Rayuwarmu Book One Complete Hausa Novel

Umma ta yi murna sosai Khadija ta ɗauko wani ledar a cikin akwati ta miƙawa Umma ta ce.

     " Kayan Mimah da na Auta a ciki."

Umma ta amsa ta buɗe ta ciro na Auta shadda ne yasha aiki harda babban riga ta a'je a gefe ta ce Shukrah juye namar ki ɗibarwa Abbanku da Mama.

Shukrah ta amsa Auta ya ɗauko plate da ƙaramin flas ta zubawa Mama a plate Abba a flas Umma ta ce.

"Khadija ɗauka ki kai wa Maman ku."

Khadija ta ɗauko ta kalli Manaheer ta ce.

"Dan Allah zo muje ki raka ni."

Manaheer ta bita suka fita Umma ta yi hakan ne saboda Khadija ba taje sun gaisa da Mama ba.

Daga nan ta raba taba kowa bayan sallahr isha'i suka yi shimfiɗa a tsakar gida harda Abba a na zaune a na fira Mimah ta fito da hijjab ta yi hanyar zaure Abba ya ce.

"Ina za ki je?"

Mimah duk ta bi ta ruɗe kafin ta samo amsar bayarwa Mama ta yi saurin fitowa daga ɗaki ta ce.

"Magani za ta karɓo mun a chemist."

Abba.

"Tun ɗazun ba ki san da hakan ba sai yanzu.?"

Mama.

"Yanzu na ji ciwon ya taso mun sosai dan Allah ka barta ta je."

Abin da ba su sani ba tun fara maganar su Mimah ta fice daga gidan.

Mama da ƙyar ta shawo kan Abba ya yarda amman da sharaɗin karta daɗe Mama waigowar da za ta yi ba Mimah ba alamarta Abba ya kaɗa kai Mama ta shige ɗaki jiki a sanyaye.

Zuwa 10 kowa ya watse Umma a ɗakin Abba ta kwana Manaheer da Khadijah su kaɗai su ka ji dawowar Mimah domin sun daɗe su na fira.

Lokacin da Abba ya tambayi Mama cewar "Mimah ta dawo.?"

Cewa ta yi ai ta daɗe da dawowa kuma ya san ba ta dawo ba kawai ya tambaye ne ya ga iya gudun ruwanta.

Ya kulle ƙofar gida ya shige ɗaki itama ta shige ɗaki 12:30am Mimah ta dawo kuma ta tabbatar lokacin sun kulle gida sai ta kira Mama a waya lokacin da Mama ke buɗe kofa Manaheer ta ji motsin taɓa ƙofar gidan.

Manaheer sai da ta bari sun shigo tsakar gida ta fita da ƙaton tocligh ta haske tsakar gidan ta na cewa.

"Subhanallahi waye ya shigo da tsakar daren nan."

Mama da takaici ya isheta ta ce.

"Uwarki ce shegiya munafuka."

Manaheer.

"Ashe ƴar lelane ta dawo makaranta."

Cewar Manaheer ta na dariya ganin Mama ta nufo ta yasa ta shige ɗaki da gudu ta kulle.

Khadija na kallon abin da ke faruwa ta na dariya da ga haka su ka kwanta bacci.

Mama ta yi ƙwafa ta ce.

"Zamu haɗe da ke wallahi za ki gane ba ki da wayyau."

Asuba ta gari.

Bari mu leƙa gidan Inna muga irin wainar da suke soyawa ita da ƴarta.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Written by ✍️

Jagaban Jajirtattu

   (Ta Batulu)

Ina taya ɗaukacin al'ummar Annabi Muhammad murnar shiga watan maulud ubangiji ya bamu albarkar dake cikin wannan watar🙏

Page 61~62

Tun bayan rasuwar Baffa Inna ta matsa sai da aka raba gado ta amshe nata da na ƴaƴanta duk da hakan Abba ya dau nauyin gidan lokacin da ya samu karayan arziki nauyin gidan ya koma kan uncle Nasser komai shi yake yi daga baya Umar ya shigo ciki tare suke yin kowani irin hidima ya taso a gidan.

Ban da Isma'eel domin ko sun tambaye shi abu cewa yake yanzu kasuwar babu ciniki Isma'eel haushin Amina ya ke ji shi ya sa ba ya yiwa Inna komai.

Har wannan lokacin Inna ba ta ƙaunar ƴaƴan Mama duk da ubangiji ya nu na mata gaskiya.

Amman ita gani take asiri aka yi wa Isma'eel shiyasa ba ya tausaya musu Amina sai aukin tara zawarawa amman har yanzu ba ta samu wanda ya yi mata ba a cewar ta mijin da yafi na Fatima kuɗi za ta aura.

Ackin wannan ya na yin Inna ta ce wa Amina.

"Zama guri ɗaya lalura ne gwara ki ɗan dinga ziyarar ƴan uwanki ko Allah zai sa ki sa mu miji"

Duk da cewar Amina ba ta zama a gida gaba ɗaya yau ta na gidan suna gobe ta na gidan biki.

Inna ta ce.

   "kishirya ki je gidan Aliyu ko kwana biyu kiyi"

Amina ta ɓata rai ta ce.

  "Haba Inna ta ya ya zanje gidan ya Aliyu bayan yanzu babu wannan kuɗin da ya ke gadara da shi ni dai gaskiya ba zanje ba"

Inna ta ce.

  "To kar ki je ki zo mu zauna a gidan tun da na ga zaman gidan bai isheki ba"

Amina.

   "Gaskiya ba na son zuwa gidan ya Aliyu ko dan wancan mara kunyar yarinyar"

Inna.

"Ai idan kinje gyara mata zama za kiyi domin ina da labarinta a gurin Aisha"

Amina.

"Ina laifin ki ce inje gidan Fatima ko gidan ya Nasser"

Ina ta tashi ta shige ɗaki Amina ta bi bayan ta daga nan su ka shirya yanda za a yi.

Amina ta je gurin bokan da yake musu aiki ya ba ta maganin farin jini ta na dawowa ta zuba ɗaya a turare ɗayan kuma ta kwaɓa lalli da shi.

Da daddare ta siyo sticker ta manna asuba ta gari.

Gidan Abba.

Da safe tun kafin yaran su tashi Umma ta gama breakfast a cewarta sun sha aiki da yawa.

Bayan sun yi breakfast su ka gyara gidan Umma ta na zaune a ɗakin Abba su na fira Abba ya ce.

"Anjima masu gyara zasu zo"

Umma.

"Allah ya kawo su lafiya"

Daga nan Abba ya tafi kasuwa Umma ta koma cikin yaran ta suna ta fira.

Lokacin ɗaura girki suka haɗu dukansu harda Khadija su kayi dambun kuskus ya sha kayan lambu bayan sun gama su ka ƙara shiryawa su ka yi sallah sannan suka zauna cin abinci Khadija tana ta santi.

Suka gama cin abinci Manaheer ta gyara gurin sallama su ka ji a ƙofar gida Umma ta ce.

"Auta jeka dubo ko masu gyara ne"

Auta ya fita bai jima ba ya dawo ya ce.

"Wai masu gyara ne zasu duba guri"

Umma ta ce.

"Jeka shigo da su"

Suka shigo suka gama ganin gidan sannan babban cikin su ya kalli Auta ya ce.

"Kira mun Mamanka"

Umma ta fito bayan sun gaisa mai gyara ya ce.

"Zamu ɗan duba cikin ɗakunan ku idan ba damuwa"

Umma cike da mamaki take kallon mai gyaran domin Abba bai gaya mata cewar harda ɗakunan su za a gyara ba.

Umma ta koma ɗaki ta gayawa yaran su shirya masu gyara za su shigo duba guri.

Yaran duka suka fita tsakar gida Auta ya musu jagora har cikin bedroom bayan sun gama gani ta buɗe musu ɗakin Abba nan ma suka gani suka fito suka tafi ba tare da sun duba ɗakin Mama ba.

Cike da mamaki Shukrah ke tambayar abin da ke faruwa Umma ta faɗa musu yanda su ka yi da Abbansu kafin ya fita.

Mama ta fito daga ɗaki tana ƴan waƙe -waƙen da ta saba Umma ta shige ɗaki yaranta suka take mata baya.

Bayan sallahr isha'i Abba ya na zaune a tsakar gida shi da iyalanshi gaba ɗaya suka haɗu su kaci abincin dare harda Mama da ƴarta.

Bayan sun gama cin abinci yaran suka gyara gurin suka zauna aka cigaba da fira Abba ya kalli Umma ya ce.

"Nayi suriki fa."

Umma ta ce.

"Wani surikin ka ƙara yi?"

Abba.

"Ɗazun bayan na je kasuwa wani matashi mai suna Salisu ya same ni kan cewa ya ga ɗaya daga cikin yarana yana so."

Mama.

"Uhmmmm"

Abba.

"Shine yazo neman izinin magana da ita idan ban yi mata miji ba"

Abba.

"Kuma na bashi dama gobe idan Allah ya kai mu zai zo su ga juna"

Umma.

"Allah ya sanya alkhairi."

Mama.

"Baka faɗa mana wanda yake so ba"

Abba ya yi dariya ya ce.

"Idan ya zo gobe idan Allah ya kai mu za kuga wanda yake so."

Daga haka firan ya watse Mama ta kama hannun ƴarta suka shige ɗaki.

Bayan shigar su ɗakin Mama ta ce.

"Na san ma kece ya gani ya na so ba wata ba saboda duk cikin su kin fisu iya kwalliya da iya magana"

Mama taci gaba da cewa.

"Kuma kina kwalliya ki yafa gyale su kuma kullum yawo da hijjab kamar matan limamai"

Mimah ta yi dariya Mama ta ce.

"Idan baka sa gyale ba ta ya ya mazan za su ganka har suce su na sonka"

Daga nan suka fara shirye-shiryen taron baƙo.

Umma bayan sun koma ɗaki ta yi musu sai da safe ta tafi ɗakin Abba Manaheer ta kalli Shukrah ta kwashe da dariya Shukrah ta ce.

"Kefa wani lokacin baki da isashen lafiya."

Darraini ta yi dariya ta ce.

"Allah ya shirya ki Manaheer"

Khadija ma ta hau dariya Shukrah ranta ya ɓaci ta ya ya zasu sata a gaba da dariya kamar ta zama mahaukaciyya.

Shukrah ta ce.

"Wai dan Allah me ya sa kuke mun dariya?"

Manaheer.

"Saboda kece wanda Abba yaƙi faɗa mana ko wacece"

Shukrah.

"Uhmmmm ni kuma na san ba ni ba ce"

Su ka dage akan cewa itace amman Shukrah taƙi yarda data ga suna son sa mata ciwon kai ta shige bedroom ta rabu da su.

Ganin ta basu guri suma suka bita bayan kowacen su ta yi alwala har Khadija.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Happy maulud masoya manzon Allah s a w ubangiji ya bamu albarkar dake cikin wannan watan 🙏

Written by ✍️

Jagaban Jajirtattu 🥰

   (Ta Batulu)

Page 63~64