Rayuwarmu Book One Complete Hausa Novel

Mimah ba tace mata komai ba ta fisge jikinta ta shige ɗakin su,

Darraini ta yi dariya ta ɗaga murya ta ce.

"Amman fa Mimah sai kin gasa bakinki da ruwan ɗumi"

     Umma ta kalli Darraini ganin kallon da Umma take mata yasa tai wuf ta faɗa ɗaki tana ƙunshe dariya.

Ta na shiga ta samu Shukrah a saman darduma ta idar da sallah ta na jan casbih.

Darraini ta kalli Shukrah ta kwashe da dariya sister a na ta lazimi kenan Shukrah ba ta ce ma Darraini komai ba taci gaba da jan casbihn ta.

Suna cikin haka Umma ta shigo ita da Manaheer Umma na gaba Manaheer na baya.

    Ganin Umma ta shigo yasa Darraini ta yi shiru Manaheer ta ɗauki hijjab ɗin Umma taje gefen Shukrah ta tayar da sallah.

Darraini na ganin hakan ta tashi da sauri ta fita taje ta ɗau buta ta sake sabon alwala.

Ta shiga ɗaki ta samu Umma zaune akan kujera Darraini na ganin Umma ta zauna sai ta kau da fuska kar Umma tai mata magana

Umma tayi kamar bata ganta ba.

               Darraini ta matsa kusa da Shukrah ta ce.

"Sister ɗan matsamun in yi sallah."

Shukrah ta ɗago ta watsama Darraini harara sannan ta tashi.

Ta koma kusa da Umma ta zauna a ƙasa.

Umma ta kalli manaheer da ta idar da sallah.

Manaheer ta zo ta zauna kusa da Shukrah.

Umma tayi shiru ba ta ce komai ba.

Auta ya shigo da sallama suka amsa suka amsa mishi ya shigo ya kwanta a jikin Manaheer .

Umma ta kalli Auta ta ce.

"Daga Ina kake domin na san ba daga masallaci kake ba?"

"Bayan an idar da sallah banga Bashir a massallaci ba shine na je gidansu na duba shine na ga baida lafiya cewar Auta"

Umma najin hakan ta maida dubanta gun Darraini.

Ta na lura da ta idar da sallahn amman taƙi sallamewa Umma ta yi murmushi. 

   " Baki idar da sallahr bane?" cewar Umma ta na kallon Darraini.

Darraini bata ce komai ba ta zo ta zauna kusa da Manaheer.

   Umma ta kalli Shukrah ta ce.

"Zan fara ta kanki saboda duk kinfi su laifi.

"Yanzu a matsayin ki na babba ya dace abin da ki kayi?"

Dukan su suka duƙar da kai ƙasa.

Umma taci gaba da cewa " Nayi tunanin ke mai tsawatarwa ne a garesu bamai sawa suyi ba"

"Idan kinga su nayin abin da bai dace ba sai ki tsawatar musu a matsayin ki na babba"

"Amman abun takaici kece mai sawa suyi kuma kece mai basu umarni"

"Kin bani kunya kuma kin bani mamaki wallahi Shukrah a kan hakan zan saɓa miki ba zaki barni da abin surutu ba ku bakwa gudun abun magana a rayuwarku?"

  "Yanzu a kan abinda kuka aikata kun san abin da zai je ya dawo kuma kun san a kaina komai yake ƙarewa"

Maiyasa idan za kuyi abu bakwa tsayawa ku yi tinani maiyasa bakwa tausayin halin da muka tsinci kan mu aciki" Umma ta na magana muryanta cike da rauni?,

     Manaheer ne tai ƙarfin halin cewa " Kiya haƙuri Umma in sha Allah ba za mu ƙaraba"

"Dan allah kiya haƙuri" cewar Darraini.

Auta ma ya ce.

"Umma sun ce kiya haƙuri ba zasu sake ba"

"Dan allah ki yafe mana ɓata miki ran da mu kayi in sha Allah allah hakan ba zai sake faruwa ba" cewar Shukrah fuskan ta ɗauke da hawaye.

Umma ta nu na ma kowa kuskurenshi kuma sun yi mata alƙawarin ba zasu sakeba, 

Darraini ta kalli Umma ta ce.

"Nifa cikina yana ciwo"

Shukrah ta watsama Darraini harara.

Kije saman gado ta gefen pillow ɗina za kiga ɗari biyar ki ɗauko kije ki siyo garin kwaki da sugar cewar Umma.

Darraini ta je ta ɗauko ta zo zata fita Auta ya tashi ya bita suka fita tare.

Shukrah ta tashi ta je ta ɗauko bucket ta zuba ruwa ta shiga toilet ta watsa ta fito.

Ta buɗe wardrobe ɗin kayan su wardrobe ne mai ƙofa huɗu ta buɗe na farko ta ɗauko doguwar riga na yadi tasa.

Ta fito parlour tazo ta zauna kusa da Umma Manaheer ma taje ta watsa ruwan ta sanja kaya.

   Umma na zaune da casbih a hannunta Auta ya shigo bayan ya yi sallama.

Ya zauna kusa da Umma

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT

  RAYUWAR MU

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by

Jagaban Jajirtattu 🥰

(Ta Batulu)

*Page 3~4

Darraini ta yi sallama ta shigo hannunta riƙe da baƙar leda ta a'je ta fita sai ga ta da kwano mai ɗan faɗi.

Ta juye wannan garin a ciki ta ɗauka ta fita.

  Ba ta jima ba ta dawo hannunta ɗauke da spoons ta zuba sugar ta sa spoon ɗin aciki ta zauna.

Duk abin da take Umma na zaune ta na kallonta.

   Auta ya sauko ya zauna a ƙasa Manaheer ta zauna kusa dashi.

Darraini ta zauna kusa da Auta su kai bismillah suka fara sha.

Shukrah na hakimce a gefe ta na kallon su ko alamar tashi babu a tare da ita.

   Umma ta kalli Shukrah ta ce.

"Hala kin ƙoshi ?"

Shukrah ta turo baki ni ba naci.

Gaya mun abin da kika ci tin da kika dawo?

Cewar Umma.

Shukrah tayi shiru Umma ta ce.

"Ki tashi ko kuma yanzu ranki ya ɓacci."

           Shukrah ta tashi ta na turo baki ta je kusa da Darraini ta zauna.

Ta ɗau spoon dama saura ɗaya ne.

Ta naci ta na ya mutsa fuska spoon ɗaya tayi ta mayar dashi ta a'je.

  Manaheer tayi waje bayan ta ɗau buta ba ta jima ba ta dawo ta zauna kusa da Umma.

Darraini ma ta tashi taje ta zauna kusa da Manaheer

Shukrah ta tashi ta ɗau buta tayi waje Umma tayi ƙwafa ta dawo da kallon ta kan Auta.

Ta ce

"Auta meke damun Bashir na ji kace bai da lafiya?"

Kafin Auta ya ba Umma amsa sukaji hayaniya na tashi a tsakar gida.

Umma ta ce.

"Allah ya kyauta"

Manaheer zata fita Umma ta hana tace su jirata ta je ta ji.

Umma ta fita Auta yabi bayanta.

Amaryan Abba ne Aisha take masifa.

Ta na zagin Shukrah dake zaune a tsakar gidan.

Ta na ganin Umma ta fito ta ce.

"Yauwa ga babban munafukar nan ta fito"

Ta nufo Umma ta na cewa

"Maine yarinya na ta yi muku za kuyi mata taron dangi ku dake ta?

Umma ba tace komai ba ta yi shiru ta na kallon Aisha tana jiran taga mai take shirin aikatawa ta na zuwa gaban Umma taja ta tsaya ta gama zagin Umma tass.

Sannan ta shiga ɗaki ta na cewa kujira mai gidan ya dawo wallahi sai ya yi mana iyaka daku.

Umma ta sauke kai ƙasa ta na ajiyar zuciya.

Shukrah da tinda aka fara bata iya ɗago da kaiba.

Tazo ta kama Umma ta shiga da ita ɗaki ta zaunar da ita saman kujera ta zauna kusa da ita.

Ta kwantar da kanta a jikin Umma ta fashe da kuka ganin Shukrah na kuka yasa sauran suka matso kusa da Umma

Suka dafa Shukrah su ka ce.

"Kiya haƙuri sister dan allah domin idan ki kai kuka mu ma kukan za muyi babu mai rarrashin wani munji komai kuma mu ma muna jin abin da ki keji a ranki"

Umma tasa hannu ta na shafa kan Shukrah ta na cewa.

"Babu wani dauwamammen abu a duniya kuma duk abin da ku kaga ya yi farko to ya na da ƙarshe"

Auta ya zauna ajikin Umma ya na kuka.

Umma ta kalli Auta ta ce.

"Kaifa Jarumine ko ba ka san jarumi baya kuka ba?"

Auta ya ce.

"To ai Umma ka ɗan zanyi."

Su na jin haka dukan su suka mai dariya shima autan na ta ya su.

Umma ta ce.

"Suzo suje su dubo Bashir da jiki"

Auta ya nata murna ya na tsalle Manaheer ta sa hannu ta ran kwashe shi akai.

Auta ya ɓata fuska zai yi kuka Umma ta ce.

"Rabu da ita ka ji haushi ta ke ji ka fita kyau."

Suka shirya su uku banda Shukrah da take jin gine jikin Umma ita ko motsi ba ta yi ba.

Suma ganin hakan ba su ce mata komai ba domin sun san ba za ta je ba.

Su kai wa Umma sallama suka tafi "Kuce ina gaida shi da jiki" cewar Shukrah.

Bayan fitan su Umma ta kalli Shukrah ta ce.

"Ina ta tinanin sana'ar da zanyi na rasa mafita"

"Ko za muyi a waran sai dawa naga ana ciniki sosai" cewar Shukrah.

Umma ta ce.

"A'a ba na son tallah"

"Ba tallah za mu yi ba a cikin gida zamu din ga yi ana zuwa ana siya" cewar Shukrah.

Umma ta yi shiru ta ce.

"Zanyi tunani akai"

Shukrah ba ta ƙara cewa komai ba, ta zame ta kwanta.

   * Asalin Labarin*

Mallam Abdallahi ɗan asalin garin saminaka ya na da mata biyu da ƴaƴa shida.

Hajjiya Adama uwar gida mai yara huɗu amarya na da biyu.

  Ɗakin Hajjiya Adama Aliyu ne babba a gidan Naseer sannan Umar sai auta Fatima.

Ɗakin Hajjiya Aisha Isma'eel Amina Isma'eel da Fatima saanin juna ne tare a kai goyon su.

Hajjiya Adama suna kiranta Mama Hajjiya Aisha suna kiranta Inna.

  Hajjiya Adama mace ce mai tsananin haƙuri ga kawaici itace auran saurayi da budurwa bata da wani damuwa.

   Hajjiya Aisha a bazawara ya aure ta mace ce mai ta ƙama da izzah.

Ga rashin son zaman lafiya ga tsananin kishi suma yaran duk ta koya musu halinta.

 Ta na kishi da ƴaƴan Mama musamman Aliyu saboda shine babba a gidan.

    Mallam Abdallahi mutum mai rufin Asiri domin ya na noma sosai.

Kuma Alhamdulellahi ya na wadata iyalanshi shima ya na da tsananin haƙuri sosai.

  Shima hakuri yake da Hajjiya Aisha domin koshi ba ta raga mai.

Gidan Mallam Abdallahi  ya na ɗauke da ɗakuna uku akwai ɗakin zaure inda yake a'je ka yan noma.