Rayuwarmu Book One Complete Hausa Novel

Amina ta shige toilet Manaheer ta wuce ɗaki shigarta ɗaki bada jimawa ba Amina ta yi sallama ta shigo hannunta ɗauke da flas ɗin abinci Umma na zaune a two seater.

Darraini na zaune kusa da Umma Manaheer Khadija Auta suna zaune suna game a wayar Umma.

Darraini ta miƙe ta shige bedroom Amina ta zauna kusa da Umma suka gaisa ta yi mata ya gajiyan hanya daga nan ta aje flas ɗin hannunta.

Shukrah ta fito suka gaisa Amina ta ce.

"A na nan zaune a gida ba aure."

Manaheer.

"Big Aunty aure lokaci ne."

Amina.

"Ke kuma waya ambaci sunanki.?"

Manaheer.

"Ni naji kamar kin ce Manaheer a na nan zaune a gida ba aure."

Amina ba ta ce komai ta yi waje Umma ta ce.

"Manaheer dan Allah ki rufa mun asiri ki fita daga sabgar Amina."

Manaheer.

"Umma ita har ta na da bakin yiwa mutum gorin aure shekarunta nawa ba auren."

Umma.

"Ni dai ki fita sabgarsu dan Allah."

Manaheer.

"In sha Allah."

Shukrah ta shige bedroom ko kallon abincin ba su yi ba har zuwa bayan isha'i lokacin Abba ya dawo.

Kamar kullum an shimfiɗa tabarma su na zaune bayan sun gama cin abinci Mimah an sha kwalliya da lalli Abba ya kalli Amina ya ce.

"Amman ba gobe za ki koma ba .?"

Amina.

"Zan ɗan kwana biyu."

Mimah ta shige ɗaki ta fesa turare ta dawo ta zauna Manaheer ta yi murmushi yaro ne ya yi sallama ya ce.

"Wai a na sallama da.........?

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Allahumma Sali Ala Sayyadina Muhammad Wassalim 🥰

Written by ✍️

Jagaban Jajirtattu

   (Ta Batulu)

Gaisuwar ban girma Anty Lele 🥰 Allah yaqara wa rayuwa albarka🙏

Sis Prettyn Jajirtattu ƙawar alkhairi ubangiji yaƙara basira 🙏

Page 65~66

Mama ta yi saurin cewa.

"Ga ta nan zuwa." Tun ba ta jira abin da yaron zai faɗa ba.

Abba ya kalli yaron ya ce.

"Wane aka ce ka kira.?"

Yaron.

"Shukrah."

Da ga haka yaron ya yi waje Mama hankalinta ya ta shi Manaheer ta yi dariya Umma ta harare ta Abba ya kalli Shukrah da ba ta da niyyar ta shi ya ce.

"Ba ki ji abin da aka ce ba.?"

Manaheer ta kama hannunta su ka shige ɗaki Mama ta kama hannun Mimah su ka shiga ɗaki bada jimawa ba Shukrah ta fito ta kalli Umma.

Umma ta yi murmushi Shukrah ta fita Amina ta ta shi ta shiga ɗakin Mama da ga nan taro ya watse.

Mama hankalinta ya tashi Mimah an sha kwalliya da lalli Amina ta shigo ta kalli Mama ta ce.

"Daman wancan yarinyar ta na da saurayi."

Mama.

"Aa ba ta da kowa."

Amina.

"Wanda ya aiko kiranta fa.?"

Mama cike da takaici ta yi banza da ita Amina ganin haka ba ta ƙara cewa komai ba ta shige bedroom ta yi kwanciyarta Mama ta bi bayanta da harara.

Mimah.

"Yanzu ki na ganin abin da Abba ya yi amman kin ka sa cewa komai."

Mama.

"Kwantar da hankalinki shalele ba dai ki na son shi ba.?"

Mimah  ta ce.

"Bari in leƙa in duba saurayin sannan kuma in duba irin motar da ya zo dashi."

Mama ta ce.

"Tunani mai kyau."

Mimah ta sa turare ta yafa gyale ta fita daidai lokacin da Auta ya fito da jug ɗin ruwa Mimah ta tsayar da shi ta tambaye shi wa zai kai wa ruwa Auta ya ce.

"Aunty Shukrah zan kai wa."

Mimah ta amshi ruwan ta ce.

"Jeka abinka."

Auta yaƙi yarda Manaheer dake tsaye a bakin ƙofa tun fitowar Auta ta ce.

"Auta ba ta jug ɗin ka dawo."

Auta ya sakin mata plate ɗin da aka ɗaura jug a kan Shi.

Mimah ta harari Manaheer ta yi waje bayan ta shiga zauren harda sallama Shukrah da baƙon su na zaune a saman wani carpet wanda Abba ya shimfiɗa tun bayan da ya shigo gida domin ko Shukrah a kai ta samu baƙon.

Mimah ta gaishe shi ta a'je plate ɗin ta yi waje 5 minutes ta dawo ta shige ɗaki Mama.

"Wani irin mota ki ka gani.?"

Mimah ta yi dariya ta ce.

"Ko keke ban gani a ƙofar gida ba."

Mama ta yi tsaki ta ce.

"Har yanzu ki na son shi.?"

Mimah.

"Allah ya kiyaye na barwa Shukrah."

Mama ta yi dariya su ka tafa kamar ba ƴa da uwa ba.

Shukrah ba ta jima ba ta dawo hannunta ɗauke da carpet da plate mai ɗauke da jug ta shiga ɗaki dukkan su a parlour ta same su Manaheer ta fara tsokanarta Darraini na tare mata Shukrah bedroom ta shige Umma ta kalli Manaheer ta ce.

"Allah ya shirya mun ke."

Daga haka ta bi bayan Shukrah ta same ta zaune a saman gado ta na ta zabga murmushi Umma ta yi farin ciki da ganin haka.

Umma ta zaune tun kafin ta tambaye ta Shukrah ta fara gaya mata yanda su ka yi da saurayinta mai suna Hamza.

Shine wannan da ya yi mata siyayya lokacin da aka kwantar da Manaheer a hospital Umma ta yi na'am da shi duba da yanda ya samu shiga a gurin ƴarta.

Bayan duk sun kwanta bacci Shukrah idonta biyu Manaheer daman ba ta bacci da wuri ta kalle ta.

"Soyayya ruwan zuma."

cewar Manaheer Shukrah ta lumshe ido kamar ta na bacci Manaheer ta gaji da surutun ita ma ta kwanta a haka har bacci ya kwashe su.

Kwana biyu da faruwan hakan masu neman auren Shukrah sun kawo kayan sa rana kamar yanda Abba ya buƙata.

Abba ya zauna da ƴan uwanshi su ka tsaida lokaci 5 month Mama sai habaici take za su ga abin da Umma za ta ƙulla.

Umma ta toshe kuninta kamar ba ta jiba hutun Khadija ya ƙare Umma ta haɗa mata kaya daidai gwargwado Abba ya kai ta ta sha ta hau mota.

Bayan kwana biyu Umma ta ci gaba da sana'ar sai da turare sosai ta ke samun ciniki Shukrah saurayinta ya sai mata babban waya smart 9 yanzu har ta online Umma na sai da turare.

Har yanzu Mama ba ta san wanda Shukrah za ta aura ba ita da Amina gani suke Abba ya samo talaka ne ya bashi sadakarta.

Hamza duk lokacin da zai zo zan ce gurin Shukrah bai taɓa zuwa da ko keke ba kullum a ƙafa ta ke ganin shi farkon haɗuwar su ma a ƙafa ta ganshi.

Kayan sa ranar da ya kawo ba wasu na arziki ba ne shi ya sa Mama habaici ya ƙaru Umma babu ruwanta ita babbar addu'arta Allah ya sa ya zamo miji na gari ita ƙyale ƙyalen duniya ba sa burgeta.

Su na zaune su na fira a tsakar gida Amina ta fito daga ɗakin Mama ta kalli Manaheer ta ce.

"Wanki na ya taru."

Manaheer.

"A kira miki almajirin ƙasan layin mu ya iya wanki sosai."

Amina.

"Kin ji na yi miki maganar almajiri.?"

Manaheer.

"Na ji kamar kin ce mun a ina ake kai wankin kaya."

Amina.

"Ba na son iskanci ya ina miki magana ki na mayar mun da amsa kai tsaye."

Manaheer.

"Allah ya wuci zuciyar Umma."

Amina.

"Idan kin ga dama ki biyo ni ki kwashi wankin nawa kuma wallahi idan ki ka wanke bai fita ba sai kin sake wanke su."

Manaheer ta sa ki baki ta na kallon Amina Umma na ɗaki ta na kwance ba ta san abin da ke faruwa ba.

Amina ta yi gaba ta na tunanin Manaheer ta biyo ta yaron ya da ya yi sallama shi ya ɗauke mu su hankali.

"A na kiran Manaheer a waje." In ji yaron Shukrah ta ce.

"Ga ta nan zuwa."

Manaheer ta sa hijjab ta yi waje Darraini ta yi dariya Shukrah ta ce.

"Manaheer sai dai shiriyan ubangiji."

Bayan fitan Manaheer ta kalli Auwal sama da ƙasa ta ce.

"Dan Allah mallam karka sake zuwa gidan nan domin wallahi na ga ji da kawaicin da na ke maka."

Auwal.

"Subhanallahi waya ɓata ma gimbiyata rai za ta sauke fushin a kaina.?"

Manaheer.

"Wane ma sunanka.?"

Ta tambaye shi cike da rainin wayyau Auwal.

"Yanzu sunan mijin na ki ma ba ki sa ni ba wannan ai abin kunya ne."

Manaheer.

"Karka ɓata wa kanka lokaci tun wuri ka nemi matar aure amman ba ni ba domin wallahi ban isa aure ba."

Auwal.

"Kar ki damu gimbiyata ni ma ban isa aure ba wallahi hajjiya ce ta takura mun amman guda nawa nake ɗan yaro na da ni."

Manaheer.

"Hanji ne kai ba yaro ba."

Auwal.

"Duk da ban san dalilin ɓacin ran ba amman dan Allah a sassauta mun gimbiyata."

Manaheer ta na shirin magana Abba ya shigo zauren Auwal ya ɗuka ya gaishe shi Abba ya miƙawa Manaheer makullin ɗakin shi ya ce.

"Duba cikin drawer ki ɗaukon mun wasu takardu."

Manaheer ta amsa ta fita har za ta shiga ciki ta ji abin da Abba ya ke cewa da sauri ta dawo ta tsaya ta in da ba za a ganta ba.

Abba ya kalli Auwal ya ce.

"Ba na son yawan zance idan ka koma ka turo mun iyayenka mu tsaida maganar aure."

Auwal ba ki har kunni Manaheer ta na gama ji ta shige ɗakin Abba ta ɗauko ta kawo mishi Abba ya karɓa ya na ƙara jadaddawa Auwal cewa kar ya manta.

Bayan fitan Abba Auwal ya kalli Manaheer ya ce.

"Amaryata."

Manaheer ta shanye ɓacin ranta ta yi murmushi cike da yaudara ta ce.

"Yaushe za ka turo iyayenka."

Auwal.

"Daman na san ki na sona gimbiyata ni ko yanzu ki ka ce a shirye na ke."

Kafin Manaheer ta bashi amsa Amina ta shigo zauren ko gyale babu ta ce.

"Zo ki wuce ki yi aikin da na sa ki." Manaheer ta ce.

"Yanzu zan zo."

Amina ta tsaya ta ce.

"Sallame shi mu wuce."

Manaheer ta kalli Auwal ta ce.