Rayuwarmu Book One Complete Hausa Novel

Aliyu ya yi kamar bai ji shi ba Ismael ya a kalli Amina ya harareta ita ma ta rama.

Aliyu ya ɗau kayan wankan shi da ruwan zafin ya fita yaje parlourn su ya surka daman suna da roban ruwa a cikin parlourn ya shige toilet.

Bai jima da shiga ba Fatima ta shigo da sallama ta shiga ɗakin yayan na su ta samu Amina da Ismael a tsaye ta ce. "Dan allah Ina ya Aliyu"

Babu wanda ya kullata a cikin su Fatima na ganin haka ta kwashe musu da dariya ta ce. "Yau la yi ya biyo ta kanku"

Ta na cikin dariyar ta ji motsin bude ƙofar toilet ai ko tayi tsitt kamar wanda ruwa ya cinye.

Aliyu ya shigo bayan ya yi sallama duk da yaga Fatima amman ya yi kamar bai ganta ba ya auce saman mirror ya dauƙo man shafawa ya aje ya nemi guri ya zauna,

Ya ɗauko wayar shi yana dannawa Fatima ta matsa kusa dashi ta ce.

"Ya Aliyu dan allah zan je gidan su Nusaiba na tambayi Mama bata ce mun komai ba"

Aliyu ko kallon inda take bai yi ba ballatana tasa ran zai bata amsa.

Amina ta hau murmushi tana yima Fatima gwalo Aliyu na kallonta shi koh Ismael tunda ya ga abinda aka yima Fatima ya aro na tsuwa ya yafa ma kanshi.

Aliyu ya kira Nasser a waya ya ce. "Idan zai dawo gida ya tsaya ya amso mai form guda 4 Na islamiyyar dake ƙasan layinsu"

Fatima na jin hakan ta fara tunanin zuci nasan wannan form din namu ne bana kowa ba.kuma nasan duk wa innan su ka ja mana.

Aliyu katse ma Fatima zancen zucin da ta ke ya ce.

"Ma Fatima ta fita ta bashi guri ba za taje ba kuma yana nan zuwa ya sameta"

Ai kafin ma ya gama rufe baki fitt ta fice a dakin daman neman hanyar guduwa ta kecyi.

Aliyu ya kalli Amina ya ce.

"Kema zamu haɗe dake sai na yi maganin ki"

Amina nacjin haka ta fara kuka ta na bashi haƙuri.

Aliyu ya daka mata tsawa ya ce.

"Ta fita ta bashi guri zai shigo gidan ya sameta" Amina da gudu ta bar ɗakin.

Aliyu ya kalli Ismael da ya yi fuskan tausayi ya ce.

"Kai kuma ka sameni anjima bayan sallahr la'asar"

Ismael ya yi waje yana sauke numfashi ya fita yana surutai wallahi unguwar ma zan bari gaba ɗaya ba gidan ba kuma sai kayi bacci zan dawo.

   Aliyu ya gama shafa man ya samu kaya ma rasu nauyi ya sa ya koma ya kwanta ya rufe ido daga hakan bacci ya ɗauke shi.

  Sai bayan la'asar ya tashi shima saboda kiran waya ne ya tayar dashi  ya na duba time ya tashi a gurguje ya je ya yi alwala ya yi sallah koda ya idar bai tashi ba ya dauko Qur'ani ya fara karantawa cike da ƙwarewa ga muryan shi mai daɗin sauraro.

Aliyu matashine mai cike da haiba da kwarjini mahaifiyar shi ba fullatana ce ta asali domin danginta duk suna ruga Aliyu dogo ne mara kiba amman ba siriri bane yana da fadin ƙirji ga manyan idanu ga hanci har baka fuskan shi dai dai masha allah duk cikin su Aliyu yafi su haske.

   Ya jima yana karatu kafin ya miƙe ya aje Qur'anin ya fita cikin gida ya shiga ya na shiga ya ji hayaniya a ɗakin Mama.

Ta Batulu ce ✍️

Follow this link to join my WhatsApp group: https://chat.whatsapp.com/LSKW0PJdQ6Z2S2wltDG6oTRAYUWAR MU

*https://www.facebook.com/61556643936657/posts/122103978398221464/?substory_index=1596987511055341&mibextid=rS40aB7S9Ucbxw6v

💪 *JAJIRTATTU WRITER'S ASSOCIATION*💪 ✍️

*(J.W.A)*

_Rubutu baiwa ce daga Allah, jajirtattu ne kawai kan iya amfani da wannan ƙasaitacciyar baiwa su sauya tunanin al'umma cikin sauƙi_.✏️

Written by ✍️

Jagaban Jajirtattu 🥰

( Ta Batulu)

Haquri mai cimma rabo 🥰

Dukanin abinda haquri bai baka shiba rashinsa ma bazai taɓa baka,

Page 7-8

Shima ɗakin ya shiga bakin shi ɗauke da sallama yana shiga ya samu Nasser tare da umar da Fatima sun sa Mama a tsakiya su na ta fira.

Nasser ya na ganin Aliyu ya ce.

"Na shigo na samu ka na bacci ashe ka tashi"

Eh na ta shi daman gajiya ce kawai cewar Aliyu.

Umar ya ce.

"Barka da wannan lokacin ya haydar"

Aliyu ya yi murmushi ya rungume shi ya na cewa barka dai ƙanin yayan shi.

Daman wani lokacin haka suke kiran juna.

Aliyu ya kalli Nasser tun kafin ya yi magana Nasser ya ce.

"Umar jeka dau koh mun jakar da na shigo da shi.

Aliyu ya zauna kusa da Fatima da ta yi shiru tunda ya shigo.

Ya ce. " Ya akayi teemah?"

Haka ya ke kiranta wani  lokacin.

Fatima ta yi murmushi bata ce komai ba.

Mama ta ce.

" Ba dole ta yi shiru ba zaki yazo gurin"

Ai shine dai dai dasu a gidan nan cewar Nasser

Shi dai Aliyu bai ce komai ba.

Umar ya shigo da sallama ya mika ma Aliyu jakan Nasser ya karɓa ya buɗe ya ciro baƙin leda ya mika wa Aliyu.

Umar ya ciro ruwa mai sanyi ya ɗauko kofi ya jawo table ɗin dake tsakiyar parlourn ya ɗaura ruwan akai ya aje a gaban Aliyu.

Nasser ya ce. "To sarkin iyayi"

Umar ya yi dariya ya zauna kusa da Aliyu Fatima ta tashi za ta shiga ciki.

"Dawo ki zauna" in ji Aliyu ba tare da ya kalleta ba.

Fatima ta dawo ta zauna

Aliyu ya fito da form din duka yaba Nasser ɗaya yaba Umar ɗaya itama Fatima ya ba ta ɗaya shima ya ɗau ɗaya.

Ya kalle su ya ce.

"Ku cike mun"

Ya kalli Nasser ya ce.

"Amina zaka cikewa"

"Kai kuma naka za ka cike" cewar Aliyu yana kallon Umar.

Tun kafin ya ce ma Fatima daman ta san na ta ne.

Aliyu ya kalli Fatima "Ke kuma fa daga baki abu har kin fara rubutu baki tsaya kin ji ko na waye ba"

Fatima ta yi dariya ta ce.

"Ai na san nawa ne shiyasa na fara cikewa"

Aliyu bai ce komai ba ya maida hankali akan form din gaban shi ya cike ma Ismael.

Ita dai Mama tana zaune ta na kallon su cike da sha'awar yanda suke kulawa da junan su ta na musu addu'ar su ɗore a hakan.

  Bayan sun gama cikewa Aliyu ya kalli Fatima ya ce. "Tunda kun kusa gama makaranta zaku fara zuwa islamiyya ranar monday zan bawa Nasser kudi ya yanko muku uniform sai a bada ɗinki"

Umar ya ce.

"Yaya har dani?"

Aliyu ya kalli Umar ya ce.

" Ko ka girmi karatun ne?"

Nasser ya kwashe da dariya Umar ya ɓata fuska ya ce.

" A'a"

"To dukan ku zaku koma babu wanda na ware a cikin ku" cewar Aliyu.

Ya kalli Mama ya ce.

"Ba ki ce komai ba?"

Mama tayi murmushi "Mainene nawa a ciki bayan ka yi komai yanda ya dace ubangiji ya yi muku albarka" cewar Mama.

Dukan su suka amsa da ameen Aliyu ya ɗauki ruwan da Umar ya aje yasha ya ta shi ya yiwa.

Mama sallam ya fita ya na fita Umar ya je kusa da Mama ya ce.

"Da girma na za a kaini makaranta kamar wani yaro "

"Wato ita ka raina shi wanda ya yi maganar ka kasa faɗa a gabanshi" cewar Nasser.

Fatima tayi dariya ta ce. "Ƙyalle shi ya Nasser kamar a kunnen yaya"

"To munafuka sai kin dawo" cewar Umar.

Nasser ya kallesu dukan su ya ce. "Kun san wani abu?"

Suka ce a'a yaci gaba da cewa "Wallahi bro gata ya yi muku kai Umar ka gama makaranta kayi candy wannan shekaran mai ya rage maka?"

  Umar ya hau washe baki "Saura jami'a"

Fatima ta ce. "Ai shi mafarkin shi kenan dama"

Nasser ya cigaba da cewa "Amman kasan ba kai tsaye bro zai barka ka tafi jami'a ba?"

Umar ya yi shiru sai Nasser ya cigaba da cewa "Ni dai shawaran da zan ba ka itace karka nu na mai baka son wannan makarantar daya saku idan kuma ka nu na mai baka so kasan abinda zai biyo baya"

Ya kalli Fatima ya ce. "Kema bakya so?"

Fatima ta ce.

"Banda zaɓi"

"Kin wuta ma kanki" cewar Nasser shima ya tashi ya yiwa Mama sallama ya fita.

Umar ya kalli Fatima ya ce.

"Wallahi Ismael nake tausayawa domin nasan baza su kwashe ta daɗin rai ba shida yaya"

Fatima tayi dariya ta bashi labarin abinda ya faru ɗazun.

Shima dariyan ya yi ya ce. "Anjima akwai kallo"

Dukan su har yanzu basu san halin yaya ba.

Umar ya ce.

"Na tina wani mari da ya taɓa mun sai da na suma"

Fatima tayi dariya Mama ita kanta sai da ta dara Fatima ta ce. "Nidai karka ƙullar mun da ciki bari in ɗauko assignment ɗina dan allah"

Fatima ta shiga ciki ta fito da jaka ta aje a gaban shi ta ce mishi ya koya mata ne.

  Fatima ta na da wani ɗabi'a guda ɗaya ita ko abune bata iya ba bata cewa ayi mata sai dai ta ce a koya mata saboda gaba.

Umar ya sau koh ƙasa ya zauna itama ta zauna a kusa dashi ta bude littafin ta suka fara,

Fatima tana SS two ne going to three ita kuma Amina JSS one

Ismael kuma tare suka zana jarabawa da Umar duk da shi zana mishi a kayi Umar kuma yafi son ya zana da kanshi.

Nasser kuma degree yake ɗaurawa a cikin garin jos yana karantar fannin lafiya sannan ya iya gyaran wayoyi

Yana zama a shagon abokin shi idan ya dawo makaranta.

shi kuma Umar shagon ɗinki yasa Aliyu ya kai shi yana koyan ɗinkin keke.

Bayan sun gama assignment din Umar ya tashi ya ce.

" Mama bari in je shagon mu in dawo"

Mama ta ce.

"Yamma ya yi sallah ake shirin kira"

"Ba zama zanyi ba yanzu zan dawo" cewar Umar.

Mama ta ce.

"Adawo lafiya"

Fatima ta kwashe jakanta da da form din da suka bari a parlourn ta shiga dasu ciki ta zuba su a cikin jakan ta na makaranta ta shiga toilet ta yi alwala ta dau Qur'ani ta fito parlour ta zauna kusa da Mama a saman darduma irin darduman nanne mai girma da taushi.