Rayuwarmu Book One Complete Hausa Novel

"Ka ya haƙuri asararre ɗan asararriya."

Boka ya kwashe da dariya har sai da ɗakin ya amsa ya ce.

"Tambaɗaɗdu asararru."

Talatu ta ce.

"Godiya muke."

Mama ta ce.

"Sai maganar yaran da za su yi aure."

Boka.

"Mijin za a kashe ko kuma a haukata shi?."

Wa'iyyazubillahi babu wani mai ka shewa sai Allah ubangiji ka tsare mana imanin mu.

Mama.

"Aa kawai a fasa auren su yi baƙin jini su rasa masoya."

Boka ya yi ƴan dube duben shi ya ce.

"Wannan aikin ya na da wahala kuma za a kashe kuɗi da yawa."

Mama.

"Ko nawa ne zan biya."

Boka.

"Ki bari sai sun dawo garin aikin zaifi tafiya daidai."

Da ga nan boka ya yi surutai ledoji uku su ka faɗo ya miƙawa Mama guda biyu ya ce.

" Wannan ki zuba mishi a cikin abinci, ɗayan kuma ki barbaɗa a gurin zaman shi."

Mama ta amsa boka ya ce.

"Za ki mallake shi sai yanda kika yi da shi, amman fa akwai babbar matsala."

Mama.

"Wani irin matsala ne.?"

Boka.

"Karki barshi ya sha koda ruwa ne a ɗakin matar shi, domin in dai kika bari hakan ta faru komai zai warware."

Mama.

"Zan kiyaye."

Boka ya miƙawa Amina ɗayan maganin ya ce.

"Ki zuba shi a cikin man shafawa ki dinga amfani da shi."

Amina ta karɓa ta yi godiya talatu ta amshi maganin kasuwa da zasu fita boka ya ce.

"Ku fita da tsalle kar ku taka mun yara su na wasa."

Da tsalle suka fita kamar wasu kwaɗi 😂😂

Mota suka hau zuwa Jos su na tafe suna fira fuskar Mama cike da annuri.

An gama gyara ɗakin Umma yanzu ɗakin Mama ake gyarawa Mimah da Mama da Amina su na gidan talatu, Mimah yawo sai abin da ya ci gaba.

Idan Mama na yi mata faɗa talatu cewa ta ke yi.

"Barta ta yi lokacin ta ne."

Mama ta bawa Abba shawaran ya bari idan aka gama gyaran gidan gaba ɗaya sai su koma har da Umma.

Babban burin Mama Umma ta bar gidan da zama kuma duk in da taje babu rabuwa ake gaya mata, amman har yanzu ta ƙi haƙura.

Mimah na zaune a tsakar gida ta na charts ƙawarta ta yi sallama ta shigo, Mimah ta ce.

"Sofy daga ina.?"

Wanda a ka kira da Sofy ta ya mutsa fuska ta ce.

"Da ga gida."

Daga nan suka fara fira wayar Mimah ta yi ringing ta ɗaga bayan ta gama magana ta yanke wayar.

Mimah ta ce.

"Sofy dan Allah zo ki ta yani girki."

Sofy.

"Wa za ki yiwa girki?."

Mimah.

"Mama ta kira ni yanzu ta ce in ɗaura musu girki, please Sofy."

Sofy ta aje hijjab ɗin ta suka fara girki su na yi su na firan saurayin Mimah, Ɗan shila wanda suka haɗu da shi a gurin partyn ƙawarsu, tun da ya ɗaura idon shi a kan Mimah ya kamu da ƙaunarta.

Tun daga ranar suka fara soyayya da farko Ɗan shila yaso lalata, Mimah amman taƙi yarda, babu irin kuɗin da baya kashe mata amman Mimah ta ce.

"Ya bari su yi aure."

Ko da ya ce mata zai turo iyayenshi gidan su Mimah cewa ta yi.

"Ba yanzu ba."

A haka dai suke tare da ita duk da cewa ta sakar mishi jikinta ya na yin komai da ita, amman ta ce.

"Ba ta yarda da zina ba."

Ɗan shila ya yi ya yi Mimah ta amince da shi amman taƙi amincewa, abin da Mimah ba ta sa ni ba Sofy tsohuwar budurwan shi ne.

Sunan shi Yusuf amman friends ɗin shi Ɗan shila suke ce mishi, Sofy na tare da Mimah ne domin cimma wani ƙudiri na ta.

Mimah ba ta iya girki ba dan haka ta sakar wa Sofy aikin ta ɗau wayarta, babu jimawa Sofy ta gama aikin ta yi wanka Mimah ta sanja kaya, daman da kayanta a cikin jaka ta zo.

Bayan Mimah ta yi wanka ta zubo musu abinci su na fara ci wayar Mimah ta yi ringing, cike da iyayi ta ɗau wayar Ɗan shila ne ya kira ta ya na gaya mata cewar ta shirya zai zo ya ɗauke ta daga haka ya yanke wayar.

Mimah ta kalli Sofy ta ce.

"Wallahi beb ya cika rigima."

Sofy ta yi murmushi ta ce.

"Mai yafaru?."

Mimah.

"Wai in shirya zai zo bada jimawa ba."

Sofy.

"To mene ne a ciki ai hakan ma shine dai dai."

Mimah.

"Ba za ki gane ba Sofy wallahi beb ya cika rigima da yawa, kullum idan muka haɗu da ƙyar yake ƙyaleni."

Sofy.

"Dan Allah ki waye mana yanzu an dai na ya yin wannan abin da kike, sai ka ce wata ƴar ƙauye."

Mimah.

"Ni fa ba zan iya wannan ƙazamin rayuwar ba."

Sofy.

"Ni ma ba na ce ki yi bane amman shawara na ba ki."

Mimah ta yi shiru ta na kallon Sofy.

"Na ga ya na sonki sosai kuma aurenki zai yi, to mene ne abin damuwa dan Allah." Inji Soft.

Mimah.

"Kinga mu bar wannan maganar yanzu dai bari in je in shirya kafin ya ƙariso."

Mimah ta shiga ɗaki Sofy ta harare ta ta na jan tsaki.

Comments and share

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT💖💖 RAYUWAR MU 💖 💖

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oT

Written by ✍️

Jagaban Jajirtattu

  (Ta Batulu)

Allahumma Sali Ala Sayyadina Muhammad Wassalim 🥰

Page 75~76

Mimah ta fito sanye da riga da wando rigar ya matseta sosai cibi a buɗe, wandon kuma tree kwater.

Sofy ta ce.

"Kina wuta muna binki da petur."

Mimah ta yi dariya za ta ɗaura after dress a saman kayan Sofy ta ce.

"Haba dan Allah wannan ai ƙauyanci ne."

Mimah.

"Kin san dai ko giya na sha ba zan iya fita a haka ba."

Sofy.

"Ki sa dogon hijjab har ƙasa."

Mimah ta yi shiru Sofy ta dafa kafaɗarta ta ce.

"Wai dan Allah yaushe za ki dai na abu irin na ƙauyawa."

Mimah.

"Ba za ki ganeba."

Wayar Mimah ta yi ringing ta kalli Sofy ta ce.

"Har ya ƙara so."

Sofy cikin dubara ta karɓe after dress ɗin hannunta, Mimah ta sa hijjab suka fita bayan ta kulle gidan, ta miƙawa mai shagon ƙofar gida makullin ta ce.

"Dan Allah ka aje wa Inna talatu."

Mimah ta nufi gurin wata mota ash colour ta buɗe gaban motar ta shiga, ta na shiga matashin da ke gaban motar ya rungumeta, chocolate colour ya na da jiki ba laifi kuma ya na da tsawo,

Mimah ta ce.

"Ka bari mana."

Ɗan shila.

"Haba mana beb kin san na yi kewarki da yawa."

Mimah.

"Ba ni kaɗai ba ce dan Allah ka dai na."

Sofy ta buɗe gidan baya ta zauna suka gaisa da Ɗan shila daga nan ya kunna motar suka tafi, haɗaɗɗen hotel ya kai su bayan ya yi parking.

Suka fito gurin cin abinci suka nufa Sofy ta ce.

"Ni dai gida zan wuce."

Mimah.

"Yau ba za ki ci kazar bane.?"

Sofy.

"A siya mun in tafi dashi."

Suka zauna a kujera Mimah ta kalli Ɗan shila ta ce.

"Besty za ta wuce gida."

Ɗan shila.

"Ok bari inje in karɓo mata abin da tafi buƙata."

Bayan ya tafi Sofy ta ce.

"Gayen nan ya na sonki da yawa."

Mimah.

"Kamar yanda na ke son shi."

Sofy.

"Dan Allah Besty ki daina wahalar da gayen nan, karfa ya ce ya fasa."

Mimah.

"Kina nufin in bashi kaina.?"

Sofy.

"To idan kin yi hakan mene ne a ciki, ai duk cikin soyayya ne."

Mimah.

"Gaskiya ba zan iya ba."

Daga haka babu wanda ya ƙara magana a cikin su, Ɗan shila ya ƙariko hannunsa ɗauke da babban leda, ya miƙawa Sofy daga nan suka yi sallama da Mimah.

Bayan Sofy ta tafi ɗan shila ya kama hannun Mimah suka nufi ɗakin da ya kama.

Tabbas Mimah sakacin iyaye ya jefata a wannan halin, domin da ace Abba ya tsare musu ci da sha da kuma tufatarwa baza ta tsinci kanta a wannan rayuwar ba, sannan kuma Mimah bata jin magana, sannan duk iskancin da ta ke yi ba ta yarda ya kusance ta ba.

     Abba sau biyu yake bada abinci a cikin gidan shi wani lokacin kuma sau ɗaya, suttura kuma daga shekara sai shekara, a wannan rayuwar da muke ciki ka tsare ma ƴaƴanka komai da komai ya aka kaya ballantana ka sakar wa budurwa hidimar kanta, bayan ba ita ta haifi kanta ba sannan kunga Mama ba ta sana'ar komai, dan Allah iyaye mu kula,

Ƴaƴa da dukiya amana aka baku kuma lallai za a tambayi yanda kuka tafiyar da amanar da aka baku,

Cikin halayen Abba da na rubuta wallahi akwai masu irin halin, wani ma kwatakwata baya bayar da abinci a cikin gidan shi wannan halin Abba da na rubuta dagaske ne wallahi na so in rubuta ai nihin labarin amman wani dalili nawa yasa na sanja da har na fara rubutawa sai kuma na sanja shawara, shiyasa na zaɓi in rubuta halayen Abba kawai, ɗan shila ya na yiwa Mimah hidima sannan ya na fanshewa a jikin ta.

Allah ka haɗamu da iyaye nagari. 🤲

Ɗan shila bai mayar da Mimah gida ba sai 6 saura na yamma, kafin ya ajeta sai da ya yi mata shopping, sannan ya kai ta har ƙofar gida.

Mimah ta jima acikin motar kafin ta fito duk da hakan Ɗan shila bai barta ba domin har zaure ya rakata hannun shi ɗauke da ledojin da ya yi mata siyayya.

Kamar ba zasu rabu ba domin sai da suka jima a zauren sannan ya fito ya shiga mota, Mimah ta shiga gida hannunta ɗauke da ledoji, babu kowa a tsakar gidan ɗakin da suke zaune da Mama ta shiga.

Daman gidan ɗaki biyu ne ciki da parlour toilet ya na waje kitchen ma ya na tsakar gida.

Mimah ta yi sallama Anty Amina ce kawai a ɗakin Mama ta na gurin Abba, tunda tsakanin su babu nisa.

Aunty Amina.

"Sai yanzu ki ka ga damar dawowa daga yawon na ki."

Mimah ta tura baki ta ce.

"Aunty Amina rayuwar nan kowa tashi ta fisheshi a ke yi."