Rayuwarmu Book One Complete Hausa Novel

Mama ta kalli Baffa za ta yi magana ya da katar da ita ta hanyar ɗaga mata hannu ganin haka Mama ta yi shiru ta na kallon shi.

Baffa ya ce.

"Kisa Rabi'a ta kawo mun lipton idan kin fita"

Mama najin haka ta miƙe ta na cewa

"Dan allah kayi haƙuri kar kasa wannan damuwar a zuciyarka tunda kaga ba isashen lafiya ka ke dashi ba"

Mama ta fita ta nufi ɗakinta Rabi'a ta na guga Mama ta ce.

"Haɗa ma Baffan ku lipton ki kai mishi"

Bata jira amsar Rabi'a ba ta shige bedroom saboda kanta dake ciwo.

Rabi'a ta kashe socket ta fita kitchen ta shiga ta haɗa kamar yanda ta san ya na so ta shiga ɗakin ba yan ta yi sallama ta samu Baffa zaune a inda Mama ta barshi.

Rabi'a ta duƙa tayi mishi sannu da jiki ta miƙa mishi lipton ɗin Baffa ya karɓa ya na sa mata albarka.

Rabi'a ta na girmama Baffa saboda yanda ya ɗauke ta kamar ƴar cikin shi duk haɗuwarsu sai ya sa mata albarka ko gaishe shi ta je yi da safe zai ta mata addu'o'i allah ya bata miji na gari wanda zai kula mishi da ita sosai take shan addu'o'i a gurin Baffa.

Rabi'a ta koma ɗaki ta cigaba da aikin ta.

Bari mu koma gidan Aliyu

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

    (Ta Batulu)

*Page 19-20

Aliyu ya fito daga kitchen ya na dariya hannunshi ɗauke da plate ɗin abinci Amina ta na bayan shi ta na dariya.

A saman two seater suka zauna, Aliyu ya kalli Amina ya ce.

"Ɗauƙo mun wayana a ɗaki"

Amina ta ɗauko wayar ta kawo mishi ya amsa ya zaunar da ita suka fara cin abinci.

Bayan sun gama cin abinci ya ɗau wayar shi ya ga tarin miss calls Baffa  Nasser Mama.

Ya rasa wanda zai fara kira a ciki gaba ɗaya hankalin shi ya tashi.

Ya ce.

"Amina bani makullin mashin"

Bayan fitan Aliyu Amina kitchen ta shiga saboda ta girka abincin rana.

Ta na cikin aiki Sani ya shigo da sallama daman basu da kayan miya ta bashi kuɗi ya siyo mata.

Ita kuma ta ɗaura farar shinkafa ta na yi tana chart a waya.

Aliyu ya shiga gida ɗakin Baffa ya nufa bakin shi ɗauke da sallama ya samu Baffa ya na sallah.

Ganin haka ya ji hankalinshi ya kwanta ya fita ya shiga ɗakin ya shiga ɗakin Inna ya gaishe ta ya koma ɗakin Mama ya samu Rabi'a na goge goge a ɗakin.

Aliyu ya kalli Rabi'a ya ce. "Ina Mama?"

Kafin ta ba shi amsa Mama ta fito daga bedroom hannunta riƙe da charbi ta samu guri kusa da Rabi'a ta zauna.

Aliyu ya duƙa ya gaishe ta Mama ta kalli Aliyu ta ce.

"Baffan ku yana neman ka tun dazun amman bai samu wayarka ba"

Aliyu ya ce.

"Daga wajen shi nake yanzu na same shi yana sallah"

Mama ta ce.

"Ina yaran suke?"

Aliyu ya yi sauri ya kalli clock ya ga lokacin ta shin su ya yi.

Aliyu ya ce.

"Suna makaranta kuma gashi lokacin tashin su ya yi"

Mama ta ce.

" Rabi'a ta zo ga kuɗin abin hawa ta je ta ɗauko su ta kawo su nan idan zaka wuce sai ya ka tafi da su"

Rabi'a ta ɗauko hijjab Aliyu ya bata kuɗin abin hawa ta tafi.

Aliyu ya kalli Mama ya ce. "Bari in koma in gani ko ya idar da sallahr"

Aliyu ya shiga ɗakin Baffa bayan ya yi sallama ya samu Baffa yana zaune ya na karatun Qur'ani ya samu guri ya zauna kusa da shi.

Bai jima da zama ba Baffa ya aje Qur'anin bayan ya yi addu'o'i.

Bayan Aliyu sun gaisa da Baffa suka ɗan taɓa fira sannan Baffa ya gaya mishi abin da ya sa ya kira wayar shi.

  Game da zuwan Amina gida sannan ya faɗa mishi yanda suka yi da mijin ta.

Aliyu ya yi shiru yana sauraron Baffa bayan Baffa ya gama bashi labarin abinda ya faru.

Aliyu ya fara da bama Baffa haƙuri yana kwantar mishi da hankali domin ya fahimci har yanzu ran shi a ɓace yake sosai.

Aliyu ya daɗe a ɗakin Baffa kafin ya yi sallama da shi a kan cewa zai dawo zuwa anjima idan mijin Amina yazo.

Aliyu ɗakin Mama ya shiga ya samu Shukrah kwance a saman kujera Darraini ta na kwance jikin Mama.

Mama ta kalli Aliyu ta ce. "Sunƙi cin abinci dukan su ɗauke su ku tafi gida su samu su ci abinci"

Aliyu ya yi sallama da Mama ya ɗauki Darraini ya fita Shukrah ta bi shi a baya.

Ya ɗaura Shukrah a baya Darraini na gaba suka tafi.

Sun kusa isa gida Shukrah ta ga fruit ta ce.

"Abba dan allah ka siya mana fruits"

Aliyu ya tsaya ya siya suka wuce gida.

Amina ta na jin ƙaran mashin ta fito tayi kwalliyar doguwar riga ta yi kyau ta samu Aliyu suna shigowa da yara da gudu Darraini ta je ta rungumeta ta na kuka.

Aliyu ya kalli Darraini ya kalli Shukrah sannan ya kalli Amina ya ma kasa magana.

Amina ta karɓi ledar hannunshi ta na mishi sannu da zuwa.

Aliyu ya ɗauki Darraini suka shiga ciki daga.

Suna shiga Aliyu ya yi alwala ya tafi massallaci Amina kuma ta juye ruwan zafi ta yi musu wanka.

Ta sa musu kaya ma rasu nauyi ta bar Shukrah na sallah ta fito Darraini na binta a baya tana rigima Amina ta zaunar da ita a saman kujera ta shiga kitchen ta shiga ta wanke fruit ɗin da suka shigo dashi ta zuba a fridge daman sunada freezer a kitchen.

Amina ta kwaso plates da spoon ta zo ta aje inda suke cin abinci ta jera komai ta ɗauko ruwa mai sanyi da zoɓo ta aje.

Ta koma kitchen ta ƙara gyara gurin ta fito ta samu Aliyu zaune Darraini na jikin shi.

Ta kira Shukrah da ke ɗaki suka zauna dukan su ta zuba musu shinkafa da miya da salad.

Darraini da Shukrah plate ɗaya ita da Aliyu plate ɗaya.

Suna ciki cin abinci Darraini ta mayar da hannunta plate ɗin su Aliyu daman haka take bata son cin abinci da Shukrah.

Bayan sun gama cin abinci Shukrah ta kwashe kayan ta kai kitchen Amina ta gyara gurin da suka ci abinci.

Ta shiga kitchen ta wanke kayan da suka ci abinci ta mayar da komai gurin shi ta fito.

Ɗakin yaran ta shiga ta kwaso uniform ɗin su ta fito parlour ta samu Aliyu zaune da yaran ya na musu karatu.

Ta fita ta wanke kayan ta shanya ta dawo ta zauna suka cigaba da karatun tare.

Sai da aka kira sallahr la'asar sannan suka tashi Aliyu massallaci ya tafi.

Amina da shukrah  suka yi sallah bayan sun idar sai ga sallamar matar Nasser Maryam.

Amina ta karɓi Khadija ƴar shekara 2 ta na cewa Maryam.

"Yanzu nake tunanin ki ashe kina hanya?"

Maryam ta yi dariya ta ce "Haka kullum ki ke cewa"

Amina ta kawo ruwa ta aje mata Shukrah ta gaishe da Maryam ta shige bedroom ɗin su.

Darraini ta na jikin Amina bayan sun gaisa Amina ta kawo mata abinci da zoɓo.

Bayan Maryam ta gama cin abinci ta kalli Amina ta ce.

"Nifa magana na zo muyi da ke "

Amina ta mayar da hankalinta gaba ɗaya ta na sauraron Maryam.

Maryam ta ce.

"Kasuwanci nake son farawa shi ne na ce bari in tambaye ki ko kina da ra'ayi zaman haka babu daɗi"

✍️ Ta Batulu 🥰 Jagaban jajirtattu 🥰

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT*💖💖 RAYUWAR MU 💖 💖*

_Written by ✍️_

*Jagaban Jajirtattu*

    _(Ta Batulu)_

Page 21-22

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

★

Amina ta kalli Maryam ta ce "Wani irin kasuwanci ne?"

Maryam ta ce. "Dogayen riguna, takalma, da sauransu"

Amina tayi shiru ta na kallonta suna cikin hakan sai ga sallamar Aliyu.

Suka gaisa da Maryam ya ɗauki Khadija Darraini dake kusa da Amina ta sa kuka.

Aliyu ya kama hannunta suka shige bedroom.

Amina ta kalli Maryam ta ce. "Na daɗe ina son fara sana'a sai dai matsalar banda kuɗi kuma ban san inda zan samu ba"

Maryam ta matsa kusa da Amina ta ce "Nima banda kuɗi amman duk da banda kuɗi ba zan ƙi samo ma kaina mafita ba"

Maryam taci gaba da cewa "Kawai ki matsama Aliyu ya baki jari shi ne kawai mafitarki domin nima Nasser nake so ya bani"

Amina ta kalli Maryam ta ce. "Ni kuma bana hangen hakan mafita ne kin ga dai dai gwargwado suna ƙoƙari damu

Kar muzo mu lalata zaman auren mu"

Maryam tayi shiru ta na kallon Amina daman sai da ta yi tunanin hakan

Aliyu ya fito daga bedroom Darraini tana biye da shi.

Ya tsaya ya kalli Amina ya ce.

"Bari in je gida in dawo Khadija na ciki tayi bacci."

Amina ta ce.

"Abban Shukrah bari in baka saƙo ka kaima Baffa dan ALLAH!" Amina ta shige kitchen Aliyu kuma ya yi waje yana cewa ta same shi a waje Darraini ma tabi shi a baya.

Amina ta fito da ƙaton leda a hannu ta yi waje ta na tsokanar Maryam.

Ta miƙa ma Aliyu ledar ta na ce mai da saƙon Mama a ciki kace ina gaida ta.

Aliyu ya ɗauki Darraini ya na tambayar Amina inda Shukrah take Amina ta ce,.

"Tana ɗaki ƙila tayi bacci ne."

Aliyu ya tafi bayan Amina ta yi mishi addu'o'i Darraini ta na ta ɗaga mata hannu.

Amina ciki ta koma Maryam tayi dariya ta na ce mata "Sannu da ƙoƙari gaskiya kina aiki"

Amina tayi murmushi bata ce komai ba Maryam ta ce.

"Zan baki lokaci ki yi tunani duk hukuncin da kika yanke ki sanar dani"