Zaytoonah Part One Complete Hausa Novel
Book chapters
Choose a chapter and continue reading.
Bayan ya gama bayani Zaytoonah ta ma sa tambayoyi kafin nan shima Barrister mai wakiltan Chief Udodiri yai na sa tambayoyin. Bayan ya gama ne aka bayyana sabon evidence wato audio record na muryan Anty Uloma tana bayanin yadda abin ya faru. Da ke da pidgin english ta yi maganan kusan kowa ya gane abinda aka faÉ—a.
"Objetion My Lord. Wannan muryan ba mu yarda da shi ba, zai iya zama wata ne kawai ta zauna ta naÉ—i muryanta tana shirya bayanai dan a É“atawa client É—ina suna"
"Objection overruled, Barrister Zaytoon proceed"
Yana maganar idon sa cikin na ta. Da farko sai da ta É—an rasa nitsuwarta na 'yan sakanni saboda tasirin kallon da Justice ya ma ta. Ta yi saurin jan numfashi tareda cigaba da bayani.
"Kamar yadda mu ka saurara Mrs Uloma ta bayyana gaskiyar abin da ya faru kuma wannan bayani ne da aka naɗe shi kwana uku kafin mutuwar Uloma Uzodinma kuma ƙanwa ta ke uwa ɗaya uba ɗaya da Chief Udodiri. Ina so kotu ta bani dama na yiwa Chief Udodiri wa su tambayoyi"
Justice Bulus ya ce an ba ta dama.
Chief Udodiri ya fito yana wani huhhura hanci. Sanye ya ke da igbo attire da wata sanda na alfarma da yawancin ma su kuɗin ƙasashen igbo ke amfani da shi.
Zaytoonah ta matsa kusa da witness box ta ce "Mr Augustus Udodiri ko za ka iya gaya mana yaushe ne Patrick da matar sa su ka mutu?"
With full confidence ya ce " 22nd December 1985"
"Ko za ka iya sanar da mu abinda ya kashe su?"
Wani yawu ya haÉ—iye jin tambayar dan dole ya faÉ—i abinda aka riga aka faÉ—a a baya dan chanja magana ka iya jawo matsala kamar yadda lawyan sa ya bashi shawara.
"Patrick da Caroline sun mutu suna bacci, ba mu san dalili ba amma kasancewar akwai wanda su ka riƙe aladun gargajiya sosai a lokacin. Wasu sun yi iƙirarin cewa an cinye kuruwar su ne"
Zaytoonah ta É—aure fiska ta ce " ko za ka iya gaya mana wa ake zargin ya cinye kuruwar su?"
" 'yar su Mary"
"My Lords, Chief Udodiri ya bayyana ma na a rubuce kuma yayi rantsuwa cewa shi mabiyin addinin kiristanci ne tun sama da shekaru arba'in da su ka wuce. Haka nan a lokacin da Patrick da matar sa su ka mutu Chief Udodiri yana da kwalin degree in order words yana da ilimin boko, amma duk da wannan qualification ɗin Augustus Udodiri ya yarda da iƙirarin da ya ce anyi na cewa Mary-Nkiru mayya ce kuma ita ta kashe iyayen ta. Maimakon a kai case ɗin police station ayi bincike na gaskiya sai ya sa aka ɗaure Mary-Nkiru aka rufeta a wani ɗaki ba abinci ba ruwa. Ko a nan aka tsaya Udodiri ya violating human right kuma ya abusing Mary-Nkiru"
"Objection My Lord, Barrister Zaytoonah ta fara kauce hanyar ƙara"
"Objection Overruled" wannan karan Justice Shafa'atu ce ta yi maganar.
Zaytoonah ta yi godiya kafin ta cigaba.
"Ina so kotu ta sani Udodiri ba shi da hurumin da zai yanke hukunci da kan sa, ina so kotu ta tuna cewa zancen soki buruntsu Udodiri ya ke yi saboda kotu ba ta yarda da maita ba. Kenan maganan Marigayiya Uloma ya tabbata da ta ce guba aka zuba a abinci su ka ci suka mutu.
"Bayan da Mary-Nkiru ta kuɓuta daga kaidin Udodiri wanda ke son a ƙona ta da ran ta bisa umurnin Dibia na ƙauyen su. Udodiri ya juya duk wani kadarori na Patrick da matar sa zuwa sunan sa. Muna da copies na wasu daga cikin takardun da aka yi na kamfani wanda ke ɗauke da sunan Caroline Asibong Uzodinma da kuma Mary-Nkiru Uzodinma a matsayin next of kin ɗin Marigayi Patrick.
"Ina so kotu ta sake duba wannan shaida da Uloma ta bayar a matsayin gaskiyar abinda ya faru"
Bayan ta zauna ne Barrister Toby Rowling wanda tuni ya sha jinin jikin sa saboda zafafan bayanai da Zaytoonah ta gabatar ya miƙe ya fara bayani wanda duk ɓaɓatu ya ke yi da kame-kame. Wancan karan sun samu daman bribing judge ɗin da ya saurari ƙara a High court na Imo state, amma wannan karan duka Justice ɗin da aka saka babu wanda ke da record ɗin ƙarɓan cin hanci a ciki. Infact Justice Bulus da su ka fara tuntuɓa da maganar kuɗi balbalesu yai tareda iƙirarin su ka ƙara kawo ma sa wannan tayin sai ya sa an kama su.
Gaba ɗaya sun riga sun budgeting Justice Sabo da kuma Justice Ifalana za a saka a chair of Justice ɗin amma ƙwatsam aka saka Justice Yunus da sauran Justice ɗin ma su irin ra'ayin sa.
Bayan ya gama na shi kame-kamen ne aka tambayi Zaytoonah ko tana da abun faÉ—a.
Zaytoonah ta miƙe tsaye ta ce "ina neman alfarma daga wannan kotu aba da dama a exhuming jiki ko ƙasusuwan Patrick da Caroline domin a gwada ko poison ne ya kashe su ko wani abun ne daban"
Tana magana kotun aka fara murmuring ƙasa-ƙasa. Shi kan sa Chief Udodiri temporary shock ne ya same shi kasancewar bai tsammanci hakan ba.
Maganar da su ka yi da Galadima kenan kafin su É“ata, inda ya ba ta shawara akan idan tafiya ta yi tafiya ta nemi a tono gawan su Patrick da Caroline ya sani kafin a kai ga yin hakan dole gaskiya za ta fito.
"Kin san cewa wannan aiki ba ƙaramin aiki ba ne tunda experts za a kawo daga ƙasar waje" Justice Bulus yai maganar.
"Idan kotu ta bani dama ko nawa ne Client É—ina za ta biya kuÉ—in da za a biya expert É—in da za su zo su yi aiki" ...
***
Ƙaran shigowar text ya sa ta duba wayan ta lokacin suna magana da Mommy a bayan mota. Tana ganin numbar Justice ne ta ja siririn tsaki.
*Masha Allah! I'm proud of you* abinda aka rubuta kenan.
Ta wani haɗe rai kaman a gaban Justice ɗin ta ke. "Lafiya?" Mommy ta tambaya tana suspecting duk yadda za ayi Justice ne ya turo saƙo, dan tana lura da yanayin 'yartata tunda ta ma ta zancen an bayar da ita wa Justice gaba ɗaya ta tsani jin ko sunan sa ne balle maganar sa...
Udodiri kaman zai yi hauka lokacin da ya ke yiwa Barrister Toby masifa, musamman da ya ke nuna ma sa akwai possibility na za a iya detecting poison a jikin gawa ko da ya zama skeleton ne.
Duk wani bayanan kare kai da ya ke son yi bai saurare shi ba shi dai kawai yai duk yadda za ayi su winning case É—in nan.
Wata ɗaya kotu ta bayar a shigo da experts da za su yi aikin binciken gawan su Patrick. Saboda haka ne ma aka saka matakan tsaro a wajen kabarin na su a chan ƙauyen Okwuohia saboda gudun kar wani ya je ya tone kabarin.
KuÉ—i ne ba kaÉ—an ba da za ayi aikin da shi, dan da Mommy ta ji kuÉ—in sai da ta tsorata har ma ta nuna kawai a ajiye maganar tono gawan nan.
"Adaeze ba sai kin taɓa dukiyar marayu ba. We can still manage"
"Mommy kenan, tun da aka raba gado dai-dai da tsinke ban É—auka a dukiyar Hadid da Hashir ba. I'm using my money"
Mommy ta jinjina kai kawai dan ko shakka babu dukiyar da Zaytoonah ta samu bayan rasuwan Zuhayr ba kaɗan ba ne, and as the years progress duk wasu business da ta ke controlling sai haɓaka su ke yi. Allah ya haɗata da ma su kula ma ta da business ɗin ta wanda su ke da amana da gaskiya duk da fiye da rabin su ba musulmai ba ne...
Yau za su wuce Zaria dan tunda su ka zo Abuja ba su koma ba. 'Yan biyu sun yi kukan har sun gaji, ƙarshema fushi su ka yi da Mom ɗin na su ko an ba su waya sai su ƙi magana.
Tafiya su ke yi suna hira, Dreba ne ke tuƙa su yayinda Salman ke gaba, Mommy da Zaytoonah kuma na baya.
Sun wuce wani ƙauye bai jima ba sai su ka ga wasu soldiers akan hanya, Dreban na ƙoƙarin tsaida mota kawai aka shiga buɗe mu su wuta da bindiga dukkan su suka yi ƙasa a rikice yayinda Dreban ya bawa motar ta su wuta suka wuce arm robbers ɗin wanda su ka yi ɓadda kama da kayan sojoji.
Gudu su ke yi har sai da su ka yi nisa kafin Dreban ya samu ya tsaya wanda da hannu ɗaya ya ke tuƙi saboda ɗaya hannun bullet ya shiga...
"Are they all dead?" Abinda Udodiri ya faÉ—a kenan a wayar ta sa kuma amsar da aka bashi ya sa shi cillar da wayar hannun sa yana ihun Nooooo.
Salman ya samu bullet É—aya a gefen cikin sa kuma shine wanda ya ke critical condition a yanzu. Dreban su a kafaÉ—a aka harbeshi sai Mommy da bullet É—in ya wuce ta gefen shoulder É—in ta. Zaytoonah kam ba abinda ya sameta sai dai shock É—in da ta shiga na abinda ya faru ya tada ma ta ciwon ta. Yanzu haka tunanin ta Ben ne zai kashe su shiyasa ta ke ta ihun Zuhayr ya ceceta. Sau biyu ana ma ta alluran bacci saboda ta bircike mu su a Asibitin.
Justice bai samu labarin da wuri ba sai chan yamma ai kuwa hankalin sa ya tashi sosai, cike da tashin hankali ya nufi Asibitin da aka kwantar da su. Salman ya fara dubawa wanda an samu an cire ma sa bullet ɗin, jinin da aka ɗaura ma sa ma ya kusa ƙarewa. Ya sameshi yana bacci yayinda Auwal ke tareda shi a ɗakin. Da ya fito ya nufi ɗakin Zaytoonah tunda a nan Auwal ɗin ya ce Mommy ta ke dan ɗaki ɗaya aka basu.
More Hausa novels
A Babban Gida Part 1 Complete Hausa Novel
By M Shakur
A Babban Gida Part 2 Complete Hausa Novel
By M Shakur
Ni Da Yaya Sadiq Book 1 Complete Hausa Novel
By Bilyn Abdul
Zee Yar Bariki Part One Complete Hausa Novel
By Zee Usman Kumurya and Fateemerh Zahra Eadress (Real Farhana)
A Tsakankanin Soyayya Part One Complete Hausa Novel
By Billyn Abdul
Zeenatu Part One Complete Hausa Novel
By Queen meemi
Search across the available chapters.