓi kuɗin su ka yi kamar yan da ta ce tuwon shinkafa miyar kuɓewa ɗanye.

Da daddare Abba ya na zaune a na fira ya kalli Umma ya ce.

"Manaheer ta je an yi alluran.?"

Tun kafin kowa ya yi magana Amina ta ce.

"Ba ta je ba."

Manaheer ta yi murmushi Abba ya ce.

"Shukrah ɗauko hijjab ki ra ka ta."

Abba ya na rufe baki yaro ya yi sallama ya ce.

"A na kiran Shukrah a ƙofar gida."

Abba ya kalli Daraini ya ce.

"Ta shi ki ra ka ta."

Shukrah ta ɗau carpet ta fita Manaheer ta na tura baki su ka tafi chemist, bayan sun fita Abba ya ce.

"Gobe idan Allah ya kai mu za a fara gyaran gidan nan."

Mama.

"To mu kuma a ina za ka a'je mu."

Abba ya yi banza da ita ya ce.

"Za a fara da ɗaki na idan an gama sai ɗakin Amina."

Mama dai ba haka rai ya so ba su na nan zaune Manaheer ta shigo Daraini na bin bayanta ta na dariya.

Abba ya sallami kowa ya shige ɗaki ƙarfe 9 dai dai Shukrah ta shigo.

Sai da su ka zo kwanciyya Shukrah ta ce.

"Umma wai Hamza ya matsa sai na je na gai da hajjiyar su."

Umma.

"To mai ki ke ce mishi.?"

Shukrah.

"Ba zan iya zuwa ba shine ya ce in tambayeki."

Umma.

"Ni dai ban amince ki je ba."

Manaheer ta riga kowa bacci da ga nan su ka yi alwala su ka kwanta asuba gari.

Bayan wani lokaci har an gama gyara ɗakin Abba a na gyara ɗakin Umma  yanzu haka gidan da ga Mama da ƴarta sai Amina.

Umma ta roƙi Abba su ka tafi Saminaka shi ma da ƙyar ya bari da sharaɗin a na gama gyaran ɗaki za ta dawo.

Umma a gidan iyayenta ta sauka gidan akwai ƙanin mahaifinta a zaune, hasalima Umma ta matsa mishi a kan sai sun dawo nan da zama shi da yalanshi.

Aunty Maryam ta zo sun jima su na fira zuwa yamma ta tafi, ɗakin da Umma ta sauka ciki da parlour ne sai toilet a ciki.

Kwanan su uku Aunty Fatima ta zo da ƙaton cikinta haiwuwa yau ko gobe, zuwa yamma driver ya zo ɗaukarta.

"Shukrah haɗa kayanki mu tafi." Cewar Anty Fatima.

Umma za ta ga ya wa Abba Anty Fatima ta ce.

"Wallahi ki na ga ya mishi ba zai yar da ba."

Haka nan Umma ta rufe baki su ka tafi, bayan tafiyan su da kwana biyu Aunty Rabi'a ta zo ta yini su kasha fira da Manaheer.

Zuwa dare Umar ya zo bayan sun gaisa da Umma ya sauke musu kayan abinci, taliya shinkafa macaroni kayan tea da sauran kayan buƙata na rayuwa, da ga nan ya ɗauki matar shi.

Washe gari Umma ta shirya su ka tafi gidan Inna, bayan sun gaisa Inna ta ce.

"Ita Shukrah ta girma yanzu babu ruwanta da mutane."

Umma.

"In sha Allah ta na nan zuwa."

Zuwa sallar azahar Umma ta yi musu sallama ta tafi gida,

Tsakanin gidan su da gidan Inna babu nisa dan haka a nan tabar Daraini da Manaheer.

Bayan sun yi sallah su ka zauna su na fira,

Inna ta harari Manaheer ta ce.

"Kin wani zura mun ido kamar mayya."

Manaheer.

"Astagfirullah Inna ko ni mayyace ai jikinki babu tsokar da zai isheni."

Daraini ta yi dariya su na cikin haka Isma'eel ya shigo, duk da cewa bawai sun saba dashi sosai ba ne,

Amman su babu ruwansu kowa na su ne.

Manaheer ta washe baki ta ce.

"Barka da zuwa uncle."

Isma'eel.

"Saukar yaushe.?"

Manaheer.

"Mun kwana biyu da zuwa."

Su ka gaisa ya gaishe da Inna da zai fita ya ce.

"Manaheer ɗauko hijjab ki biyo ni."

Bayan fitan su Daraini ta ce.

"Ni fa yunwa na ke ji."

Inna.

"Aiko ba ni da komai a ɗakin nan."

Daraini.

"Ai ko gida za mu wuce yanzu."

Inna.

"Babu inda za kuje sai kun yi mun wanki da girki."

Daraini.

"To idan mun gama mai za ki bamu, tun da kin ce ba ki da abinci."

Inna.

"Yanzu wankin ma sai na biya ku saboda gantalewa.?"

Daraini ta yi kwanciyarta ta na danna wayar Umma, Manaheer ta yi sallama ta shigo hannunta ɗauke da manyan ledoji guda biyu.

Bayan ta zauna Daraini ta buɗe ledojin kaji ne a ciki guda biyu manya sai kayan miya da kayan cefane,

Ɗayar ledan kuma sweet biscuits drinks da sauransu.

Daraini ta ce.

"Gaskiya uncle ɗan aljanna ne."

Inna da ta ji haushin kayan da Isma'eel ya bayar ta ce.

"Ni kuma dan uban mutum ya kai ni wuta."

Manaheer ta yi dariya suka gyara kayan miya su ka niƙa a greater Daraini ta ɗaura miya.

Inna ta zauna a tsakar gida ta kasa ta tsare.

Manaheer ta ce.

"Inna ba ki bayar da shinkafar da za a dafa ba."

Inna.

"Idan Aliyu ya kawo sai ki zo ki ɗiba."

Manaheer ta yi dariya ta ce.

"Shi ma lokacin ya na da shi ai ya na bayarwa, ba tare da an tambaya ba."

Inna ta yi banza da ita har suka gama miya Inna ta hana shinkafar da za su dafa.

Su ka yi alwala su kai sallahr la'asar daga nan,

Manaheer ta ɗauko babban flas guda biyu ta raba miyan biyu ta zuba wa Inna ɗaya ta juye musu ɗaya.

Su ka gyara gurin sannan su ka ɗau miyar Manaheer ta ɗau ledarta suka yi wa Inna sallama su ka tafi,

Inna baƙin ciki kamar ya kasheta amman haka ta daure ta buɗe flas ɗin da Manaheer ta a'je mata, miya ne ya ji kaji sai tashin ƙamshi ya ke Inna ta ce.

"Da na sa ni na ba da shinkafar ko gwangwani 4 ne su dafa,

yanzu ina zan samu abin da zan haɗa da wannan miyar."

Inna ta ɗau flas ɗin ta shiga ɗaki ƙarshe dai da bread ta ci ta haɗa da tea.

Bayan sun fita da ga gidan Inna Daraini ta ce.

"Amma tsowuwar nan ƴar bala'i ce."

Manaheer.

"Har da rikicin tsufa ke damunta."

Bayan sun shiga gida Umma na zaune ta na yan kewa Auta ƙumba.

Manaheer ta a'je flas ɗin hannunta Daraini ta fara buɗe flas ɗin da ake a'je abinci.

Shinkafa ne white aciki Umma ta ce.

"Lafiya."

Daraini.

"Yunwa mu ke ji."

Umma ta ci gaba da abin da ta ke,

Manaheer ta ɗauko plate su ka cika da shinkafa daga nan ta janyo flas ɗin da ta zo da shi, ta zuba miya su na ci su na firan Inna.

Bayan sun gama cin abinci Manaheer ta miƙawa Umma ledar da ta shigo dashi.

Umma ta amsa ta buɗe bayan ta ga abin dake ciki Manaheer ta miƙa mata flas ɗin da su ka shigo da shi.

Umma ba ta yi mamakin hanasu abincin da Inna ta yi ba domin halin Inna babu wani sabon abu a ciki.