Rayuwarmu Book One Complete Hausa Novel

Ai Auta na jin haka ya tsayar da kukan da yake ya kalli Abba ya sulale ya faɗin a gurin ba numfashi.

Auta ya sume saboda tsoran Abba tun lokacin da ya ga irin dukan da ya yi wa Manaheer shike nan yake jin tsoran shi.

Bama Auta kaɗai ba hatta Shukrah Darraini tsoran shi su ke ji Manaheer ce kaɗai jan wuya.

Da gudu Manaheer ta ɗibo ruwa ta miƙawa Umma Shukrah Darraini suka fito jin abin da yake faruwa.

Abba ya na tsaye ya na kallon ikon Allah Umma ta kasa riƙe ruwan Shukrah ta karɓa ta shafa mishi a fuska.

Tana shafa mishi ya ja ajiyar zuciya Auta ya buɗe ido yana kwance a jikin Umma ya na ajiyar zuciya Abba ya kaɗa kai ya yi waje.

Bayan fitan Abba suka zauna neman mafita Manaheer sai dariya ta ke ita wallahi Auta dariya ya bata.

Tun Darraini na kau da kai har tazo ta fara taya ta Umma ita kanta sai yanzu abin da Auta ya yi ya bata dariya.

Bayan sallahr magrib Abba ya shigo ɗakin Umma Auta ya na ganinshi ya shige bedroom.

Abba ya yi kamar bai ganshi ba ya kalli Umma fuska a ɗaure ya ce.

"Zan wuce."

Umma ta shiga ciki ta fito da leda ta bashi ta ce.

"Leda biyu ne aciki akwai saƙon Fatima da Rabi'a."

Abba ya ce.

"Banganeba.?"

Umma ta ce.

"Fatima ko Rabi'a duk wanda ka samu acikin su."

Abba ya karɓa ya ajiye mata dubu biyar ya ce.

"Kuɗin cefane akwai kayan abinci a ɗakina."

Abba har ya fita ya dawo ya ce.

"Ban yarda ki bawa wani makullin ɗakina ba."

Umma ta ce.

"To."

Shukrah Darraini Manaheer suka fito suna mishi Addu'a Abba saboda Jin daɗin addu'o'in da su ka yi mishi ɗari biyar biyar ya ba su.

Har zai fita Manaheer ta ce

"Abba saura na Auta."

Abba ko kallonta bai yi ba kuma har lokacin Mama ba ta dawo ba Mimah kuma a na ta girki ba a gama ba.

Abba ya bawa Mimah dubu uku ta ajiyewa mahaifiyarta Mimah ta kalli Abba ta ce.

"Abba saura ni."

Abba ya ce.

"Ki ɗau dubu ɗaya ki bata dubu biyu."

Mimah ta ce.

"To Abba ka siyo mun tsaraba."

Abba ya yi gaba abin shi bayan fitan shi Mimah ta sauke tukunyar dake kan wuta daman ba komai aciki sai ruwa da ke ta faman tausa hijjab ta sa ta yi gaba ko ƙofar bata kulle ba.

Sai da suka zo kwanciyar bacci Umma ta kalli Manaheer ta ce.

"Ba zan gaji da tambayarki dalilin da yasa ki ka amince da zaɓin mahaifinki ba."

"Ina jin kamar akwai abin da kike shirin aikatawa shiyasa kika amince da wannan zaɓin."

Manaheer.

"Maganar gaskiya bana son zaɓin da Abba ya yi mun."

"Ba ni da mafitar da ya wuce amincewa da umarni shi."

"Duk da cewar ya yanke mun hukunci ba tare da ya yi bincike ba."

"Umma idan ban amince da zaɓin shi ba komai a kanki zai sauke."

Umma.

"Shike nan zanyi addu'a ubangiji ya zaɓa miki mafi alkhairi."

Asuba ta gari.

Abba yana sauka ya samu Nasser da Umar su na zaman jiranshi Umar ya rungume shi ya na tambayar shi gajiyar hanya.

Nasser ya ce.

"Ai ka bari mu ƙarika gida."

Umar ya buɗe wa Abba gidan baya shima ya shiga ya zauna Nasser ya kalli Umar ya ce.

"Waye drivernka.?"

Umar ya yi dariya ya ce haka nan za ka tuƙa Yaya na.

Nasser.

"Daman ai na san haka za ka ce wato idan ka na son abu shine za ka kirani da wannan sunan."

Abba ya yi dariya Nasser ya shiga motar bayan sun fara tafiya ya kalli Abba ya ce.

"A gidana za ka sauka."

Abba ya ce.

"A'a gidanmu na gado za ka wuce dani."

Umar ya ce.

"Dan Allah kayi haquri mu wuce gidan shi nima a can zan kwana."

Abba ya ce.

"Shi dai bai yarda ba kawai su kaishi gidan su."

Da ƙyar Nasser ya shawo kanshi ya amince zai bisu.

Gidan Nasser masha Allah har da mai gadi gida cike da flowers masu ban sha'awa part 2 ɗaya na shi ɗaya na matar gidan.

Abba ya yi sallah Nasser ya kawo mishi abinci suka haɗu su naci suna tinawa da iyayen su.

Bayan sun gama cin abinci Abba ya gaya musu abin da ya faru da kuma hukuncin da ya yanke amman bai gaya musu dukan da ya yi mata ba ne yasa aka kwantar da ita a hospital .

Nasser ya yi murmushi ya ce.

"Kuma ka na da tabbacin Manaheer ce a zauren.?"

Abba ya ce.

" Lokacin da abin ya faru ita ce kawai ba ta gida."

Umar.

"Kuma na ji ka ce ka shiga toilet bayan ka yi shimfiɗa.?"

Abba ya ce.

"Eh na manta ma ban shiga toilet ba saboda ruɗewa Aisha ce ta tuna mun."

Umar da Nasser su ka yi murmushi su na kallon Abba.

Abba.

"Kuma a wannan lokacin Manaheer ta shigo gidan ita da Auta."

Nasser ya ce.

"Alhamdulillah ya zo da sauƙi."

Umar.

"Amman ka tambayi Auta in da su kaje?"

Abba fuska cike da damuwa ya ce.

"Yaron da ba ya son gani na acikin rayuwar shi."

Nasser Umar suka kalli Abba fuska cike da mamakin furucin shi.

A nan Abba ya ba su labarin abin da Auta ya yi daga cewa zai zo dashi nan.

Nasser ya ce.

"Lallai akwai babbar matsala a gidanka."

Abba.

"Ba bu wani matsalar da ya wuce Amina domin na san wallahi ita ke zuga su."

"Ko fira na samu su na yi suna ganina suke shiru ko kuma su zame ɗaya bayan ɗaya subar gurin."

Umar.

"Bana tunanin Aunty Amina za ta zuga su gaskiyar magana akwai dai abin da ba dai dai ba."

Nasser.

"Yanzu dai maganar haɗa manaheer aure da yaron shagonka dan Allah ka janye."

"Sannan kuma ina son idan ka koma gida ka yi bincike."

Nasser ya ciga da cewa.

"Ɗayan matsalar kuma zanji dashi."

Suna cikin haka Isma'eel ya yi sallama ya shigo.

Isma'eel ya kalli Umar ya ce.

"Yau na ga yanda ake raba zumunci."

Umar ya yi dariya ya ce.

"Ba laifina ba ne ka tambayi babban yaya ka ji."

Isma'eel bai ce komai ba ya samu guri ya zauna ya gaishe da Abba ya na tambayar shi gajiyar hanya.

Daga nan suka sanja fira Nasser ya ɗau wayar shi ya kira Aunty Maryam ya ce.

"Ta kawo mishi baby boy ɗakin shi."

Aunty Maryam ta shigo bayan ta yi sallama hannunta ɗauke da baby ta miƙawa Abba ta na gaishe shi.

Abba ya amsa Aunty Maryam ta tambayeshi mai jiki daga nan ta miƙe za ta tafi Abba ya kalli Umar ya ce.

"Ka shigo mun da jakar kayana.?"

Umar.

"Eh gashi a kusa dani."

Abba ya tsaida Aunty Maryam ya ce.

"Ga saƙonki inji Amina.

Umar ya ɗauko jakar kayan Abba ya karɓa ya zage ya ciro ledar da Umma ta bashi ya miƙawa Aunty Maryam ta amsa ta na godiya bayan ta fita Nasser ya kalli Abba ya ce.

"Ka yiwa yaronka huɗuba."

Abba ya yi murmushi cike da ƙauna ya ce.

"Mai ya sa.?"

Nasser ya yi shiru Abba ya na ganin haka bai ƙara magana ba ya yi mishi huɗu ba ya miƙawa Umar ya mayar da shi ciki.

Bayan fitan Umar Abba ya kalle su ya na murmushi ya ce.

"Sunan yaron Abdullahi."

Sunyi farin ciki da jin sunan dama babban burin Nasser kenan.

Bayan sun gama firan yaushe gamo suka kwanta Umar da Isma'eel ɗaki ɗaya Abba da Nasser ɗaki ɗaya daman part ɗinshi 3 bedroom ne kowanne da toilet aciki.

Asuba ta gari.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

*TEAM JAJIRTATTUN MARUBUTA✊*

Allahumma Sali Ala Sayyadina Muhammad Wassalim 🥰

Written by ✍️

Jagaban Jajirtattu

    (Ta Batulu)

Page 53~54

Da safe Abba Nasser Umar Isma'eel kaya iri ɗaya suka yi anko Umar ya ɗinka musu shadda babbar riga.

Sunan yaro Abdullahi Nasser ya sa aka yanka ƙaton rago a kayi walimar suna da shi  Isma'eel ya ɗau nauyin drinks gaba ɗaya.

Abba ya biya kuɗin hall da abin da za a ci a gurin masha Allah taro ya yi kyau Aunty Maryam ta samu kyauta da yawa daga ƴan uwa da abokan arziki can na hango Inna da Amina a kujarar baya.

Anci ansha an zubar da kuɗi sai zuwa yamma taro ya watse Aunty Maryam da Aunty Rabi'a matar Umar da Aunty Fatima ƙanwar Abba ankon kaya su ka yi Aunty Maryam ta ɗinka musu dukkansu har da Umma.

Da yamma bayan taro ya watse Aunty Maryam  ta buɗe saƙon Umma acikin ledar akwai ƙarami an rubutu sunan Aunty Fatima da na Aunty Rabi'a.

Aunty Maryam ta ciro ta miƙa musu ta buɗe nata ledar duk yafi nasu girma turare ne acikin kwalabe masu ƙamshi  Aunty Maryam ta yi murna sosai daman na show glass ɗin ta ya ƙare.

Khadija ta yi sallama ta shigo Aunty Maryam ta ce.

"Ba ki kwanta ba.?"

Khadija ta kwantar da kanta a jikin Aunty Rabi'a ta ce.

"Dan Allah Ammy ki sa baki Daddy ya barni in je gurin Umma."

   Aunty Maryam.

"Babu ruwana a wannan maganar."

Khadija ta ɓata fuska ta fara hawaye Aunty Maryam ta ce.

"Ta shi ki fita ki bani guri."

Aunty Fatima ta ce.

"Je ki shirya kayanki zanyi magana da Yaya."

Khadija ta yi tsalle ta fita da gudu Aunty Rabi'a ta ce.

"Khadija ta na son zuwa gidan Umma."

Aunty Maryam.

"Uhmmmm."

Nasser

Abba yana zaune suna fira da ƴan uwanshi Fatima ta yi sallama ta shigo Umar ya na tsokanarta.

Fatima ta zauna suka ɗan taɓa fira daga nan ta sako buƙatar ta Nasser ya ce.

"Babu komai idan Yaya zai koma sai ta shirya ta bishi."

Fatima ta zauna suna ta fira Abba ya ce.

"Umar ɗauki matarka kuje gida dare ya yi."